| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
८. उपस्सुतिसिक्खापदवण्णना
8. Upassutisikkhāpadavaṇṇanā
४७१. अट्ठमे – अधिकरणजातानन्ति एतेहि भण्डनादीहि उप्पन्नविवादाधिकरणानं। उपस्सुतिन्ति सुतिसमीपं; यत्थ ठत्वा सक्का होति तेसं वचनं सोतुं, तत्थाति अत्थो। गच्छति आपत्ति दुक्कटस्साति एत्थ पदवारे पदवारे दुक्कटं। मन्तेन्तन्ति अञ्ञेन सद्धिं अञ्ञस्मिं मन्तयमाने; ‘‘मन्तेन्ते’’ति वा पाठो, अयमेवत्थो।
471. Aṭṭhame – adhikaraṇajātānanti etehi bhaṇḍanādīhi uppannavivādādhikaraṇānaṃ. Upassutinti sutisamīpaṃ; yattha ṭhatvā sakkā hoti tesaṃ vacanaṃ sotuṃ, tatthāti attho. Gacchati āpatti dukkaṭassāti ettha padavāre padavāre dukkaṭaṃ. Mantentanti aññena saddhiṃ aññasmiṃ mantayamāne; ‘‘mantente’’ti vā pāṭho, ayamevattho.
४७३. वूपसमिस्सामीति उपसमं गमिस्सामि, कलहं न करिस्सामि। अत्तानं परिमोचेस्सामीति मम अकारकभावं कथेत्वा अत्तानं मोचेस्सामि। सेसमेत्थ उत्तानमेव।
473.Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ mocessāmi. Sesamettha uttānameva.
थेय्यसत्थसमुट्ठानं – कायचित्ततो कायवाचाचित्ततो च समुट्ठाति, सिया किरियं सोतुकामताय गमनवसेन, सिया अकिरियं ठितट्ठानं आगन्त्वा मन्तयमानानं अजानापनवसेन, रूपियं अञ्ञवादकं उपस्सुतीति इमानि हि तीणि सिक्खापदानि एकपरिच्छेदानि, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, दुक्खवेदनन्ति।
Theyyasatthasamuṭṭhānaṃ – kāyacittato kāyavācācittato ca samuṭṭhāti, siyā kiriyaṃ sotukāmatāya gamanavasena, siyā akiriyaṃ ṭhitaṭṭhānaṃ āgantvā mantayamānānaṃ ajānāpanavasena, rūpiyaṃ aññavādakaṃ upassutīti imāni hi tīṇi sikkhāpadāni ekaparicchedāni, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
उपस्सुतिसिक्खापदं अट्ठमं।
Upassutisikkhāpadaṃ aṭṭhamaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ८. सहधम्मिकवग्गो • 8. Sahadhammikavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ८. उपस्सुतिसिक्खापदवण्णना • 8. Upassutisikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ८. उपस्सुतिसिक्खापदवण्णना • 8. Upassutisikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ८. उपस्सुतिसिक्खापदवण्णना • 8. Upassutisikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ८. उपस्सुतिसिक्खापदं • 8. Upassutisikkhāpadaṃ
