| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
५-६. उपवाणसुत्तादिवण्णना
5-6. Upavāṇasuttādivaṇṇanā
१७५-६. पञ्चमे विज्जायाति दिब्बचक्खुपुब्बेनिवासानुस्सतिआसवक्खयञाणसङ्खाताय तिविधाय विज्जाय, अट्ठविधाय वा। अट्ठविधापि हि विज्जा विपस्सनाञाणेन मनोमयिद्धिया च सह अभिञ्ञा परिग्गहेत्वा वुत्ता। पन्नरसधम्मभेदेन चरणेन समन्नागतोति सीलसंवरो, इन्द्रियेसु गुत्तद्वारता, भोजने मत्तञ्ञुता, जागरियानुयोगो, सद्धा, हिरी, ओत्तप्पं, बाहुसच्चं, वीरियं, सति, पञ्ञा, चत्तारि रूपावचरज्झानानीति एवं पन्नरसभेदेन चरणधम्मेन समन्नागतो। इमेयेव हि पन्नरस धम्मा यस्मा एतेहि चरति अरियसावको गच्छति अमतं दिसं, तस्मा ‘‘चरण’’न्ति वुत्ता। छट्ठे नत्थि वत्तब्बं।
175-6. Pañcame vijjāyāti dibbacakkhupubbenivāsānussatiāsavakkhayañāṇasaṅkhātāya tividhāya vijjāya, aṭṭhavidhāya vā. Aṭṭhavidhāpi hi vijjā vipassanāñāṇena manomayiddhiyā ca saha abhiññā pariggahetvā vuttā. Pannarasadhammabhedena caraṇena samannāgatoti sīlasaṃvaro, indriyesu guttadvāratā, bhojane mattaññutā, jāgariyānuyogo, saddhā, hirī, ottappaṃ, bāhusaccaṃ, vīriyaṃ, sati, paññā, cattāri rūpāvacarajjhānānīti evaṃ pannarasabhedena caraṇadhammena samannāgato. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Chaṭṭhe natthi vattabbaṃ.
उपवाणसुत्तादिवण्णना निट्ठिता।
Upavāṇasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
५. उपवाणसुत्तं • 5. Upavāṇasuttaṃ
६. आयाचनसुत्तं • 6. Āyācanasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ५. उपवाणसुत्तवण्णना • 5. Upavāṇasuttavaṇṇanā
