| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਉਪਟ੍ਠਾਨਸੁਤ੍ਤવਣ੍ਣਨਾ
2. Upaṭṭhānasuttavaṇṇanā
੨੨੨. ਕਾਯਦਰਥੋ ਹੋਤਿਯੇવ ਨਿਯਮੇਨ, ਨ ਚਿਤ੍ਤਦਰਥੋ ਤਸ੍ਸ ਮਗ੍ਗੇਨੇવ ਸਮੁਗ੍ਘਾਟਿਤਤ੍ਤਾ।
222.Kāyadaratho hotiyeva niyamena, na cittadaratho tassa maggeneva samugghāṭitattā.
ਜਰਾਤੁਰੋਤਿ ਜਰਾਭਿਭવਨੇਨ ਆਤੁਰੋਯੇવ। ਪਦਦ੍વਯੇਪਿ ਏਸੇવ ਨਯੋ। ਉਪਰਿਟ੍ਠਤਾਯ ਪਰਿਤੋ ਦੀਘਪੁਥੁਲਤਾਯ ਅਤਿવਿਯ વਿਜ੍ਝਤੀਤਿ ਸਤ੍ਤਿਸਲ੍ਲਗ੍ਗਹਣਂ। ਏવਂ ਹਿਸ੍ਸ ਤਣ੍ਹਾਸਲ੍ਲਸ੍ਸ ਸਦਿਸਤਾ। ਅવਿਜ੍ਜਾਯ ਪਨ ਸਮ੍ਮੋਹਾਪਾਦਨੇਨ ਦੁਕ੍ਖਾਪਾਦਨੇਨ ਚ વਿਸਸਦਿਸਤਾ। ਰੁਪ੍ਪਤੋਤਿ વਿਕਾਰਂ ਆਪਾਦਿਯਮਾਨਸ੍ਸ ਪੀਲ਼ਿਯਮਾਨਸ੍ਸਾਤਿ ਅਤ੍ਥੋਤਿ ਆਹ ‘‘ਘਟ੍ਟਿਯਮਾਨਸ੍ਸਾ’’ਤਿ।
Jarāturoti jarābhibhavanena āturoyeva. Padadvayepi eseva nayo. Upariṭṭhatāya parito dīghaputhulatāya ativiya vijjhatīti sattisallaggahaṇaṃ. Evaṃ hissa taṇhāsallassa sadisatā. Avijjāya pana sammohāpādanena dukkhāpādanena ca visasadisatā. Ruppatoti vikāraṃ āpādiyamānassa pīḷiyamānassāti atthoti āha ‘‘ghaṭṭiyamānassā’’ti.
ਪਬ੍ਬਜਿਤਨ੍ਤਿ ਸਸਨ੍ਤਾਨਤੋ ਪਬ੍ਬਜਿਤਂ વਾ ਰਾਗਾਦਿਮਲਤੋ ਪਬ੍ਬਜਿਤਂ વਾ। ਤਸ੍ਮਾਤਿ ਯਸ੍ਮਾ ਥੇਰਸ੍ਸੇવੇਤਂ વਚਨਂ, ਤਸ੍ਮਾ ਅਯਂ ਇਦਾਨਿ વੁਚ੍ਚਮਾਨੋ ਏਤ੍ਥ ਗਾਥਾਯ ਅਤ੍ਥੋ। ਦੇવਤਾਯ ਹੀਤਿਆਦਿ વੁਤ੍ਤਸ੍ਸੇવ ਅਤ੍ਥਸ੍ਸ ਪਾਕਟਕਰਣਂ। ਏਤ੍ਥਾਤਿ ਸੇਸਗਾਥਾਸੁ। ਅਤ੍ਥਸ੍ਸ વੁਤ੍ਤਨਯਤ੍ਤਾ ‘‘ਅਨੁਤ੍ਤਾਨਪਦવਣ੍ਣਨਾ’’ਤਿ ਆਹ। વਿਨਯਾਤਿ ਹੇਤੁਮ੍ਹਿ ਨਿਸ੍ਸਕ੍ਕવਚਨਨ੍ਤਿ ਤਸ੍ਸ ਹੇਤੁਮ੍ਹਿ ਕਰਣવਚਨੇਨ ਅਤ੍ਥਮਾਹ ‘‘વਿਨਯੇਨਾ’’ਤਿ। ਤਥਾ ‘‘ਸਮਤਿਕ੍ਕਮਾ’’ਤਿ ਏਤ੍ਥਾਪਿ। ਪਰਮਪਰਿਸੁਦ੍ਧਂ ਸਂਕਿਲੇਸਸਮੁਚ੍ਛਿਨ੍ਦਨਤੋ। ਆਰਦ੍ਧવੀਰਿਯਨ੍ਤਿ ਸਮ੍ਭਾવਿਤવੀਰਿਯਂ। ਸਮ੍ਭਾવਨਞ੍ਚਸ੍ਸ ਪਗ੍ਗਣ੍ਹਨਂ ਪਰਿਪੂਰਣਞ੍ਚਾਤਿ ਆਹ ‘‘ਪਗ੍ਗਹਿਤવੀਰਿਯਂ ਪਰਿਪੁਣ੍ਣવੀਰਿਯ’’ਨ੍ਤਿ।
Pabbajitanti sasantānato pabbajitaṃ vā rāgādimalato pabbajitaṃ vā. Tasmāti yasmā therassevetaṃ vacanaṃ, tasmā ayaṃ idāni vuccamāno ettha gāthāya attho. Devatāya hītiādi vuttasseva atthassa pākaṭakaraṇaṃ. Etthāti sesagāthāsu. Atthassa vuttanayattā ‘‘anuttānapadavaṇṇanā’’ti āha. Vinayāti hetumhi nissakkavacananti tassa hetumhi karaṇavacanena atthamāha ‘‘vinayenā’’ti. Tathā ‘‘samatikkamā’’ti etthāpi. Paramaparisuddhaṃ saṃkilesasamucchindanato. Āraddhavīriyanti sambhāvitavīriyaṃ. Sambhāvanañcassa paggaṇhanaṃ paripūraṇañcāti āha ‘‘paggahitavīriyaṃ paripuṇṇavīriya’’nti.
ਉਪਟ੍ਠਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upaṭṭhānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਉਪਟ੍ਠਾਨਸੁਤ੍ਤਂ • 2. Upaṭṭhānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਉਪਟ੍ਠਾਨਸੁਤ੍ਤવਣ੍ਣਨਾ • 2. Upaṭṭhānasuttavaṇṇanā
