| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5-6. உபவாணஸுத்தாதி³வண்ணனா
5-6. Upavāṇasuttādivaṇṇanā
175-6. பஞ்சமே விஜ்ஜாயாதி தி³ப்³ப³சக்கு²புப்³பே³னிவாஸானுஸ்ஸதிஆஸவக்க²யஞாணஸங்கா²தாய திவிதா⁴ய விஜ்ஜாய, அட்ட²விதா⁴ய வா. அட்ட²விதா⁴பி ஹி விஜ்ஜா விபஸ்ஸனாஞாணேன மனோமயித்³தி⁴யா ச ஸஹ அபி⁴ஞ்ஞா பரிக்³க³ஹெத்வா வுத்தா. பன்னரஸத⁴ம்மபே⁴தே³ன சரணேன ஸமன்னாக³தோதி ஸீலஸங்வரோ, இந்த்³ரியேஸு கு³த்தத்³வாரதா, போ⁴ஜனே மத்தஞ்ஞுதா, ஜாக³ரியானுயோகோ³, ஸத்³தா⁴, ஹிரீ, ஒத்தப்பங், பா³ஹுஸச்சங், வீரியங், ஸதி, பஞ்ஞா, சத்தாரி ரூபாவசரஜ்ஜா²னானீதி ஏவங் பன்னரஸபே⁴தே³ன சரணத⁴ம்மேன ஸமன்னாக³தோ. இமேயேவ ஹி பன்னரஸ த⁴ம்மா யஸ்மா ஏதேஹி சரதி அரியஸாவகோ க³ச்ச²தி அமதங் தி³ஸங், தஸ்மா ‘‘சரண’’ந்தி வுத்தா. ச²ட்டே² நத்தி² வத்தப்³ப³ங்.
175-6. Pañcame vijjāyāti dibbacakkhupubbenivāsānussatiāsavakkhayañāṇasaṅkhātāya tividhāya vijjāya, aṭṭhavidhāya vā. Aṭṭhavidhāpi hi vijjā vipassanāñāṇena manomayiddhiyā ca saha abhiññā pariggahetvā vuttā. Pannarasadhammabhedena caraṇena samannāgatoti sīlasaṃvaro, indriyesu guttadvāratā, bhojane mattaññutā, jāgariyānuyogo, saddhā, hirī, ottappaṃ, bāhusaccaṃ, vīriyaṃ, sati, paññā, cattāri rūpāvacarajjhānānīti evaṃ pannarasabhedena caraṇadhammena samannāgato. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Chaṭṭhe natthi vattabbaṃ.
உபவாணஸுத்தாதி³வண்ணனா நிட்டி²தா.
Upavāṇasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
5. உபவாணஸுத்தங் • 5. Upavāṇasuttaṃ
6. ஆயாசனஸுத்தங் • 6. Āyācanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. உபவாணஸுத்தவண்ணனா • 5. Upavāṇasuttavaṇṇanā
