| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. อุปฎฺฐากทายกเตฺถรอปทานํ
6. Upaṭṭhākadāyakattheraapadānaṃ
๒๔.
24.
‘‘รถิยํ ปฎิปชฺชนฺตํ, อาหุตีนํ ปฎิคฺคหํ;
‘‘Rathiyaṃ paṭipajjantaṃ, āhutīnaṃ paṭiggahaṃ;
ทฺวิปทินฺทํ มหานาคํ, โลกเชฎฺฐํ นราสภํฯ
Dvipadindaṃ mahānāgaṃ, lokajeṭṭhaṃ narāsabhaṃ.
๒๕.
25.
‘‘ปโกฺกสาปิย ตสฺสาหํ, สพฺพโลกหิเตสิโน;
‘‘Pakkosāpiya tassāhaṃ, sabbalokahitesino;
อุปฎฺฐาโก มยา ทิโนฺน, สิทฺธตฺถสฺส มเหสิโนฯ
Upaṭṭhāko mayā dinno, siddhatthassa mahesino.
๒๖.
26.
อุฎฺฐาย อาสนา ตมฺหา, ปกฺกามิ ปาจินามุโขฯ
Uṭṭhāya āsanā tamhā, pakkāmi pācināmukho.
๒๗.
27.
‘‘จตุนฺนวุติโต กเปฺป, อุปฎฺฐากมทํ ตทา;
‘‘Catunnavutito kappe, upaṭṭhākamadaṃ tadā;
ทุคฺคติํ นาภิชานามิ, อุปฎฺฐานสฺสิทํ ผลํฯ
Duggatiṃ nābhijānāmi, upaṭṭhānassidaṃ phalaṃ.
๒๘.
28.
‘‘สตฺตปญฺญาสิโต กเปฺป, พลเสนสนามโก;
‘‘Sattapaññāsito kappe, balasenasanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๒๙.
29.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อุปฎฺฐากทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā upaṭṭhākadāyako thero imā gāthāyo abhāsitthāti.
อุปฎฺฐากทายกเตฺถรสฺสาปทานํ ฉฎฺฐํฯ
Upaṭṭhākadāyakattherassāpadānaṃ chaṭṭhaṃ.
Footnotes:
