| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. убаваанасуд̇д̇ам̣
8. Upavānasuttaṃ
189. згам̣ самаяам̣ ааяасмаа жа убаваано ааяасмаа жа саарибуд̇д̇о госамб̣ияам̣ вихаранд̇и гхосид̇аараамз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа убаваано д̇знубасан̇гами; убасан̇гамид̇ваа ааяасмад̇аа убаваанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о ааяасманд̇ам̣ убаваанам̣ зд̇ад̣̇авожа –
189. Ekaṃ samayaṃ āyasmā ca upavāno āyasmā ca sāriputto kosambiyaṃ viharanti ghositārāme. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā upavāno tenupasaṅkami; upasaṅkamitvā āyasmatā upavānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā sāriputto āyasmantaṃ upavānaṃ etadavoca –
‘‘ж̇аанзяяа ну ко, аавусо убаваана, бхигку ‘бажжад̇д̇ам̣ яонисоманасигаараа звам̣ сусамаарад̣̇д̇хаа мз сад̇д̇а б̣ож̇жхан̇г̇аа паасувихаарааяа сам̣вад̇д̇анд̇ий’’’д̇и? ‘‘ж̇аанзяяа ко, аавусо саарибуд̇д̇а , бхигку ‘бажжад̇д̇ам̣ яонисоманасигаараа звам̣ сусамаарад̣̇д̇хаа мз сад̇д̇а б̣ож̇жхан̇г̇аа паасувихаарааяа сам̣вад̇д̇анд̇ий’’’д̇и.
‘‘Jāneyya nu kho, āvuso upavāna, bhikkhu ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’’ti? ‘‘Jāneyya kho, āvuso sāriputta , bhikkhu ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’’ti.
‘‘сад̇исамб̣ож̇жхан̇г̇ам̣ ко, аавусо, бхигку аараб̣бхамаано баж̇аанаад̇и ‘жид̇д̇ан̃жа мз сувимуд̇д̇ам̣, т̇инамид̣̇д̇хан̃жа мз сусамуухад̇ам̣, уд̣̇д̇хажжагуггужжан̃жа мз суббадивинийд̇ам̣, аарад̣̇д̇хан̃жа мз вийрияам̣, адтим̣гад̇ваа манаси гароми, но жа лийна’нд̇и…бз… убзгкаасамб̣ож̇жхан̇г̇ам̣ аавусо, бхигку аараб̣бхамаано баж̇аанаад̇и ‘жид̇д̇ан̃жа мз сувимуд̇д̇ам̣, т̇инамид̣̇д̇хан̃жа мз сусамуухад̇ам̣, уд̣̇д̇хажжагуггужжан̃жа мз суббадивинийд̇ам̣, аарад̣̇д̇хан̃жа мз вийрияам̣, адтим̣гад̇ваа манаси гароми, но жа лийна’нд̇и. звам̣ ко, аавусо саарибуд̇д̇а, бхигку ж̇аанзяяа ‘бажжад̇д̇ам̣ яонисоманасигаараа звам̣ сусамаарад̣̇д̇хаа мз сад̇д̇а б̣ож̇жхан̇г̇аа паасувихаарааяа сам̣вад̇д̇анд̇ий’’д̇и. адтамам̣.
‘‘Satisambojjhaṅgaṃ kho, āvuso, bhikkhu ārabbhamāno pajānāti ‘cittañca me suvimuttaṃ, thinamiddhañca me susamūhataṃ, uddhaccakukkuccañca me suppaṭivinītaṃ, āraddhañca me vīriyaṃ, aṭṭhiṃkatvā manasi karomi, no ca līna’nti…pe… upekkhāsambojjhaṅgaṃ āvuso, bhikkhu ārabbhamāno pajānāti ‘cittañca me suvimuttaṃ, thinamiddhañca me susamūhataṃ, uddhaccakukkuccañca me suppaṭivinītaṃ, āraddhañca me vīriyaṃ, aṭṭhiṃkatvā manasi karomi, no ca līna’nti. Evaṃ kho, āvuso sāriputta, bhikkhu jāneyya ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. убаваанасуд̇д̇аван̣н̣анаа • 8. Upavānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. убаваанасуд̇д̇аван̣н̣анаа • 8. Upavānasuttavaṇṇanā
