| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. убассуд̇исигкаабад̣̇аван̣н̣анаа
8. Upassutisikkhāpadavaṇṇanā
суяяад̇ийд̇и суд̇и, сад̣̇д̣̇о, суд̇ияаа самийбам̣ убассуд̇ийд̇и ааха ‘‘суд̇исамийба’’нд̇и, сад̣̇д̣̇асамийбанд̇и ад̇т̇о. яад̇т̇а бана тид̇зна саггаа ход̇и сад̣̇д̣̇ам̣ сод̇ум̣ , д̇ад̇т̇а д̇идтанд̇о сад̣̇д̣̇асамийбз д̇идтад̇и наамаад̇и ааха ‘‘яад̇т̇а тад̇ваа’’д̇иаад̣̇и. ат̇а ваа убзжжа суяяад̇и зд̇т̇аад̇и убассуд̇и, таанам̣, яам̣ таанам̣ убаг̇ад̇зна саггаа ход̇и гат̇знд̇аанам̣ сад̣̇д̣̇ам̣ сод̇ум̣, д̇ад̇т̇аад̇и звамбзд̇т̇а ад̇т̇о д̣̇адтаб̣б̣о. д̇урид̇аг̇аманзбийд̇и бажчад̇о г̇ажчанд̇асса бурад̇о г̇ажчанд̇аанам̣ сад̣̇д̣̇асаванад̇т̇ам̣ сийгхаг̇аманзби. охийяамаанзбийд̇и бурад̇о г̇ажчанд̇асса бажчад̇о г̇ажчанд̇аанам̣ важанасаванад̇т̇ам̣ охийяамаанзби.
Suyyatīti suti, saddo, sutiyā samīpaṃ upassutīti āha ‘‘sutisamīpa’’nti, saddasamīpanti attho. Yattha pana ṭhitena sakkā hoti saddaṃ sotuṃ , tattha tiṭṭhanto saddasamīpe tiṭṭhati nāmāti āha ‘‘yattha ṭhatvā’’tiādi. Atha vā upecca suyyati etthāti upassuti, ṭhānaṃ, yaṃ ṭhānaṃ upagatena sakkā hoti kathentānaṃ saddaṃ sotuṃ, tatthāti evampettha attho daṭṭhabbo. Turitagamanepīti pacchato gacchantassa purato gacchantānaṃ saddasavanatthaṃ sīghagamanepi. Ohīyamānepīti purato gacchantassa pacchato gacchantānaṃ vacanasavanatthaṃ ohīyamānepi.
вуубасамиссаамийд̇и убасамам̣ г̇амиссаами, галахам̣ на гариссаами. ад̇д̇аанам̣ бариможзссаамийд̇и мама агаарагабхаавам̣ гат̇зд̇ваа ад̇д̇аанам̣ бариможзссаами. сияаа гирияанд̇и гад̣̇аажи сод̇угаамад̇ааяа г̇аманавасзна самудтаанад̇о сияаа гирияам̣. сияаа агирияанд̇и гад̣̇аажи тид̇адтаанам̣ ааг̇анд̇ваа манд̇аяамаанаанам̣ аж̇аанаабанавасзна самудтаанад̇о сияаа агирияам̣.
Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ parimocessāmi. Siyā kiriyanti kadāci sotukāmatāya gamanavasena samuṭṭhānato siyā kiriyaṃ. Siyā akiriyanti kadāci ṭhitaṭṭhānaṃ āgantvā mantayamānānaṃ ajānāpanavasena samuṭṭhānato siyā akiriyaṃ.
убассуд̇исигкаабад̣̇аван̣н̣анаа нидтид̇аа.
Upassutisikkhāpadavaṇṇanā niṭṭhitā.
