| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਉਪવਾਨਸੁਤ੍ਤਂ
8. Upavānasuttaṃ
੧੮੯. ਏਕਂ ਸਮਯਂ ਆਯਸ੍ਮਾ ਚ ਉਪવਾਨੋ ਆਯਸ੍ਮਾ ਚ ਸਾਰਿਪੁਤ੍ਤੋ ਕੋਸਮ੍ਬਿਯਂ વਿਹਰਨ੍ਤਿ ਘੋਸਿਤਾਰਾਮੇ। ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ ਸਾਯਨ੍ਹਸਮਯਂ ਪਟਿਸਲ੍ਲਾਨਾ વੁਟ੍ਠਿਤੋ ਯੇਨਾਯਸ੍ਮਾ ਉਪવਾਨੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਤਾ ਉਪવਾਨੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਸਾਰਿਪੁਤ੍ਤੋ ਆਯਸ੍ਮਨ੍ਤਂ ਉਪવਾਨਂ ਏਤਦવੋਚ –
189. Ekaṃ samayaṃ āyasmā ca upavāno āyasmā ca sāriputto kosambiyaṃ viharanti ghositārāme. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā upavāno tenupasaṅkami; upasaṅkamitvā āyasmatā upavānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā sāriputto āyasmantaṃ upavānaṃ etadavoca –
‘‘ਜਾਨੇਯ੍ਯ ਨੁ ਖੋ, ਆવੁਸੋ ਉਪવਾਨ, ਭਿਕ੍ਖੁ ‘ਪਚ੍ਚਤ੍ਤਂ ਯੋਨਿਸੋਮਨਸਿਕਾਰਾ ਏવਂ ਸੁਸਮਾਰਦ੍ਧਾ ਮੇ ਸਤ੍ਤ ਬੋਜ੍ਝਙ੍ਗਾ ਫਾਸੁવਿਹਾਰਾਯ ਸਂવਤ੍ਤਨ੍ਤੀ’’’ਤਿ? ‘‘ਜਾਨੇਯ੍ਯ ਖੋ, ਆવੁਸੋ ਸਾਰਿਪੁਤ੍ਤ , ਭਿਕ੍ਖੁ ‘ਪਚ੍ਚਤ੍ਤਂ ਯੋਨਿਸੋਮਨਸਿਕਾਰਾ ਏવਂ ਸੁਸਮਾਰਦ੍ਧਾ ਮੇ ਸਤ੍ਤ ਬੋਜ੍ਝਙ੍ਗਾ ਫਾਸੁવਿਹਾਰਾਯ ਸਂવਤ੍ਤਨ੍ਤੀ’’’ਤਿ।
‘‘Jāneyya nu kho, āvuso upavāna, bhikkhu ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’’ti? ‘‘Jāneyya kho, āvuso sāriputta , bhikkhu ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’’ti.
‘‘ਸਤਿਸਮ੍ਬੋਜ੍ਝਙ੍ਗਂ ਖੋ, ਆવੁਸੋ, ਭਿਕ੍ਖੁ ਆਰਬ੍ਭਮਾਨੋ ਪਜਾਨਾਤਿ ‘ਚਿਤ੍ਤਞ੍ਚ ਮੇ ਸੁવਿਮੁਤ੍ਤਂ, ਥਿਨਮਿਦ੍ਧਞ੍ਚ ਮੇ ਸੁਸਮੂਹਤਂ, ਉਦ੍ਧਚ੍ਚਕੁਕ੍ਕੁਚ੍ਚਞ੍ਚ ਮੇ ਸੁਪ੍ਪਟਿવਿਨੀਤਂ, ਆਰਦ੍ਧਞ੍ਚ ਮੇ વੀਰਿਯਂ, ਅਟ੍ਠਿਂਕਤ੍વਾ ਮਨਸਿ ਕਰੋਮਿ, ਨੋ ਚ ਲੀਨ’ਨ੍ਤਿ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਆવੁਸੋ, ਭਿਕ੍ਖੁ ਆਰਬ੍ਭਮਾਨੋ ਪਜਾਨਾਤਿ ‘ਚਿਤ੍ਤਞ੍ਚ ਮੇ ਸੁવਿਮੁਤ੍ਤਂ, ਥਿਨਮਿਦ੍ਧਞ੍ਚ ਮੇ ਸੁਸਮੂਹਤਂ, ਉਦ੍ਧਚ੍ਚਕੁਕ੍ਕੁਚ੍ਚਞ੍ਚ ਮੇ ਸੁਪ੍ਪਟਿવਿਨੀਤਂ, ਆਰਦ੍ਧਞ੍ਚ ਮੇ વੀਰਿਯਂ, ਅਟ੍ਠਿਂਕਤ੍વਾ ਮਨਸਿ ਕਰੋਮਿ, ਨੋ ਚ ਲੀਨ’ਨ੍ਤਿ। ਏવਂ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁ ਜਾਨੇਯ੍ਯ ‘ਪਚ੍ਚਤ੍ਤਂ ਯੋਨਿਸੋਮਨਸਿਕਾਰਾ ਏવਂ ਸੁਸਮਾਰਦ੍ਧਾ ਮੇ ਸਤ੍ਤ ਬੋਜ੍ਝਙ੍ਗਾ ਫਾਸੁવਿਹਾਰਾਯ ਸਂવਤ੍ਤਨ੍ਤੀ’’ਤਿ। ਅਟ੍ਠਮਂ।
‘‘Satisambojjhaṅgaṃ kho, āvuso, bhikkhu ārabbhamāno pajānāti ‘cittañca me suvimuttaṃ, thinamiddhañca me susamūhataṃ, uddhaccakukkuccañca me suppaṭivinītaṃ, āraddhañca me vīriyaṃ, aṭṭhiṃkatvā manasi karomi, no ca līna’nti…pe… upekkhāsambojjhaṅgaṃ āvuso, bhikkhu ārabbhamāno pajānāti ‘cittañca me suvimuttaṃ, thinamiddhañca me susamūhataṃ, uddhaccakukkuccañca me suppaṭivinītaṃ, āraddhañca me vīriyaṃ, aṭṭhiṃkatvā manasi karomi, no ca līna’nti. Evaṃ kho, āvuso sāriputta, bhikkhu jāneyya ‘paccattaṃ yonisomanasikārā evaṃ susamāraddhā me satta bojjhaṅgā phāsuvihārāya saṃvattantī’’ti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਉਪવਾਨਸੁਤ੍ਤવਣ੍ਣਨਾ • 8. Upavānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਉਪવਾਨਸੁਤ੍ਤવਣ੍ਣਨਾ • 8. Upavānasuttavaṇṇanā
