| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၅-၆. ဥပဝာဏသုတ္တာဒိဝဏ္ဏနာ
5-6. Upavāṇasuttādivaṇṇanā
၁၇၅-၆. ပဉ္စမေ ဝိဇ္ဇာယာတိ ဒိဗ္ဗစက္ခုပုဗ္ဗေနိဝာသာနုသ္သတိအာသဝက္ခယဉာဏသင္ခာတာယ တိဝိဓာယ ဝိဇ္ဇာယ, အဋ္ဌဝိဓာယ ဝာ။ အဋ္ဌဝိဓာပိ ဟိ ဝိဇ္ဇာ ဝိပသ္သနာဉာဏေန မနောမယိဒ္ဓိယာ စ သဟ အဘိညာ ပရိဂ္ဂဟေတ္ဝာ ဝုတ္တာ။ ပန္နရသဓမ္မဘေဒေန စရဏေန သမန္နာဂတောတိ သီလသံဝရော, ဣန္ဒ္ရိယေသု ဂုတ္တဒ္ဝာရတာ, ဘောဇနေ မတ္တညုတာ, ဇာဂရိယာနုယောဂော, သဒ္ဓာ, ဟိရီ, ဩတ္တပ္ပံ, ဗာဟုသစ္စံ, ဝီရိယံ, သတိ, ပညာ, စတ္တာရိ ရူပာဝစရဇ္ဈာနာနီတိ ဧဝံ ပန္နရသဘေဒေန စရဏဓမ္မေန သမန္နာဂတော။ ဣမေယေဝ ဟိ ပန္နရသ ဓမ္မာ ယသ္မာ ဧတေဟိ စရတိ အရိယသာဝကော ဂစ္ဆတိ အမတံ ဒိသံ, တသ္မာ ‘‘စရဏ’’န္တိ ဝုတ္တာ။ ဆဋ္ဌေ နတ္ထိ ဝတ္တဗ္ဗံ။
175-6. Pañcame vijjāyāti dibbacakkhupubbenivāsānussatiāsavakkhayañāṇasaṅkhātāya tividhāya vijjāya, aṭṭhavidhāya vā. Aṭṭhavidhāpi hi vijjā vipassanāñāṇena manomayiddhiyā ca saha abhiññā pariggahetvā vuttā. Pannarasadhammabhedena caraṇena samannāgatoti sīlasaṃvaro, indriyesu guttadvāratā, bhojane mattaññutā, jāgariyānuyogo, saddhā, hirī, ottappaṃ, bāhusaccaṃ, vīriyaṃ, sati, paññā, cattāri rūpāvacarajjhānānīti evaṃ pannarasabhedena caraṇadhammena samannāgato. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Chaṭṭhe natthi vattabbaṃ.
ဥပဝာဏသုတ္တာဒိဝဏ္ဏနာ နိဋ္ဌိတာ။
Upavāṇasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၅. ဥပဝာဏသုတ္တံ • 5. Upavāṇasuttaṃ
၆. အာယာစနသုတ္တံ • 6. Āyācanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၅. ဥပဝာဏသုတ္တဝဏ္ဏနာ • 5. Upavāṇasuttavaṇṇanā
