| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. ဥပဝာဏသုတ္တဝဏ္ဏနာ
5. Upavāṇasuttavaṇṇanā
၁၇၅-၁၇၆. ပဉ္စမေ ဝိဇ္ဇာယန္တကရော ဟောတီတိ ဝိဇ္ဇာယ ဝဋ္ဋဒုက္ခသ္သ အန္တကရော ဟောတိ, သကလံ ဝဋ္ဋဒုက္ခံ ပရိစ္ဆိန္နံ ပရိဝဋုမံ ကတ္ဝာ တိဋ္ဌတီတိ။ သေသပဒေသုပိ ဧသေဝ နယော။ သဥပာဒာနောတိ သဂဟဏောဝ ဟုတ္ဝာ။ အန္တကရော အဘဝိသ္သာတိ ဝဋ္ဋဒုက္ခသ္သ အန္တံ ကတ္ဝာ ဌိတော အဘဝိသ္သ။ စရဏသမ္ပန္နောတိ ပန္နရသဓမ္မဘေဒေန စရဏေန သမန္နာဂတော။ ယထာဘူတံ ဇာနံ ပသ္သံ အန္တကရော ဟောတီတိ ယထာသဘာဝံ မဂ္ဂပညာယ ဇာနိတ္ဝာ ပသ္သိတ္ဝာ ဝဋ္ဋဒုက္ခသ္သ အန္တံ ကတ္ဝာ ဌိတော နာမ ဟောတီတိ အရဟတ္တနိကူဋေန ပဉ္ဟံ နိဋ္ဌပေသိ။ ဆဋ္ဌံ ဟေဋ္ဌာ ဧကကနိပာတဝဏ္ဏနာယံ ဝုတ္တနယေနေဝ ဝေဒိတဗ္ဗံ။
175-176. Pañcame vijjāyantakaro hotīti vijjāya vaṭṭadukkhassa antakaro hoti, sakalaṃ vaṭṭadukkhaṃ paricchinnaṃ parivaṭumaṃ katvā tiṭṭhatīti. Sesapadesupi eseva nayo. Saupādānoti sagahaṇova hutvā. Antakaro abhavissāti vaṭṭadukkhassa antaṃ katvā ṭhito abhavissa. Caraṇasampannoti pannarasadhammabhedena caraṇena samannāgato. Yathābhūtaṃ jānaṃpassaṃ antakaro hotīti yathāsabhāvaṃ maggapaññāya jānitvā passitvā vaṭṭadukkhassa antaṃ katvā ṭhito nāma hotīti arahattanikūṭena pañhaṃ niṭṭhapesi. Chaṭṭhaṃ heṭṭhā ekakanipātavaṇṇanāyaṃ vuttanayeneva veditabbaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၅. ဥပဝာဏသုတ္တံ • 5. Upavāṇasuttaṃ
၆. အာယာစနသုတ္တံ • 6. Āyācanasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၆. ဥပဝာဏသုတ္တာဒိဝဏ္ဏနာ • 5-6. Upavāṇasuttādivaṇṇanā
