| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
убадтаанасаалааануж̇аананам̣
Upaṭṭhānasālāanujānanaṃ
301. д̇зна ко бана самаязна бхигкуу аж̇жхогаасз бхад̇д̇ависсаг̇г̇ам̣ гаронд̇аа сийд̇знаби ун̣хзнаби гиламанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, убадтаанасаала’’нд̇и. убадтаанасаалаа нийжавад̇т̇угаа ход̇и , уд̣̇агзна од̇т̇арияяад̇и…бз… ‘‘ануж̇аанаами, бхигкавз, ужжавад̇т̇угам̣ гаад̇у’’нд̇и. жаяо барибад̇ад̇и…бз… ‘‘ануж̇аанаами, бхигкавз, жинид̇ум̣ д̇аяо жаяз – идтагаажаяам̣, силаажаяам̣, д̣̇ааружаяа’’нд̇и. аароханд̇аа вихан̃н̃анд̇и…бз… ‘‘ануж̇аанаами, бхигкавз, д̇аяо собаанз – идтагаасобаанам̣, силаасобаанам̣, д̣̇аарусобаана’’нд̇и. аароханд̇аа барибад̇анд̇и…бз… ‘‘ануж̇аанаами, бхигкавз, ааламб̣анаб̣ааха’’нд̇и. убадтаанасаалааяа д̇ин̣ажун̣н̣ам̣ барибад̇ад̇и…бз… ‘‘ануж̇аанаами, бхигкавз, ог̇умпзд̇ваа уллид̇д̇аавалид̇д̇ам̣ гаад̇ум̣ – сзд̇аван̣н̣ам̣ гаал̣аван̣н̣ам̣ г̇зругабаригаммам̣ маалаагаммам̣ лад̇аагаммам̣ магарад̣̇анд̇агам̣ бан̃жабадигам̣ жийваравам̣сам̣ жийварараж̇ж̇у’’нд̇и.
301. Tena kho pana samayena bhikkhū ajjhokāse bhattavissaggaṃ karontā sītenapi uṇhenapi kilamanti. Bhagavato etamatthaṃ ārocesuṃ. ‘‘Anujānāmi, bhikkhave, upaṭṭhānasāla’’nti. Upaṭṭhānasālā nīcavatthukā hoti , udakena otthariyyati…pe… ‘‘anujānāmi, bhikkhave, uccavatthukaṃ kātu’’nti. Cayo paripatati…pe… ‘‘anujānāmi, bhikkhave, cinituṃ tayo caye – iṭṭhakācayaṃ, silācayaṃ, dārucaya’’nti. Ārohantā vihaññanti…pe… ‘‘anujānāmi, bhikkhave, tayo sopāne – iṭṭhakāsopānaṃ, silāsopānaṃ, dārusopāna’’nti. Ārohantā paripatanti…pe… ‘‘anujānāmi, bhikkhave, ālambanabāha’’nti. Upaṭṭhānasālāya tiṇacuṇṇaṃ paripatati…pe… ‘‘anujānāmi, bhikkhave, ogumphetvā ullittāvalittaṃ kātuṃ – setavaṇṇaṃ kāḷavaṇṇaṃ gerukaparikammaṃ mālākammaṃ latākammaṃ makaradantakaṃ pañcapaṭikaṃ cīvaravaṃsaṃ cīvararajju’’nti.
д̇зна ко бана самаязна бхигкуу аж̇жхогаасз чамааяа жийварам̣ бад̇т̇аранд̇и. жийварам̣ бам̣сугид̇ам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аж̇жхогаасз жийваравам̣сам̣ жийварараж̇ж̇у’’нд̇и. баанийяам̣ од̇аббад̇и…бз… ‘‘ануж̇аанаами, бхигкавз, баанийяасаалам̣ баанийяаман̣д̣аба’’нд̇и. баанийяасаалаа нийжавад̇т̇угаа ход̇и, уд̣̇агзна од̇т̇арияяад̇и…бз… ‘‘ануж̇аанаами, бхигкавз, ужжавад̇т̇угам̣ гаад̇у’’нд̇и. жаяо барибад̇ад̇и…бз… ‘‘ануж̇аанаами, бхигкавз, жинид̇ум̣ д̇аяо жаяз – идтагаажаяам̣, силаажаяам̣, д̣̇ааружаяа’’нд̇и. аароханд̇аа вихан̃н̃анд̇и…бз… ‘‘ануж̇аанаами, бхигкавз, д̇аяо собаанз – идтагаасобаанам̣, силаасобаанам̣, д̣̇аарусобаана’’нд̇и. аароханд̇аа барибад̇анд̇и…бз… ‘‘ануж̇аанаами, бхигкавз, ааламб̣анаб̣ааха’’нд̇и. баанийяасаалааяа д̇ин̣ажун̣н̣ам̣ барибад̇ад̇и…бз… ‘‘ануж̇аанаами, бхигкавз, ог̇умпзд̇ваа уллид̇д̇аавалид̇д̇ам̣ гаад̇ум̣ – сзд̇аван̣н̣ам̣ гаал̣аван̣н̣ам̣ г̇зругабаригаммам̣ маалаагаммам̣ лад̇аагаммам̣ магарад̣̇анд̇агам̣ бан̃жабадигам̣ жийваравам̣сам̣ жийварараж̇ж̇у’’нд̇и. баанийяабхааж̇анам̣ на сам̣виж̇ж̇ад̇и…бз… ‘‘ануж̇аанаами, бхигкавз, баанийяасан̇кам̣ баанийяасараавага’’нд̇и.
Tena kho pana samayena bhikkhū ajjhokāse chamāya cīvaraṃ pattharanti. Cīvaraṃ paṃsukitaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, ajjhokāse cīvaravaṃsaṃ cīvararajju’’nti. Pānīyaṃ otappati…pe… ‘‘anujānāmi, bhikkhave, pānīyasālaṃ pānīyamaṇḍapa’’nti. Pānīyasālā nīcavatthukā hoti, udakena otthariyyati…pe… ‘‘anujānāmi, bhikkhave, uccavatthukaṃ kātu’’nti. Cayo paripatati…pe… ‘‘anujānāmi, bhikkhave, cinituṃ tayo caye – iṭṭhakācayaṃ, silācayaṃ, dārucaya’’nti. Ārohantā vihaññanti…pe… ‘‘anujānāmi, bhikkhave, tayo sopāne – iṭṭhakāsopānaṃ, silāsopānaṃ, dārusopāna’’nti. Ārohantā paripatanti…pe… ‘‘anujānāmi, bhikkhave, ālambanabāha’’nti. Pānīyasālāya tiṇacuṇṇaṃ paripatati…pe… ‘‘anujānāmi, bhikkhave, ogumphetvā ullittāvalittaṃ kātuṃ – setavaṇṇaṃ kāḷavaṇṇaṃ gerukaparikammaṃ mālākammaṃ latākammaṃ makaradantakaṃ pañcapaṭikaṃ cīvaravaṃsaṃ cīvararajju’’nti. Pānīyabhājanaṃ na saṃvijjati…pe… ‘‘anujānāmi, bhikkhave, pānīyasaṅkhaṃ pānīyasarāvaka’’nti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
