| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖. อุปติฎฺฐนสิกฺขาปทวณฺณนา
6. Upatiṭṭhanasikkhāpadavaṇṇanā
ตกฺกาทีสุ วา อญฺญตเรนาติ ตกฺกทธิมตฺถุรสขีราทีสุ อญฺญตเรนฯ ยาย กายจิ พีชนิยาติ อนฺตมโส จีวรกณฺณํ อุปาทาย ยาย กายจิ พีชนิยาฯ
Takkādīsu vā aññatarenāti takkadadhimatthurasakhīrādīsu aññatarena. Yāya kāyaci bījaniyāti antamaso cīvarakaṇṇaṃ upādāya yāya kāyaci bījaniyā.
อิมํ ปิวถาติ อิมํ ปานียํ วา สูปาทิํ วา ปิวถฯ อิมินา พีชถาติ อิมินา ตาลวเณฺฎน พีชถฯ ทาเปนฺติยาติ อเญฺญน อุภยมฺปิ ทาเปนฺติยาฯ
Imaṃ pivathāti imaṃ pānīyaṃ vā sūpādiṃ vā pivatha. Iminā bījathāti iminā tālavaṇṭena bījatha. Dāpentiyāti aññena ubhayampi dāpentiyā.
อุปติฎฺฐนสิกฺขาปทวณฺณนา นิฎฺฐิตาฯ
Upatiṭṭhanasikkhāpadavaṇṇanā niṭṭhitā.
