| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. உபவானஸுத்தங்
8. Upavānasuttaṃ
189. ஏகங் ஸமயங் ஆயஸ்மா ச உபவானோ ஆயஸ்மா ச ஸாரிபுத்தோ கோஸம்பி³யங் விஹரந்தி கோ⁴ஸிதாராமே. அத² கோ² ஆயஸ்மா ஸாரிபுத்தோ ஸாயன்ஹஸமயங் படிஸல்லானா வுட்டி²தோ யேனாயஸ்மா உபவானோ தேனுபஸங்கமி; உபஸங்கமித்வா ஆயஸ்மதா உபவானேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ ஆயஸ்மந்தங் உபவானங் ஏதத³வோச –
189. Ekaṃ samayaṃ āyasmā ca upavāno āyasmā ca sāriputto kosambiyaṃ viharanti ghositārāme. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā upavāno tenupasaṅkami; upasaṅkamitvā āyasmatā upavānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā sāriputto āyasmantaṃ upavānaṃ etadavoca –
‘‘ஜானெய்ய நு கோ², ஆவுஸோ உபவான, பி⁴க்கு² ‘பச்சத்தங் யோனிஸோமனஸிகாரா ஏவங் ஸுஸமாரத்³தா⁴ மே ஸத்த பொ³ஜ்ஜ²ங்கா³ பா²ஸுவிஹாராய ஸங்வத்தந்தீ’’’தி? ‘‘ஜானெய்ய கோ², ஆவுஸோ ஸாரிபுத்த , பி⁴க்கு² ‘பச்சத்தங் யோனிஸோமனஸிகாரா ஏவங் ஸுஸமாரத்³தா⁴ மே ஸத்த பொ³ஜ்ஜ²ங்கா³ பா²ஸுவிஹாராய ஸங்வத்தந்தீ’’’தி.
‘‘Jāneyya nu kho, āvuso upavāna, bhikkhu ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’’ti? ‘‘Jāneyya kho, āvuso sāriputta , bhikkhu ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’’ti.
‘‘ஸதிஸம்பொ³ஜ்ஜ²ங்க³ங் கோ², ஆவுஸோ, பி⁴க்கு² ஆரப்³ப⁴மானோ பஜானாதி ‘சித்தஞ்ச மே ஸுவிமுத்தங், தி²னமித்³த⁴ஞ்ச மே ஸுஸமூஹதங், உத்³த⁴ச்சகுக்குச்சஞ்ச மே ஸுப்படிவினீதங், ஆரத்³த⁴ஞ்ச மே வீரியங், அட்டி²ங்கத்வா மனஸி கரோமி, நோ ச லீன’ந்தி…பே॰… உபெக்கா²ஸம்பொ³ஜ்ஜ²ங்க³ங் ஆவுஸோ, பி⁴க்கு² ஆரப்³ப⁴மானோ பஜானாதி ‘சித்தஞ்ச மே ஸுவிமுத்தங், தி²னமித்³த⁴ஞ்ச மே ஸுஸமூஹதங், உத்³த⁴ச்சகுக்குச்சஞ்ச மே ஸுப்படிவினீதங், ஆரத்³த⁴ஞ்ச மே வீரியங், அட்டி²ங்கத்வா மனஸி கரோமி, நோ ச லீன’ந்தி. ஏவங் கோ², ஆவுஸோ ஸாரிபுத்த, பி⁴க்கு² ஜானெய்ய ‘பச்சத்தங் யோனிஸோமனஸிகாரா ஏவங் ஸுஸமாரத்³தா⁴ மே ஸத்த பொ³ஜ்ஜ²ங்கா³ பா²ஸுவிஹாராய ஸங்வத்தந்தீ’’தி. அட்ட²மங்.
‘‘Satisambojjhaṅgaṃ kho, āvuso, bhikkhu ārabbhamāno pajānāti ‘cittañca me suvimuttaṃ, thinamiddhañca me susamūhataṃ, uddhaccakukkuccañca me suppaṭivinītaṃ, āraddhañca me vīriyaṃ, aṭṭhiṃkatvā manasi karomi, no ca līna’nti…pe… upekkhāsambojjhaṅgaṃ āvuso, bhikkhu ārabbhamāno pajānāti ‘cittañca me suvimuttaṃ, thinamiddhañca me susamūhataṃ, uddhaccakukkuccañca me suppaṭivinītaṃ, āraddhañca me vīriyaṃ, aṭṭhiṃkatvā manasi karomi, no ca līna’nti. Evaṃ kho, āvuso sāriputta, bhikkhu jāneyya ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. உபவானஸுத்தவண்ணனா • 8. Upavānasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. உபவானஸுத்தவண்ணனா • 8. Upavānasuttavaṇṇanā
