| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
9. убаад̇ид̇хааванд̇исуд̇д̇аван̣н̣анаа
9. Upātidhāvantisuttavaṇṇanā
59. навамз рад̇д̇анд̇хагаарад̇имисааяанд̇и рад̇д̇ияам̣ анд̇хагаарз махаад̇имисааяам̣. рад̇д̇ийби хи анд̇хагааравирахид̇аа ход̇и, яаа бун̣н̣амааяа рад̇д̇и ж̇ун̣хобхаасид̇аа. анд̇хагаароби ‘‘д̇имисаа’’д̇и на вад̇д̇аб̣б̣о ход̇и аб̣бхамахигаад̣̇иубаггилзсавирахид̇з д̣̇звз. маханд̇хагааро хи ‘‘д̇имисаа’’д̇и вужжад̇и. аяам̣ бана амаавасий рад̇д̇и д̣̇зво жа мзгхабадаласан̃чанно. д̇зна вуд̇д̇ам̣ – ‘‘рад̇д̇анд̇хагаарад̇имисааяанд̇и рад̇д̇ияаа анд̇хагаарз махаад̇имисааяа’’нд̇и. аб̣бхогаасзд̇и аббадижчаннз огаасз вихааран̇г̇ан̣з. д̇злаббад̣̇ийбзсу жхааяамаанзсууд̇и д̇злабаж̇ж̇од̇зсу ж̇аламаанзсу.
59. Navame rattandhakāratimisāyanti rattiyaṃ andhakāre mahātimisāyaṃ. Rattīpi hi andhakāravirahitā hoti, yā puṇṇamāya ratti juṇhobhāsitā. Andhakāropi ‘‘timisā’’ti na vattabbo hoti abbhamahikādiupakkilesavirahite deve. Mahandhakāro hi ‘‘timisā’’ti vuccati. Ayaṃ pana amāvasī ratti devo ca meghapaṭalasañchanno. Tena vuttaṃ – ‘‘rattandhakāratimisāyanti rattiyā andhakāre mahātimisāya’’nti. Abbhokāseti appaṭicchanne okāse vihāraṅgaṇe. Telappadīpesu jhāyamānesūti telapajjotesu jalamānesu.
нану жа бхаг̇авад̇о б̣яаамаббабхаа багад̇ияаа б̣яаамамад̇д̇аббад̣̇зсам̣ абхиб̣яаабзд̇ваа жанд̣̇имасуурияаалогам̣ абхибхавид̇ваа гханаб̣ахалам̣ б̣уд̣̇д̇хаалогам̣ виссаж̇ж̇знд̇ий анд̇хагаарам̣ вид̇хамид̇ваа д̇идтад̇и, гааяаббабхааби нийлабийд̇аад̣̇ивасзна чаб̣б̣ан̣н̣агханаб̣уд̣̇д̇харасмияо виссаж̇ж̇зд̇ваа багад̇ияаава саманд̇ад̇о асийд̇ихад̇т̇аббад̣̇зсам̣ обхаасзнд̇ий д̇идтад̇и, звам̣ б̣уд̣̇д̇хаалогзнзва згобхаасабхууд̇з бхаг̇авад̇о нисинногаасз бад̣̇ийбагаран̣з гижжам̣ над̇т̇ийд̇и? сажжам̣ над̇т̇и, д̇ат̇ааби бун̃н̃ад̇т̇игаа убаасагаа бхаг̇авад̇о бхигкусан̇гхасса жа бууж̇аагаран̣ад̇т̇ам̣ д̣̇звасигам̣ д̇злаббад̣̇ийбам̣ убадтабзнд̇и. д̇ат̇аа хи вуд̇д̇ам̣ – сааман̃н̃апалзби ‘‘зд̇з ман̣д̣аламаалз д̣̇ийбаа жхааяанд̇ий’’д̇и (д̣̇ий. ни. 1.159). ‘‘рад̇д̇анд̇хагаарад̇имисааяа’’нд̇и ид̣̇амби д̇ассаа рад̇д̇ияаа сабхаавагид̇д̇анад̇т̇ам̣ вуд̇д̇ам̣, на бана бхаг̇авад̇о нисинногаасасса анд̇хагаарабхаавад̇о. бууж̇аагаран̣ад̇т̇амзва хи д̇ад̣̇ааби убаасагзхи бад̣̇ийбаа гаарид̇аа.
Nanu ca bhagavato byāmappabhā pakatiyā byāmamattappadesaṃ abhibyāpetvā candimasūriyālokaṃ abhibhavitvā ghanabahalaṃ buddhālokaṃ vissajjentī andhakāraṃ vidhamitvā tiṭṭhati, kāyappabhāpi nīlapītādivasena chabbaṇṇaghanabuddharasmiyo vissajjetvā pakatiyāva samantato asītihatthappadesaṃ obhāsentī tiṭṭhati, evaṃ buddhālokeneva ekobhāsabhūte bhagavato nisinnokāse padīpakaraṇe kiccaṃ natthīti? Saccaṃ natthi, tathāpi puññatthikā upāsakā bhagavato bhikkhusaṅghassa ca pūjākaraṇatthaṃ devasikaṃ telappadīpaṃ upaṭṭhapenti. Tathā hi vuttaṃ – sāmaññaphalepi ‘‘ete maṇḍalamāle dīpā jhāyantī’’ti (dī. ni. 1.159). ‘‘Rattandhakāratimisāya’’nti idampi tassā rattiyā sabhāvakittanatthaṃ vuttaṃ, na pana bhagavato nisinnokāsassa andhakārabhāvato. Pūjākaraṇatthameva hi tadāpi upāsakehi padīpā kāritā.
д̇асмин̃хи д̣̇ивасз саавад̇т̇иваасино б̣ахуу убаасагаа баад̇ова сарийрабадиж̇аг̇г̇анам̣ гад̇ваа вихаарам̣ г̇анд̇ваа убосат̇ан̇г̇аани самаад̣̇ияид̇ваа б̣уд̣̇д̇хаббамукам̣ бхигкусан̇гхам̣ ниманд̇зд̇ваа наг̇арам̣ бависид̇ваа махаад̣̇аанаани бавад̇д̇зд̇ваа бхаг̇аванд̇ам̣ бхигкусан̇гхан̃жа ануг̇анд̇ваа нивад̇д̇ид̇ваа ад̇д̇ано ад̇д̇ано г̇зхаани г̇анд̇ваа саяамби барибхун̃ж̇ид̇ваа суд̣̇д̇хавад̇т̇анивад̇т̇аа суд̣̇д̇худ̇д̇араасан̇г̇аа г̇анд̇хамаалаад̣̇ихад̇т̇аа вихаарам̣ г̇анд̇ваа бхаг̇аванд̇ам̣ бууж̇зд̇ваа гзжи манобхааванийяз бхигкуу баяирубаасанд̇аа гзжи яонисоманасигаронд̇аа д̣̇ивасабхааг̇ам̣ вийд̇инаамзсум̣. д̇з сааяанхасамаяз бхаг̇авад̇о санд̇игз д̇хаммам̣ суд̇ваа сад̇т̇ари д̇хаммасабхааман̣д̣абад̇о бадтааяа г̇анд̇хагудисамийбз аж̇жхогаасз бан̃н̃ад̇д̇авараб̣уд̣̇д̇хаасанз нисиннз, бхигкусан̇гхз жа бхаг̇аванд̇ам̣ убасан̇гамид̇ваа баяирубаасанд̇з убосат̇ависод̇ханад̇т̇ан̃жзва яонисоманасигаарабариб̣рууханад̇т̇ан̃жа наг̇арам̣ аг̇анд̇ваа вихаарзязва васид̇угаамаа охийяим̣су. ат̇а д̇з бхаг̇авад̇о бхигкусан̇гхасса жа бууж̇аагаран̣ад̇т̇ам̣ б̣ахуу д̇злаббад̣̇ийбз ааробзд̇ваа сад̇т̇аарам̣ убасан̇гамид̇ваа ванд̣̇ид̇ваа бхигкусан̇гхасса жа ан̃ж̇алим̣ гад̇ваа бхигкуунам̣ барияанд̇з нисиннаа гат̇ам̣ самудтаабзсум̣, ‘‘бханд̇з, имз д̇ид̇т̇ияаа наанаавид̇хаани д̣̇идтиг̇ад̇аани абхинивисса вохаранд̇и, д̇ат̇аа вохаранд̇аа жа гад̣̇аажи сассад̇ам̣, гад̣̇аажи асассад̇ам̣, ужчзд̣̇аад̣̇ийсу ан̃н̃ад̇аранд̇и згасмим̣язва адтад̇ваа наванаваани д̣̇идтиг̇ад̇аани ‘ид̣̇амзва сажжам̣ могхаман̃н̃а’нд̇и баг̇г̇аяха д̇идтанд̇и уммад̇д̇агасад̣̇исаа, д̇зсам̣ д̇ат̇аа абхинивидтаанам̣ гаа г̇ад̇и, го абхисамбарааяо’’д̇и. д̇зна жа самаязна б̣ахуу бадан̇г̇абаан̣агаа бад̇анд̇аа бад̇анд̇аа д̇зсу д̇злаббад̣̇ийбзсу нибад̇анд̇и. д̇зна вуд̇д̇ам̣ – ‘‘д̇зна ко бана самаязна самб̣ахулаа ад̇хибаад̇агаа’’д̇иаад̣̇и.
Tasmiñhi divase sāvatthivāsino bahū upāsakā pātova sarīrapaṭijagganaṃ katvā vihāraṃ gantvā uposathaṅgāni samādiyitvā buddhappamukhaṃ bhikkhusaṅghaṃ nimantetvā nagaraṃ pavisitvā mahādānāni pavattetvā bhagavantaṃ bhikkhusaṅghañca anugantvā nivattitvā attano attano gehāni gantvā sayampi paribhuñjitvā suddhavatthanivatthā suddhuttarāsaṅgā gandhamālādihatthā vihāraṃ gantvā bhagavantaṃ pūjetvā keci manobhāvanīye bhikkhū payirupāsantā keci yonisomanasikarontā divasabhāgaṃ vītināmesuṃ. Te sāyanhasamaye bhagavato santike dhammaṃ sutvā satthari dhammasabhāmaṇḍapato paṭṭhāya gandhakuṭisamīpe ajjhokāse paññattavarabuddhāsane nisinne, bhikkhusaṅghe ca bhagavantaṃ upasaṅkamitvā payirupāsante uposathavisodhanatthañceva yonisomanasikāraparibrūhanatthañca nagaraṃ agantvā vihāreyeva vasitukāmā ohīyiṃsu. Atha te bhagavato bhikkhusaṅghassa ca pūjākaraṇatthaṃ bahū telappadīpe āropetvā satthāraṃ upasaṅkamitvā vanditvā bhikkhusaṅghassa ca añjaliṃ katvā bhikkhūnaṃ pariyante nisinnā kathaṃ samuṭṭhāpesuṃ, ‘‘bhante, ime titthiyā nānāvidhāni diṭṭhigatāni abhinivissa voharanti, tathā voharantā ca kadāci sassataṃ, kadāci asassataṃ, ucchedādīsu aññataranti ekasmiṃyeva aṭṭhatvā navanavāni diṭṭhigatāni ‘idameva saccaṃ moghamañña’nti paggayha tiṭṭhanti ummattakasadisā, tesaṃ tathā abhiniviṭṭhānaṃ kā gati, ko abhisamparāyo’’ti. Tena ca samayena bahū paṭaṅgapāṇakā patantā patantā tesu telappadīpesu nipatanti. Tena vuttaṃ – ‘‘tena kho pana samayena sambahulā adhipātakā’’tiādi.
д̇ад̇т̇а ад̇хибаад̇агаад̇и бадан̇г̇абаан̣агаа, яз ‘‘салабхаа’’д̇иби вужжанд̇и. д̇з хи д̣̇ийбасикам̣ ад̇хибад̇анад̇о ‘‘ад̇хибаад̇агаа’’д̇и ад̇хиббзд̇аа. аабаад̇абарибаад̇анд̇и аабаад̇ам̣ барибаад̇ам̣, аабад̇ид̇ваа аабад̇ид̇ваа барибад̇ид̇ваа барибад̇ид̇ваа, абхимукабаад̇ан̃жзва бариб̣бхамид̇ваа баад̇ан̃жа гад̇ваад̇и ад̇т̇о. ‘‘аабаат̇з барибаад̇а’’нд̇и гзжи батанд̇и, аабаат̇з бад̣̇ийбасса ад̇д̇ано аабаат̇аг̇аманз сад̇и барибад̇ид̇ваа барибад̇ид̇ваад̇и ад̇т̇о. анаяанд̇и авад̣дхим̣ д̣̇угкам̣. б̣яасананд̇и винаасам̣. буримабад̣̇зна хи маран̣амад̇д̇ам̣ д̣̇угкам̣, бажчимабад̣̇зна маран̣ам̣ д̇зсам̣ д̣̇ийбзд̇и. д̇ад̇т̇а гзжи баан̣агаа саха бад̇анзна марим̣су, гзжи маран̣амад̇д̇ам̣ д̣̇угкам̣ аабаж̇ж̇им̣су.
Tattha adhipātakāti paṭaṅgapāṇakā, ye ‘‘salabhā’’tipi vuccanti. Te hi dīpasikhaṃ adhipatanato ‘‘adhipātakā’’ti adhippetā. Āpātaparipātanti āpātaṃ paripātaṃ, āpatitvā āpatitvā paripatitvā paripatitvā, abhimukhapātañceva paribbhamitvā pātañca katvāti attho. ‘‘Āpāthe paripāta’’nti keci paṭhanti, āpāthe padīpassa attano āpāthagamane sati paripatitvā paripatitvāti attho. Anayanti avaḍḍhiṃ dukkhaṃ. Byasananti vināsaṃ. Purimapadena hi maraṇamattaṃ dukkhaṃ, pacchimapadena maraṇaṃ tesaṃ dīpeti. Tattha keci pāṇakā saha patanena mariṃsu, keci maraṇamattaṃ dukkhaṃ āpajjiṃsu.
зд̇амад̇т̇ам̣ вид̣̇ид̇ваад̇и зд̇ам̣ ад̇хибаад̇агабаан̣агаанам̣ ад̇д̇ахид̇ам̣ аж̇аананд̇аанам̣ ад̇д̇убаггамавасзна нирад̇т̇агаб̣яасанаабад̇д̇им̣ вид̣̇ид̇ваа д̇зсам̣ вияа д̣̇идтиг̇ад̇игаанам̣ д̣̇идтаабхинивзсзна анаяаб̣яасанаабад̇д̇ид̣̇ийбагам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ adhipātakapāṇakānaṃ attahitaṃ ajānantānaṃ attupakkamavasena niratthakabyasanāpattiṃ viditvā tesaṃ viya diṭṭhigatikānaṃ diṭṭhābhinivesena anayabyasanāpattidīpakaṃ imaṃ udānaṃ udānesi.
д̇ад̇т̇а убаад̇ид̇хааванд̇и на саарамзнд̇ийд̇и сийласамаад̇хибан̃н̃аавимуд̇д̇иаад̣̇ибхзд̣̇ам̣ саарам̣ на знд̇и, жад̇усажжаабхисамаяавасзна на ад̇хиг̇ажчанд̇и. д̇асмим̣ бана саубааяз саарз д̇идтанд̇зязва вимуд̇д̇аабхилаасааяа д̇ам̣ убзнд̇аа вияа худ̇вааби д̣̇идтивибаллаасзна ад̇ид̇хааванд̇и ад̇иггамид̇ваа г̇ажчанд̇и, бан̃жубаад̣̇аанагканд̇хз ‘‘нижжам̣ субхам̣ сукам̣ ад̇д̇аа’’д̇и абхинивисид̇ваа г̇ан̣ханд̇аад̇и ад̇т̇о. навам̣ навам̣ б̣анд̇ханам̣ б̣руухаяанд̇ийд̇и д̇ат̇аа г̇ан̣ханд̇аа жа д̇ан̣хаад̣̇идтисан̇каад̇ам̣ навам̣ навам̣ б̣анд̇ханам̣ б̣руухаяанд̇и вад̣дхаяанд̇и. бад̇анд̇и баж̇ж̇од̇амиваад̇хибаад̇агаа, д̣̇идтз суд̇з ид̇ихзгз нивидтаад̇и звам̣ д̇ан̣хаад̣̇идтиб̣анд̇ханзхи б̣ад̣̇д̇хад̇д̇аа згз саман̣аб̣раахман̣аа д̣̇идтз ад̇д̇анаа жагкувин̃н̃аан̣зна д̣̇идтид̣̇ассанзнзва ваа д̣̇идтз ануссавуубалаб̣бхамад̇д̇знзва жа суд̇з ‘‘ид̇иха зганд̇ад̇о звамзд̇а’’нд̇и нивидтаа д̣̇идтаабхинивзсзна ‘‘сассад̇а’’нд̇иаад̣̇инаа абхинивидтаа, зганд̇ахид̇ам̣ ваа ниссаран̣ам̣ аж̇аананд̇аа рааг̇аад̣̇ийхи згаад̣̇асахи аг̇г̇ийхи аад̣̇ид̇д̇ам̣ бхавад̇д̇аяасан̇каад̇ам̣ ан̇г̇аарагаасум̣язва имз вияа ад̇хибаад̇агаа имам̣ баж̇ж̇од̇ам̣ бад̇анд̇и, на д̇ад̇о сийсам̣ угкибид̇ум̣ саггонд̇ийд̇и ад̇т̇о.
Tattha upātidhāvanti na sāramentīti sīlasamādhipaññāvimuttiādibhedaṃ sāraṃ na enti, catusaccābhisamayavasena na adhigacchanti. Tasmiṃ pana saupāye sāre tiṭṭhanteyeva vimuttābhilāsāya taṃ upentā viya hutvāpi diṭṭhivipallāsena atidhāvanti atikkamitvā gacchanti, pañcupādānakkhandhe ‘‘niccaṃ subhaṃ sukhaṃ attā’’ti abhinivisitvā gaṇhantāti attho. Navaṃ navaṃ bandhanaṃ brūhayantīti tathā gaṇhantā ca taṇhādiṭṭhisaṅkhātaṃ navaṃ navaṃ bandhanaṃ brūhayanti vaḍḍhayanti. Patanti pajjotamivādhipātakā, diṭṭhe sute itiheke niviṭṭhāti evaṃ taṇhādiṭṭhibandhanehi baddhattā eke samaṇabrāhmaṇā diṭṭhe attanā cakkhuviññāṇena diṭṭhidassaneneva vā diṭṭhe anussavūpalabbhamatteneva ca sute ‘‘itiha ekantato evameta’’nti niviṭṭhā diṭṭhābhinivesena ‘‘sassata’’ntiādinā abhiniviṭṭhā, ekantahitaṃ vā nissaraṇaṃ ajānantā rāgādīhi ekādasahi aggīhi ādittaṃ bhavattayasaṅkhātaṃ aṅgārakāsuṃyeva ime viya adhipātakā imaṃ pajjotaṃ patanti, na tato sīsaṃ ukkhipituṃ sakkontīti attho.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 9. убаад̇ид̇хааванд̇исуд̇д̇ам̣ • 9. Upātidhāvantisuttaṃ
