| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. убад̇иссасуд̇д̇ам̣
2. Upatissasuttaṃ
236. саавад̇т̇ияам̣ вихарад̇и. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
236. Sāvatthiyaṃ viharati. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ид̇ха маяхам̣, аавусо, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘ад̇т̇и ну ко д̇ам̣ гин̃жи логасмим̣ яасса мз вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’д̇и? д̇асса маяхам̣, аавусо, зд̇ад̣̇ахоси – ‘над̇т̇и ко д̇ам̣ гин̃жи логасмим̣ яасса мз вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’’д̇и.
‘‘Idha mayhaṃ, āvuso, rahogatassa paṭisallīnassa evaṃ cetaso parivitakko udapādi – ‘atthi nu kho taṃ kiñci lokasmiṃ yassa me vipariṇāmaññathābhāvā uppajjeyyuṃ sokaparidevadukkhadomanassupāyāsā’ti? Tassa mayhaṃ, āvuso, etadahosi – ‘natthi kho taṃ kiñci lokasmiṃ yassa me vipariṇāmaññathābhāvā uppajjeyyuṃ sokaparidevadukkhadomanassupāyāsā’’’ti.
звам̣ вуд̇д̇з, ааяасмаа аананд̣̇о ааяасманд̇ам̣ саарибуд̇д̇ам̣ зд̇ад̣̇авожа – ‘‘сад̇т̇уби ко д̇з, аавусо саарибуд̇д̇а, вибарин̣ааман̃н̃ат̇аабхааваа нуббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘сад̇т̇уби ко мз, аавусо, вибарин̣ааман̃н̃ат̇аабхааваа нуббаж̇ж̇зяяум̣ согабарид̣̇звад̣̇угкад̣̇оманассубааяаасаа, аби жа мз звамасса – ‘махзсагко вад̇а, бхо, сад̇т̇аа анд̇арахид̇о махид̣̇д̇хиго махаанубхааво. сажз хи бхаг̇аваа жирам̣ д̣̇ийгхамад̣̇д̇хаанам̣ д̇идтзяяа д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса сад̇т̇уби вибарин̣ааман̃н̃ат̇аабхааваа нуббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и. д̣̇уд̇ияам̣.
Evaṃ vutte, āyasmā ānando āyasmantaṃ sāriputtaṃ etadavoca – ‘‘satthupi kho te, āvuso sāriputta, vipariṇāmaññathābhāvā nuppajjeyyuṃ sokaparidevadukkhadomanassupāyāsā’’ti? ‘‘Satthupi kho me, āvuso, vipariṇāmaññathābhāvā nuppajjeyyuṃ sokaparidevadukkhadomanassupāyāsā, api ca me evamassa – ‘mahesakkho vata, bho, satthā antarahito mahiddhiko mahānubhāvo. Sace hi bhagavā ciraṃ dīghamaddhānaṃ tiṭṭheyya tadassa bahujanahitāya bahujanasukhāya lokānukampāya atthāya hitāya sukhāya devamanussāna’nti. Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa satthupi vipariṇāmaññathābhāvā nuppajjeyyuṃ sokaparidevadukkhadomanassupāyāsā’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. убад̇иссасуд̇д̇аван̣н̣анаа • 2. Upatissasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. убад̇иссасуд̇д̇аван̣н̣анаа • 2. Upatissasuttavaṇṇanā
