| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. убаваан̣асуд̇д̇ам̣
6. Upavāṇasuttaṃ
26. саавад̇т̇ияам̣ вихарад̇и. ат̇а ко ааяасмаа убаваан̣о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаваан̣о бхаг̇аванд̇ам̣ зд̇ад̣̇авожа –
26. Sāvatthiyaṃ viharati. Atha kho āyasmā upavāṇo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upavāṇo bhagavantaṃ etadavoca –
‘‘санд̇и, бханд̇з, згз саман̣аб̣раахман̣аа саяам̣гад̇ам̣ д̣̇угкам̣ бан̃н̃абзнд̇и. санд̇и бана, бханд̇з, згз саман̣аб̣раахман̣аа барам̣гад̇ам̣ д̣̇угкам̣ бан̃н̃абзнд̇и. санд̇и бана, бханд̇з, згз саман̣аб̣раахман̣аа саяам̣гад̇ан̃жа барам̣гад̇ан̃жа д̣̇угкам̣ бан̃н̃абзнд̇и. санд̇и бана, бханд̇з, згз саман̣аб̣раахман̣аа асаяам̣гаарам̣ абарам̣гаарам̣ ад̇хижжасамуббаннам̣ д̣̇угкам̣ бан̃н̃абзнд̇и. ид̇ха но, бханд̇з, бхаг̇аваа гим̣ваад̣̇ий гимагкааяий гат̇ам̣ б̣яаагарамаанаа жа маяам̣ вуд̇д̇аваад̣̇ино жзва бхаг̇авад̇о ассаама, на жа бхаг̇аванд̇ам̣ абхууд̇зна аб̣бхаажигкзяяаама, д̇хаммасса жаануд̇хаммам̣ б̣яаагарзяяаама, на жа гожи сахад̇хаммиго ваад̣̇аанубаад̇о г̇аараяхам̣ таанам̣ ааг̇ажчзяяаа’’д̇и?
‘‘Santi, bhante, eke samaṇabrāhmaṇā sayaṃkataṃ dukkhaṃ paññapenti. Santi pana, bhante, eke samaṇabrāhmaṇā paraṃkataṃ dukkhaṃ paññapenti. Santi pana, bhante, eke samaṇabrāhmaṇā sayaṃkatañca paraṃkatañca dukkhaṃ paññapenti. Santi pana, bhante, eke samaṇabrāhmaṇā asayaṃkāraṃ aparaṃkāraṃ adhiccasamuppannaṃ dukkhaṃ paññapenti. Idha no, bhante, bhagavā kiṃvādī kimakkhāyī kathaṃ byākaramānā ca mayaṃ vuttavādino ceva bhagavato assāma, na ca bhagavantaṃ abhūtena abbhācikkheyyāma, dhammassa cānudhammaṃ byākareyyāma, na ca koci sahadhammiko vādānupāto gārayhaṃ ṭhānaṃ āgaccheyyā’’ti?
‘‘бадижжасамуббаннам̣ ко, убаваан̣а, д̣̇угкам̣ вуд̇д̇ам̣ маяаа. гим̣ бадижжа? пассам̣ бадижжа. ид̇и вад̣̇ам̣ вуд̇д̇аваад̣̇ий жзва мз асса, на жа мам̣ абхууд̇зна аб̣бхаажигкзяяа, д̇хаммасса жаануд̇хаммам̣ б̣яаагарзяяа, на жа гожи сахад̇хаммиго ваад̣̇аанубаад̇о г̇аараяхам̣ таанам̣ ааг̇ажчзяяа.
‘‘Paṭiccasamuppannaṃ kho, upavāṇa, dukkhaṃ vuttaṃ mayā. Kiṃ paṭicca? Phassaṃ paṭicca. Iti vadaṃ vuttavādī ceva me assa, na ca maṃ abhūtena abbhācikkheyya, dhammassa cānudhammaṃ byākareyya, na ca koci sahadhammiko vādānupāto gārayhaṃ ṭhānaṃ āgaccheyya.
‘‘д̇ад̇ра, убаваан̣а, яз д̇з саман̣аб̣раахман̣аа саяам̣гад̇ам̣ д̣̇угкам̣ бан̃н̃абзнд̇и, д̇ад̣̇аби пассабажжаяаа. язби д̇з…бз… язби д̇з…бз… язби д̇з саман̣аб̣раахман̣аа асаяам̣гаарам̣ абарам̣гаарам̣ ад̇хижжасамуббаннам̣ д̣̇угкам̣ бан̃н̃абзнд̇и д̇ад̣̇аби пассабажжаяаа.
‘‘Tatra, upavāṇa, ye te samaṇabrāhmaṇā sayaṃkataṃ dukkhaṃ paññapenti, tadapi phassapaccayā. Yepi te…pe… yepi te…pe… yepi te samaṇabrāhmaṇā asayaṃkāraṃ aparaṃkāraṃ adhiccasamuppannaṃ dukkhaṃ paññapenti tadapi phassapaccayā.
‘‘д̇ад̇ра , убаваан̣а, яз д̇з саман̣аб̣раахман̣аа саяам̣гад̇ам̣ д̣̇угкам̣ бан̃н̃абзнд̇и, д̇з вад̇а ан̃н̃а пассаа бадисам̣взд̣̇иссанд̇ийд̇и нзд̇ам̣ таанам̣ виж̇ж̇ад̇и. язби д̇з…бз… язби д̇з…бз… язби д̇з саман̣аб̣раахман̣аа асаяам̣гаарам̣ абарам̣гаарам̣ ад̇хижжасамуббаннам̣ д̣̇угкам̣ бан̃н̃абзнд̇и, д̇з вад̇а ан̃н̃ад̇ра пассаа бадисам̣взд̣̇иссанд̇ийд̇и нзд̇ам̣ таанам̣ виж̇ж̇ад̇ий’’д̇и. чадтам̣.
‘‘Tatra , upavāṇa, ye te samaṇabrāhmaṇā sayaṃkataṃ dukkhaṃ paññapenti, te vata añña phassā paṭisaṃvedissantīti netaṃ ṭhānaṃ vijjati. Yepi te…pe… yepi te…pe… yepi te samaṇabrāhmaṇā asayaṃkāraṃ aparaṃkāraṃ adhiccasamuppannaṃ dukkhaṃ paññapenti, te vata aññatra phassā paṭisaṃvedissantīti netaṃ ṭhānaṃ vijjatī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. бхуумиж̇асуд̇д̇аван̣н̣анаа • 5. Bhūmijasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. убаваан̣асуд̇д̇аван̣н̣анаа • 6. Upavāṇasuttavaṇṇanā
