| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
२. उपट्ठानसुत्तं
2. Upaṭṭhānasuttaṃ
२२२. एकं समयं अञ्ञतरो भिक्खु कोसलेसु विहरति अञ्ञतरस्मिं वनसण्डे। तेन खो पन समयेन सो भिक्खु दिवाविहारगतो सुपति। अथ खो या तस्मिं वनसण्डे अधिवत्था देवता तस्स भिक्खुनो अनुकम्पिका अत्थकामा तं भिक्खुं संवेजेतुकामा येन सो भिक्खु तेनुपसङ्कमि; उपसङ्कमित्वा तं भिक्खुं गाथाहि अज्झभासि –
222. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato supati. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘उट्ठेहि भिक्खु किं सेसि, को अत्थो सुपितेन 1 ते।
‘‘Uṭṭhehi bhikkhu kiṃ sesi, ko attho supitena 2 te;
आतुरस्स हि का निद्दा, सल्लविद्धस्स रुप्पतो॥
Āturassa hi kā niddā, sallaviddhassa ruppato.
तमेव सद्धं ब्रूहेहि, मा निद्दाय वसं गमी’’ति॥
Tameva saddhaṃ brūhehi, mā niddāya vasaṃ gamī’’ti.
‘‘अनिच्चा अद्धुवा कामा, येसु मन्दोव मुच्छितो।
‘‘Aniccā addhuvā kāmā, yesu mandova mucchito;
‘‘छन्दरागस्स विनया, अविज्जासमतिक्कमा।
‘‘Chandarāgassa vinayā, avijjāsamatikkamā;
असोकं अनुपायासं, कस्मा पब्बजितं तपे॥
Asokaṃ anupāyāsaṃ, kasmā pabbajitaṃ tape.
‘‘आरद्धवीरियं पहितत्तं, निच्चं दळ्हपरक्कमं।
‘‘Āraddhavīriyaṃ pahitattaṃ, niccaṃ daḷhaparakkamaṃ;
निब्बानं अभिकङ्खन्तं, कस्मा पब्बजितं तपे’’ति॥
Nibbānaṃ abhikaṅkhantaṃ, kasmā pabbajitaṃ tape’’ti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २. उपट्ठानसुत्तवण्णना • 2. Upaṭṭhānasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २. उपट्ठानसुत्तवण्णना • 2. Upaṭṭhānasuttavaṇṇanā
