| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. убадтаанасуд̇д̇аван̣н̣анаа
2. Upaṭṭhānasuttavaṇṇanā
222. гааяад̣̇арат̇о ход̇иязва нияамзна, на жид̇д̇ад̣̇арат̇о д̇асса маг̇г̇знзва самуг̇гхаадид̇ад̇д̇аа.
222.Kāyadaratho hotiyeva niyamena, na cittadaratho tassa maggeneva samugghāṭitattā.
ж̇араад̇урод̇и ж̇араабхибхаванзна аад̇уроязва. бад̣̇ад̣̇ваязби зсзва наяо. убаридтад̇ааяа барид̇о д̣̇ийгхабут̇улад̇ааяа ад̇ивияа виж̇жхад̇ийд̇и сад̇д̇исаллаг̇г̇ахан̣ам̣. звам̣ хисса д̇ан̣хаасалласса сад̣̇исад̇аа. авиж̇ж̇ааяа бана саммохаабаад̣̇анзна д̣̇угкаабаад̣̇анзна жа висасад̣̇исад̇аа. руббад̇од̇и вигаарам̣ аабаад̣̇ияамаанасса бийл̣ияамаанассаад̇и ад̇т̇од̇и ааха ‘‘гхаддияамаанассаа’’д̇и.
Jarāturoti jarābhibhavanena āturoyeva. Padadvayepi eseva nayo. Upariṭṭhatāya parito dīghaputhulatāya ativiya vijjhatīti sattisallaggahaṇaṃ. Evaṃ hissa taṇhāsallassa sadisatā. Avijjāya pana sammohāpādanena dukkhāpādanena ca visasadisatā. Ruppatoti vikāraṃ āpādiyamānassa pīḷiyamānassāti atthoti āha ‘‘ghaṭṭiyamānassā’’ti.
баб̣б̣аж̇ид̇анд̇и сасанд̇аанад̇о баб̣б̣аж̇ид̇ам̣ ваа рааг̇аад̣̇ималад̇о баб̣б̣аж̇ид̇ам̣ ваа. д̇асмаад̇и яасмаа т̇зрассзвзд̇ам̣ важанам̣, д̇асмаа аяам̣ ид̣̇аани вужжамаано зд̇т̇а г̇аат̇ааяа ад̇т̇о. д̣̇звад̇ааяа хийд̇иаад̣̇и вуд̇д̇ассзва ад̇т̇асса баагадагаран̣ам̣. зд̇т̇аад̇и сзсаг̇аат̇аасу. ад̇т̇асса вуд̇д̇анаяад̇д̇аа ‘‘ануд̇д̇аанабад̣̇аван̣н̣анаа’’д̇и ааха. винаяаад̇и хзд̇умхи ниссаггаважананд̇и д̇асса хзд̇умхи гаран̣аважанзна ад̇т̇амааха ‘‘винаязнаа’’д̇и. д̇ат̇аа ‘‘самад̇иггамаа’’д̇и зд̇т̇ааби. барамабарисуд̣̇д̇хам̣ сам̣гилзсасамужчинд̣̇анад̇о. аарад̣̇д̇хавийрияанд̇и самбхаавид̇авийрияам̣. самбхааванан̃жасса баг̇г̇ан̣ханам̣ барибууран̣ан̃жаад̇и ааха ‘‘баг̇г̇ахид̇авийрияам̣ барибун̣н̣авийрияа’’нд̇и.
Pabbajitanti sasantānato pabbajitaṃ vā rāgādimalato pabbajitaṃ vā. Tasmāti yasmā therassevetaṃ vacanaṃ, tasmā ayaṃ idāni vuccamāno ettha gāthāya attho. Devatāya hītiādi vuttasseva atthassa pākaṭakaraṇaṃ. Etthāti sesagāthāsu. Atthassa vuttanayattā ‘‘anuttānapadavaṇṇanā’’ti āha. Vinayāti hetumhi nissakkavacananti tassa hetumhi karaṇavacanena atthamāha ‘‘vinayenā’’ti. Tathā ‘‘samatikkamā’’ti etthāpi. Paramaparisuddhaṃ saṃkilesasamucchindanato. Āraddhavīriyanti sambhāvitavīriyaṃ. Sambhāvanañcassa paggaṇhanaṃ paripūraṇañcāti āha ‘‘paggahitavīriyaṃ paripuṇṇavīriya’’nti.
убадтаанасуд̇д̇аван̣н̣анаа нидтид̇аа.
Upaṭṭhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. убадтаанасуд̇д̇ам̣ • 2. Upaṭṭhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. убадтаанасуд̇д̇аван̣н̣анаа • 2. Upaṭṭhānasuttavaṇṇanā
