| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೮. ಉಪವಾಣಸನ್ದಿಟ್ಠಿಕಸುತ್ತವಣ್ಣನಾ
8. Upavāṇasandiṭṭhikasuttavaṇṇanā
೭೦. ಅಟ್ಠಮೇ ರೂಪಪ್ಪಟಿಸಂವೇದೀತಿ ನೀಲಪೀತಾದಿಭೇದಂ ಆರಮ್ಮಣಂ ವವತ್ಥಾಪೇನ್ತೋ ರೂಪಂ ಪಟಿಸಂವಿದಿತಂ ಕರೋತಿ, ತಸ್ಮಾ ರೂಪಪ್ಪಟಿಸಂವೇದೀ ನಾಮ ಹೋತಿ। ರೂಪರಾಗಪ್ಪಟಿಸಂವೇದೀತಿ ಕಿಲೇಸಸ್ಸ ಅತ್ಥಿಭಾವೇನೇವ ಪನ ರೂಪರಾಗಂ ಪಟಿಸಂವಿದಿತಂ ಕರೋತಿ ನಾಮ, ತಸ್ಮಾ ರೂಪರಾಗಪ್ಪಟಿಸಂವೇದೀತಿ ವುಚ್ಚತಿ। ಸನ್ದಿಟ್ಠಿಕೋತಿಆದೀನಿ ವಿಸುದ್ಧಿಮಗ್ಗೇ ವುತ್ತತ್ಥಾನೇವ। ನೋ ಚ ರೂಪರಾಗಪ್ಪಟಿಸಂವೇದೀತಿ ಕಿಲೇಸಸ್ಸ ನತ್ಥಿಭಾವೇನೇವ ನ ರೂಪರಾಗಂ ಪಟಿಸಂವಿದಿತಂ ಕರೋತಿ ನಾಮ, ತಸ್ಮಾ ‘‘ನೋ ಚ ರೂಪರಾಗಪ್ಪಟಿಸಂವೇದೀ’’ತಿ ವುಚ್ಚತಿ। ಇಮಸ್ಮಿಂ ಸುತ್ತೇ ಸೇಖಾಸೇಖಾನಂ ಪಚ್ಚವೇಕ್ಖಣಾ ಕಥಿತಾ।
70. Aṭṭhame rūpappaṭisaṃvedīti nīlapītādibhedaṃ ārammaṇaṃ vavatthāpento rūpaṃ paṭisaṃviditaṃ karoti, tasmā rūpappaṭisaṃvedī nāma hoti. Rūparāgappaṭisaṃvedīti kilesassa atthibhāveneva pana rūparāgaṃ paṭisaṃviditaṃ karoti nāma, tasmā rūparāgappaṭisaṃvedīti vuccati. Sandiṭṭhikotiādīni visuddhimagge vuttatthāneva. Noca rūparāgappaṭisaṃvedīti kilesassa natthibhāveneva na rūparāgaṃ paṭisaṃviditaṃ karoti nāma, tasmā ‘‘no ca rūparāgappaṭisaṃvedī’’ti vuccati. Imasmiṃ sutte sekhāsekhānaṃ paccavekkhaṇā kathitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಉಪವಾಣಸನ್ದಿಟ್ಠಿಕಸುತ್ತಂ • 8. Upavāṇasandiṭṭhikasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮. ಉಪವಾಣಸನ್ದಿಟ್ಠಿಕಸುತ್ತವಣ್ಣನಾ • 8. Upavāṇasandiṭṭhikasuttavaṇṇanā
