| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੮. ਉਪਸ੍ਸੁਤਿਸਿਕ੍ਖਾਪਦવਣ੍ਣਨਾ
8. Upassutisikkhāpadavaṇṇanā
ਸੁਯ੍ਯਤੀਤਿ ਸੁਤਿ, ਸਦ੍ਦੋ, ਸੁਤਿਯਾ ਸਮੀਪਂ ਉਪਸ੍ਸੁਤੀਤਿ ਆਹ ‘‘ਸੁਤਿਸਮੀਪ’’ਨ੍ਤਿ, ਸਦ੍ਦਸਮੀਪਨ੍ਤਿ ਅਤ੍ਥੋ। ਯਤ੍ਥ ਪਨ ਠਿਤੇਨ ਸਕ੍ਕਾ ਹੋਤਿ ਸਦ੍ਦਂ ਸੋਤੁਂ , ਤਤ੍ਥ ਤਿਟ੍ਠਨ੍ਤੋ ਸਦ੍ਦਸਮੀਪੇ ਤਿਟ੍ਠਤਿ ਨਾਮਾਤਿ ਆਹ ‘‘ਯਤ੍ਥ ਠਤ੍વਾ’’ਤਿਆਦਿ। ਅਥ વਾ ਉਪੇਚ੍ਚ ਸੁਯ੍ਯਤਿ ਏਤ੍ਥਾਤਿ ਉਪਸ੍ਸੁਤਿ, ਠਾਨਂ, ਯਂ ਠਾਨਂ ਉਪਗਤੇਨ ਸਕ੍ਕਾ ਹੋਤਿ ਕਥੇਨ੍ਤਾਨਂ ਸਦ੍ਦਂ ਸੋਤੁਂ, ਤਤ੍ਥਾਤਿ ਏવਮ੍ਪੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਤੁਰਿਤਗਮਨੇਪੀਤਿ ਪਚ੍ਛਤੋ ਗਚ੍ਛਨ੍ਤਸ੍ਸ ਪੁਰਤੋ ਗਚ੍ਛਨ੍ਤਾਨਂ ਸਦ੍ਦਸવਨਤ੍ਥਂ ਸੀਘਗਮਨੇਪਿ। ਓਹੀਯਮਾਨੇਪੀਤਿ ਪੁਰਤੋ ਗਚ੍ਛਨ੍ਤਸ੍ਸ ਪਚ੍ਛਤੋ ਗਚ੍ਛਨ੍ਤਾਨਂ વਚਨਸવਨਤ੍ਥਂ ਓਹੀਯਮਾਨੇਪਿ।
Suyyatīti suti, saddo, sutiyā samīpaṃ upassutīti āha ‘‘sutisamīpa’’nti, saddasamīpanti attho. Yattha pana ṭhitena sakkā hoti saddaṃ sotuṃ , tattha tiṭṭhanto saddasamīpe tiṭṭhati nāmāti āha ‘‘yattha ṭhatvā’’tiādi. Atha vā upecca suyyati etthāti upassuti, ṭhānaṃ, yaṃ ṭhānaṃ upagatena sakkā hoti kathentānaṃ saddaṃ sotuṃ, tatthāti evampettha attho daṭṭhabbo. Turitagamanepīti pacchato gacchantassa purato gacchantānaṃ saddasavanatthaṃ sīghagamanepi. Ohīyamānepīti purato gacchantassa pacchato gacchantānaṃ vacanasavanatthaṃ ohīyamānepi.
વੂਪਸਮਿਸ੍ਸਾਮੀਤਿ ਉਪਸਮਂ ਗਮਿਸ੍ਸਾਮਿ, ਕਲਹਂ ਨ ਕਰਿਸ੍ਸਾਮਿ। ਅਤ੍ਤਾਨਂ ਪਰਿਮੋਚੇਸ੍ਸਾਮੀਤਿ ਮਮ ਅਕਾਰਕਭਾવਂ ਕਥੇਤ੍વਾ ਅਤ੍ਤਾਨਂ ਪਰਿਮੋਚੇਸ੍ਸਾਮਿ। ਸਿਯਾ ਕਿਰਿਯਨ੍ਤਿ ਕਦਾਚਿ ਸੋਤੁਕਾਮਤਾਯ ਗਮਨવਸੇਨ ਸਮੁਟ੍ਠਾਨਤੋ ਸਿਯਾ ਕਿਰਿਯਂ। ਸਿਯਾ ਅਕਿਰਿਯਨ੍ਤਿ ਕਦਾਚਿ ਠਿਤਟ੍ਠਾਨਂ ਆਗਨ੍ਤ੍વਾ ਮਨ੍ਤਯਮਾਨਾਨਂ ਅਜਾਨਾਪਨવਸੇਨ ਸਮੁਟ੍ਠਾਨਤੋ ਸਿਯਾ ਅਕਿਰਿਯਂ।
Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ parimocessāmi. Siyā kiriyanti kadāci sotukāmatāya gamanavasena samuṭṭhānato siyā kiriyaṃ. Siyā akiriyanti kadāci ṭhitaṭṭhānaṃ āgantvā mantayamānānaṃ ajānāpanavasena samuṭṭhānato siyā akiriyaṃ.
ਉਪਸ੍ਸੁਤਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Upassutisikkhāpadavaṇṇanā niṭṭhitā.
