| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
५. उपवाणसुत्तवण्णना
5. Upavāṇasuttavaṇṇanā
१७५-१७६. पञ्चमे विज्जायन्तकरो होतीति विज्जाय वट्टदुक्खस्स अन्तकरो होति, सकलं वट्टदुक्खं परिच्छिन्नं परिवटुमं कत्वा तिट्ठतीति। सेसपदेसुपि एसेव नयो। सउपादानोति सगहणोव हुत्वा। अन्तकरो अभविस्साति वट्टदुक्खस्स अन्तं कत्वा ठितो अभविस्स। चरणसम्पन्नोति पन्नरसधम्मभेदेन चरणेन समन्नागतो। यथाभूतं जानं पस्सं अन्तकरो होतीति यथासभावं मग्गपञ्ञाय जानित्वा पस्सित्वा वट्टदुक्खस्स अन्तं कत्वा ठितो नाम होतीति अरहत्तनिकूटेन पञ्हं निट्ठपेसि। छट्ठं हेट्ठा एककनिपातवण्णनायं वुत्तनयेनेव वेदितब्बं।
175-176. Pañcame vijjāyantakaro hotīti vijjāya vaṭṭadukkhassa antakaro hoti, sakalaṃ vaṭṭadukkhaṃ paricchinnaṃ parivaṭumaṃ katvā tiṭṭhatīti. Sesapadesupi eseva nayo. Saupādānoti sagahaṇova hutvā. Antakaro abhavissāti vaṭṭadukkhassa antaṃ katvā ṭhito abhavissa. Caraṇasampannoti pannarasadhammabhedena caraṇena samannāgato. Yathābhūtaṃ jānaṃpassaṃ antakaro hotīti yathāsabhāvaṃ maggapaññāya jānitvā passitvā vaṭṭadukkhassa antaṃ katvā ṭhito nāma hotīti arahattanikūṭena pañhaṃ niṭṭhapesi. Chaṭṭhaṃ heṭṭhā ekakanipātavaṇṇanāyaṃ vuttanayeneva veditabbaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
५. उपवाणसुत्तं • 5. Upavāṇasuttaṃ
६. आयाचनसुत्तं • 6. Āyācanasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५-६. उपवाणसुत्तादिवण्णना • 5-6. Upavāṇasuttādivaṇṇanā
