| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਉਪવਾਨਤ੍ਥੇਰਅਪਦਾਨવਣ੍ਣਨਾ
2. Upavānattheraapadānavaṇṇanā
ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਕਂ ਆਯਸ੍ਮਤੋ ਉਪવਾਨਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਦਲਿਦ੍ਦਕੁਲੇ ਨਿਬ੍ਬਤ੍ਤਿਤ੍વਾ વਿਞ੍ਞੁਤਂ ਪਤ੍ਤੋ ਭਗવਤਿ ਪਰਿਨਿਬ੍ਬੁਤੇ ਤਸ੍ਸ ਧਾਤੁਂ ਗਹੇਤ੍વਾ ਮਨੁਸ੍ਸਦੇવਨਾਗਗਰੁਲ਼ਕੁਮ੍ਭਣ੍ਡਯਕ੍ਖਗਨ੍ਧਬ੍ਬੇਹਿ ਸਤ੍ਤਰਤਨਮਯੇ ਸਤ੍ਤਯੋਜਨਿਕੇ ਥੂਪੇ ਕਤੇ ਤਤ੍ਥ ਸੁਧੋਤਂ ਅਤ੍ਤਨੋ ਉਤ੍ਤਰਸਾਟਕਂ વੇਲ਼ਗ੍ਗੇ ਲਗ੍ਗੇਤ੍વਾ ਆਬਨ੍ਧਿਤ੍વਾ ਧਜਂ ਕਤ੍વਾ ਪੂਜਂ ਅਕਾਸਿ। ਤਂ ਗਹੇਤ੍વਾ ਅਭਿਸਮ੍ਮਤਕੋ ਨਾਮ ਯਕ੍ਖਸੇਨਾਪਤਿ ਦੇવੇਹਿ ਚੇਤਿਯਪੂਜਾਰਕ੍ਖਣਤ੍ਥਂ ਠਪਿਤੋ ਅਦਿਸ੍ਸਮਾਨਕਾਯੋ ਤਂ ਆਕਾਸੇ ਧਾਰੇਨ੍ਤੋ ਚੇਤਿਯਂ ਤਿਕ੍ਖਤ੍ਤੁਂ ਪਦਕ੍ਖਿਣਂ ਅਕਾਸਿ। ਸੋ ਤਂ ਦਿਸ੍વਾ ਭਿਯ੍ਯੋਸੋਮਤ੍ਤਾਯ ਪਸਨ੍ਨਮਾਨਸੋ ਹੁਤ੍વਾ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤਿਤ੍વਾ ਉਪવਾਨੋਤਿ ਲਦ੍ਧਨਾਮੋ વਯਪ੍ਪਤ੍ਤੋ ਜੇਤવਨਪਟਿਗ੍ਗਹਣੇ ਬੁਦ੍ਧਾਨੁਭਾવਂ ਦਿਸ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ વਿਪਸ੍ਸਨਾਯ ਕਮ੍ਮਂ ਕਰੋਨ੍ਤੋ ਅਰਹਤ੍ਤਂ ਪਤ੍વਾ ਛਲ਼ਭਿਞ੍ਞੋ ਅਹੋਸਿ। ਯਦਾ ਭਗવਤੋ ਅਫਾਸੁ ਅਹੋਸਿ, ਤਦਾ ਥੇਰੋ ਉਣ੍ਹੋਦਕਂ ਤਥਾਰੂਪਂ ਪਾਨਕਞ੍ਚ ਭੇਸਜ੍ਜਂ ਭਗવਤੋ ਉਪਨਾਮੇਸਿ। ਤੇਨਸ੍ਸ ਸਤ੍ਥੁਨੋ ਰੋਗੋ વੂਪਸਮਿ। ਤਸ੍ਸ ਭਗવਾ ਅਨੁਮੋਦਨਂ ਅਕਾਸਿ।
Padumuttaronāma jinotiādikaṃ āyasmato upavānattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle daliddakule nibbattitvā viññutaṃ patto bhagavati parinibbute tassa dhātuṃ gahetvā manussadevanāgagaruḷakumbhaṇḍayakkhagandhabbehi sattaratanamaye sattayojanike thūpe kate tattha sudhotaṃ attano uttarasāṭakaṃ veḷagge laggetvā ābandhitvā dhajaṃ katvā pūjaṃ akāsi. Taṃ gahetvā abhisammatako nāma yakkhasenāpati devehi cetiyapūjārakkhaṇatthaṃ ṭhapito adissamānakāyo taṃ ākāse dhārento cetiyaṃ tikkhattuṃ padakkhiṇaṃ akāsi. So taṃ disvā bhiyyosomattāya pasannamānaso hutvā tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā upavānoti laddhanāmo vayappatto jetavanapaṭiggahaṇe buddhānubhāvaṃ disvā paṭiladdhasaddho pabbajitvā vipassanāya kammaṃ karonto arahattaṃ patvā chaḷabhiñño ahosi. Yadā bhagavato aphāsu ahosi, tadā thero uṇhodakaṃ tathārūpaṃ pānakañca bhesajjaṃ bhagavato upanāmesi. Tenassa satthuno rogo vūpasami. Tassa bhagavā anumodanaṃ akāsi.
੫੨. ਏવਂ ਸੋ ਪਤ੍ਤਅਰਹਤ੍ਤਫਲੋ ਅਧਿਗਤਏਤਦਗ੍ਗਟ੍ਠਾਨੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਮਾਹ। ਤਤ੍ਥ ਸਬ੍ਬੇਸਂ ਲੋਕਿਯਲੋਕੁਤ੍ਤਰਧਮ੍ਮਾਨਂ ਪਾਰਗੂ ਪਰਿਯੋਸਾਨਂ ਨਿਬ੍ਬਾਨਂ ਗਤੋ ਪਤ੍ਤੋ ਪਦੁਮੁਤ੍ਤਰੋ ਨਾਮ ਜਿਨੋ ਜਿਤਪਞ੍ਚਮਾਰੋ ਭਗવਾ ਅਗ੍ਗਿਕ੍ਖਨ੍ਧੋ ਇવ ਛਬ੍ਬਣ੍ਣਾ ਬੁਦ੍ਧਰਂਸਿਯੋ ਜਲਿਤ੍વਾ ਸਬ੍ਬਲੋਕਂ ਧਮ੍ਮਪਜ੍ਜੋਤੇਨ ਓਭਾਸੇਤ੍વਾ ਸਮ੍ਬੁਦ੍ਧੋ ਸੁਟ੍ਠੁ ਬੁਦ੍ਧੋ ਅવਿਜ੍ਜਾਨਿਦ੍ਦੂਪਗਤਾਯ ਪਜਾਯ ਸવਾਸਨਾਯ ਕਿਲੇਸਨਿਦ੍ਦਾਯ ਪਟਿਬੁਦ੍ਧੋ વਿਕਸਿਤਨੇਤ੍ਤਪਙ੍ਕਜੋ ਪਰਿਨਿਬ੍ਬੁਤੋ ਖਨ੍ਧਪਰਿਨਿਬ੍ਬਾਨੇਨ ਨਿਬ੍ਬੁਤੋ ਅਦਸ੍ਸਨਂ ਗਤੋਤਿ ਸਮ੍ਬਨ੍ਧੋ।
52. Evaṃ so pattaarahattaphalo adhigataetadaggaṭṭhāno attano pubbakammaṃ saritvā somanassavasena pubbacaritāpadānaṃ pakāsento padumuttaro nāma jinotiādimāha. Tattha sabbesaṃ lokiyalokuttaradhammānaṃ pāragū pariyosānaṃ nibbānaṃ gato patto padumuttaro nāma jino jitapañcamāro bhagavā aggikkhandho iva chabbaṇṇā buddharaṃsiyo jalitvā sabbalokaṃ dhammapajjotena obhāsetvā sambuddho suṭṭhu buddho avijjāniddūpagatāya pajāya savāsanāya kilesaniddāya paṭibuddho vikasitanettapaṅkajo parinibbuto khandhaparinibbānena nibbuto adassanaṃ gatoti sambandho.
੫੭. ਜਙ੍ਘਾਤਿ ਚੇਤਿਯਕਰਣਕਾਲੇ ਉਪਚਿਨਿਤਬ੍ਬਾਨਂ ਇਟ੍ਠਕਾਨਂ ਠਪਨਤ੍ਥਾਯ, ਨਿਬਨ੍ਧਿਯਮਾਨਸੋਪਾਨਪਨ੍ਤਿ।
57.Jaṅghāti cetiyakaraṇakāle upacinitabbānaṃ iṭṭhakānaṃ ṭhapanatthāya, nibandhiyamānasopānapanti.
੮੮. ਸੁਧੋਤਂ ਰਜਕੇਨਾਹਨ੍ਤਿ વਤ੍ਥਧੋવਕੇਨ ਪੁਰਿਸੇਨ ਸੁਟ੍ਠੁ ਧੋવਿਤਂ ਸੁવਿਸੁਦ੍ਧਕਤਂ, ਉਤ੍ਤਰੇਯ੍ਯਪਟਂ ਮਮ ਉਤ੍ਤਰਸਾਟਕਂ ਅਹਂ વੇਲ਼ਗ੍ਗੇ ਲਗ੍ਗਿਤ੍વਾ ਧਜਂ ਕਤ੍વਾ ਉਕ੍ਖਿਪਿਂ, ਅਮ੍ਬਰੇ ਆਕਾਸੇ ਉਸ੍ਸਾਪੇਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
88.Sudhotaṃrajakenāhanti vatthadhovakena purisena suṭṭhu dhovitaṃ suvisuddhakataṃ, uttareyyapaṭaṃ mama uttarasāṭakaṃ ahaṃ veḷagge laggitvā dhajaṃ katvā ukkhipiṃ, ambare ākāse ussāpesinti attho. Sesaṃ suviññeyyamevāti.
ਉਪવਾਨਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Upavānattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਉਪવਾਨਤ੍ਥੇਰਅਪਦਾਨਂ • 2. Upavānattheraapadānaṃ
