| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
৮. উপস্সুতিসিক্খাপদৰণ্ণনা
8. Upassutisikkhāpadavaṇṇanā
৪৭১. অট্ঠমে সুতিসমীপন্তি সদ্দসমীপং। সুয্যতীতি হি সুতি, সদ্দস্সেতং অধিৰচনং। তস্স সমীপং উপস্সুতি, সদ্দসমীপন্তি ৰুত্তং হোতি। গণ্ঠিপদেসু চ সুয্যতীতি সুতীতি সদ্দোৰ ৰুত্তো। যত্থ পন ঠিতেন সক্কা হোতি সদ্দং সোতুং, তত্থ তিট্ঠন্তো সদ্দসমীপে ঠিতো নাম হোতীতি আহ ‘‘যত্থ ঠত্ৰা’’তিআদি। কেচি পন ‘‘সুণাতি এত্থাতি সুতি। যত্থ ঠিতো সুণাতি, তস্স ঠানস্সেতং নামং। তস্স সমীপং উপস্সুতী’’তি ৰদন্তি, এৰং পন গয্হমানে যস্মিং ঠানে ঠিতো সুণাতি, তস্স আসন্নে অঞ্ঞস্মিং পদেসে তিট্ঠতীতি আপজ্জতি। অট্ঠকথাযঞ্চ উপস্সুতি-সদ্দস্সেৰ অত্থং দস্সেতুং ‘‘যত্থ ঠত্ৰা সক্কা হোতি, তেসং ৰচনং সোতু’’ন্তি ৰুত্তং, ন সুতি-সদ্দস্স। তস্মা পুব্বনযোৰেত্থ পসত্থতরো। অথ ৰা উপেচ্চ সুয্যতি এত্থাতি উপস্সুতি, ঠানং। যং ঠানং উপগতেন সক্কা হোতি কথেন্তানং সদ্দং সোতুং, তত্থাতি এৰমত্থো গহেতব্বো। মন্তেন্তন্তি ভুম্মত্থে উপযোগৰচনন্তি আহ ‘‘মন্তযমানে’’তি।
471. Aṭṭhame sutisamīpanti saddasamīpaṃ. Suyyatīti hi suti, saddassetaṃ adhivacanaṃ. Tassa samīpaṃ upassuti, saddasamīpanti vuttaṃ hoti. Gaṇṭhipadesu ca suyyatīti sutīti saddova vutto. Yattha pana ṭhitena sakkā hoti saddaṃ sotuṃ, tattha tiṭṭhanto saddasamīpe ṭhito nāma hotīti āha ‘‘yattha ṭhatvā’’tiādi. Keci pana ‘‘suṇāti etthāti suti. Yattha ṭhito suṇāti, tassa ṭhānassetaṃ nāmaṃ. Tassa samīpaṃ upassutī’’ti vadanti, evaṃ pana gayhamāne yasmiṃ ṭhāne ṭhito suṇāti, tassa āsanne aññasmiṃ padese tiṭṭhatīti āpajjati. Aṭṭhakathāyañca upassuti-saddasseva atthaṃ dassetuṃ ‘‘yattha ṭhatvā sakkā hoti, tesaṃ vacanaṃ sotu’’nti vuttaṃ, na suti-saddassa. Tasmā pubbanayovettha pasatthataro. Atha vā upecca suyyati etthāti upassuti, ṭhānaṃ. Yaṃ ṭhānaṃ upagatena sakkā hoti kathentānaṃ saddaṃ sotuṃ, tatthāti evamattho gahetabbo. Mantentanti bhummatthe upayogavacananti āha ‘‘mantayamāne’’ti.
৪৭৩. একপরিচ্ছেদানীতি ‘‘সিযা কিরিযং, সিযা অকিরিয’’ন্তি ইমিনা নযেন একপরিচ্ছেদানি। ইমানি হি তীণি সিক্খাপদানি কদাচি কিরিযতো সমুট্ঠহন্তি, কদাচি অকিরিযতো, ন একক্খণেযেৰ কিরিযাকিরিযতো সমুট্ঠহন্তি। সেসমেত্থ উত্তানমেৰ। উপসম্পন্নতা, চোদনাধিপ্পাযো, সৰনন্তি ইমানি পনেত্থ তীণি অঙ্গানি।
473.Ekaparicchedānīti ‘‘siyā kiriyaṃ, siyā akiriya’’nti iminā nayena ekaparicchedāni. Imāni hi tīṇi sikkhāpadāni kadāci kiriyato samuṭṭhahanti, kadāci akiriyato, na ekakkhaṇeyeva kiriyākiriyato samuṭṭhahanti. Sesamettha uttānameva. Upasampannatā, codanādhippāyo, savananti imāni panettha tīṇi aṅgāni.
উপস্সুতিসিক্খাপদৰণ্ণনা নিট্ঠিতা।
Upassutisikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৮. সহধম্মিকৰগ্গো • 8. Sahadhammikavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৮. উপস্সুতিসিক্খাপদৰণ্ণনা • 8. Upassutisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৮. উপস্সুতিসিক্খাপদৰণ্ণনা • 8. Upassutisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৮. উপস্সুতিসিক্খাপদৰণ্ণনা • 8. Upassutisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৮. উপস্সুতিসিক্খাপদং • 8. Upassutisikkhāpadaṃ
