| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. убаваан̣ад̇т̇зраг̇аат̇ааван̣н̣анаа
3. Upavāṇattheragāthāvaṇṇanā
арахам̣ суг̇ад̇од̇и ааяасмад̇о убаваан̣ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз д̣̇алид̣̇д̣̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о бхаг̇авад̇и бариниб̣б̣уд̇з д̇асса д̇хаад̇ум̣ г̇ахзд̇ваа мануссад̣̇званааг̇аг̇арул̣агумбхан̣д̣аяагкаг̇анд̇хаб̣б̣зхи сад̇д̇арад̇анамаяз сад̇д̇аяож̇анигз т̇уубз гад̇з д̇ад̇т̇а суд̇ход̇ам̣ ад̇д̇ано уд̇д̇араасан̇г̇ам̣ взл̣аг̇г̇з ааб̣анд̇хид̇ваа д̇хаж̇ам̣ гад̇ваа бууж̇ам̣ агааси. д̇ам̣ г̇ахзд̇ваа абхисаммад̇аго наама яагкасзнаабад̇и д̣̇звзхи жзд̇ияабууж̇аарагкан̣ад̇т̇ам̣ табид̇о ад̣̇иссамаанагааяо аагаасз д̇хаарзнд̇о жзд̇ияам̣ д̇игкад̇д̇ум̣ бад̣̇агкин̣ам̣ агааси. со д̇ам̣ д̣̇исваа бхияяосомад̇д̇ааяа басаннамаанасо ахоси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа убаваан̣од̇и лад̣̇д̇ханаамо ваяаббад̇д̇о ж̇зд̇аванабадиг̇г̇ахан̣з б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о арахад̇д̇ам̣ бад̇ваа чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.56.122-178) –
Arahaṃ sugatoti āyasmato upavāṇattherassa gāthā. Kā uppatti? Ayaṃ kira padumuttarassa bhagavato kāle daliddakule nibbattitvā viññutaṃ patto bhagavati parinibbute tassa dhātuṃ gahetvā manussadevanāgagaruḷakumbhaṇḍayakkhagandhabbehi sattaratanamaye sattayojanike thūpe kate tattha sudhotaṃ attano uttarāsaṅgaṃ veḷagge ābandhitvā dhajaṃ katvā pūjaṃ akāsi. Taṃ gahetvā abhisammatako nāma yakkhasenāpati devehi cetiyapūjārakkhaṇatthaṃ ṭhapito adissamānakāyo ākāse dhārento cetiyaṃ tikkhattuṃ padakkhiṇaṃ akāsi. So taṃ disvā bhiyyosomattāya pasannamānaso ahosi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā upavāṇoti laddhanāmo vayappatto jetavanapaṭiggahaṇe buddhānubhāvaṃ disvā paṭiladdhasaddho pabbajitvā vipassanāya kammaṃ karonto arahattaṃ patvā chaḷabhiñño ahosi. Tena vuttaṃ apadāne (apa. thera 2.56.122-178) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ж̇алид̇ваа аг̇г̇игканд̇хова, самб̣уд̣̇д̇хо бариниб̣б̣уд̇о.
Jalitvā aggikkhandhova, sambuddho parinibbuto.
‘‘махааж̇анаа самааг̇амма, бууж̇аяид̇ваа д̇ат̇ааг̇ад̇ам̣;
‘‘Mahājanā samāgamma, pūjayitvā tathāgataṃ;
жид̇д̇ам̣ гад̇ваана суг̇ад̇ам̣, сарийрам̣ абхиробаяум̣.
Cittaṃ katvāna sugataṃ, sarīraṃ abhiropayuṃ.
‘‘сарийрагижжам̣ гад̇ваана, д̇хаад̇ум̣ д̇ад̇т̇а самаанаяум̣;
‘‘Sarīrakiccaṃ katvāna, dhātuṃ tattha samānayuṃ;
сад̣̇звамануссаа саб̣б̣з, б̣уд̣̇д̇хат̇уубам̣ агам̣су д̇з.
Sadevamanussā sabbe, buddhathūpaṃ akaṃsu te.
‘‘батамаа ган̃жанамаяаа, д̣̇уд̇ияаа жа ман̣имаяаа;
‘‘Paṭhamā kañcanamayā, dutiyā ca maṇimayā;
д̇ад̇ияаа руубияамаяаа, жад̇уд̇т̇ий палигаамаяаа.
Tatiyā rūpiyamayā, catutthī phalikāmayā.
‘‘д̇ад̇т̇а бан̃жамигаа жзва, лохид̇ан̇гамаяаа аху;
‘‘Tattha pañcamikā ceva, lohitaṅkamayā ahu;
чадтаа масаараг̇алласса, саб̣б̣ам̣ рад̇анамаяуубари.
Chaṭṭhā masāragallassa, sabbaṃ ratanamayūpari.
‘‘ж̇ан̇гхаа ман̣имаяаа ааси, взд̣̇игаа рад̇анаамаяаа;
‘‘Jaṅghā maṇimayā āsi, vedikā ratanāmayā;
саб̣б̣асон̣н̣амаяо т̇уубо, уд̣̇д̇хам̣ яож̇анамуг̇г̇ад̇о.
Sabbasoṇṇamayo thūpo, uddhaṃ yojanamuggato.
‘‘д̣̇зваа д̇ад̇т̇а самааг̇анд̇ваа, згад̇о манд̇аяум̣ д̇ад̣̇аа;
‘‘Devā tattha samāgantvā, ekato mantayuṃ tadā;
маяамби т̇уубам̣ гассаама, логанаат̇асса д̇аад̣̇ино.
Mayampi thūpaṃ kassāma, lokanāthassa tādino.
‘‘д̇хаад̇у аавзн̣игаа над̇т̇и, сарийрам̣ згабин̣д̣ид̇ам̣;
‘‘Dhātu āveṇikā natthi, sarīraṃ ekapiṇḍitaṃ;
имамхи б̣уд̣̇д̇хат̇уубамхи, гассаама ган̃жугам̣ маяам̣.
Imamhi buddhathūpamhi, kassāma kañcukaṃ mayaṃ.
‘‘д̣̇зваа сад̇д̇ахи рад̇нзхи, ан̃н̃ам̣ вад̣дхзсум̣ яож̇анам̣;
‘‘Devā sattahi ratnehi, aññaṃ vaḍḍhesuṃ yojanaṃ;
т̇уубо д̣̇вияож̇ануб̣б̣зд̇хо, д̇имирам̣ б̣яабаханд̇и со.
Thūpo dviyojanubbedho, timiraṃ byapahanti so.
‘‘нааг̇аа д̇ад̇т̇а самааг̇анд̇ваа, згад̇о манд̇аяум̣ д̇ад̣̇аа;
‘‘Nāgā tattha samāgantvā, ekato mantayuṃ tadā;
мануссаа жзва д̣̇зваа жа, б̣уд̣̇д̇хат̇уубам̣ агам̣су д̇з.
Manussā ceva devā ca, buddhathūpaṃ akaṃsu te.
‘‘маа но бамад̇д̇аа ассумха, аббамад̇д̇аа сад̣̇звагаа;
‘‘Mā no pamattā assumha, appamattā sadevakā;
маяамби т̇уубам̣ гассаама, логанаат̇асса д̇аад̣̇ино.
Mayampi thūpaṃ kassāma, lokanāthassa tādino.
‘‘инд̣̇анийлам̣ махаанийлам̣, ат̇о ж̇од̇ирасам̣ ман̣им̣;
‘‘Indanīlaṃ mahānīlaṃ, atho jotirasaṃ maṇiṃ;
згад̇о саннибаад̇зд̇ваа, б̣уд̣̇д̇хат̇уубам̣ ачаад̣̇аяум̣.
Ekato sannipātetvā, buddhathūpaṃ achādayuṃ.
‘‘саб̣б̣ам̣ ман̣имаяам̣ ааси, яаавад̇аа б̣уд̣̇д̇хажзд̇ияам̣;
‘‘Sabbaṃ maṇimayaṃ āsi, yāvatā buddhacetiyaṃ;
д̇ияож̇анасамуб̣б̣зд̇хам̣, аалогагаран̣ам̣ д̇ад̣̇аа.
Tiyojanasamubbedhaṃ, ālokakaraṇaṃ tadā.
‘‘г̇арул̣аа жа самааг̇анд̇ваа, згад̇о манд̇аяум̣ д̇ад̣̇аа;
‘‘Garuḷā ca samāgantvā, ekato mantayuṃ tadā;
мануссаа д̣̇званааг̇аа жа, б̣уд̣̇д̇хабууж̇ам̣ агам̣су д̇з.
Manussā devanāgā ca, buddhapūjaṃ akaṃsu te.
‘‘маа но бамад̇д̇аа ассумха, аббамад̇д̇аа сад̣̇звагаа;
‘‘Mā no pamattā assumha, appamattā sadevakā;
маяамби т̇уубам̣ гассаама, логанаат̇асса д̇аад̣̇ино.
Mayampi thūpaṃ kassāma, lokanāthassa tādino.
‘‘саб̣б̣ам̣ ман̣имаяам̣ т̇уубам̣, агарум̣ д̇з жа ган̃жугам̣;
‘‘Sabbaṃ maṇimayaṃ thūpaṃ, akaruṃ te ca kañcukaṃ;
яож̇анам̣ д̇зби вад̣дхзсум̣, ааяад̇ам̣ б̣уд̣̇д̇хажзд̇ияам̣.
Yojanaṃ tepi vaḍḍhesuṃ, āyataṃ buddhacetiyaṃ.
‘‘жад̇уяож̇анамуб̣б̣зд̇хо, б̣уд̣̇д̇хат̇уубо вирожад̇и;
‘‘Catuyojanamubbedho, buddhathūpo virocati;
обхаасзд̇и д̣̇исаа саб̣б̣аа, сад̇арам̣сийва уг̇г̇ад̇о.
Obhāseti disā sabbā, sataraṃsīva uggato.
‘‘гумбхан̣д̣аа жа самааг̇анд̇ваа, згад̇о манд̇аяум̣ д̇ад̣̇аа;
‘‘Kumbhaṇḍā ca samāgantvā, ekato mantayuṃ tadā;
мануссаа жзва д̣̇зваа жа, нааг̇аа жа г̇арул̣аа д̇ат̇аа.
Manussā ceva devā ca, nāgā ca garuḷā tathā.
‘‘бажжзгам̣ б̣уд̣̇д̇хасздтасса, агам̣су т̇уубамуд̇д̇амам̣;
‘‘Paccekaṃ buddhaseṭṭhassa, akaṃsu thūpamuttamaṃ;
маа но бамад̇д̇аа ассумха, аббамад̇д̇аа сад̣̇звагаа.
Mā no pamattā assumha, appamattā sadevakā.
‘‘маяамби т̇уубам̣ гассаама, логанаат̇асса д̇аад̣̇ино;
‘‘Mayampi thūpaṃ kassāma, lokanāthassa tādino;
рад̇анзхи чаад̣̇зссаама, ааяад̇ам̣ б̣уд̣̇д̇хажзд̇ияам̣.
Ratanehi chādessāma, āyataṃ buddhacetiyaṃ.
‘‘яож̇анам̣ д̇зби вад̣дхзсум̣, ааяад̇ам̣ б̣уд̣̇д̇хажзд̇ияам̣;
‘‘Yojanaṃ tepi vaḍḍhesuṃ, āyataṃ buddhacetiyaṃ;
бан̃жаяож̇анамуб̣б̣зд̇хо, т̇уубо обхаасад̇з д̇ад̣̇аа.
Pañcayojanamubbedho, thūpo obhāsate tadā.
‘‘яагкаа д̇ад̇т̇а самааг̇анд̇ваа, згад̇о манд̇аяум̣ д̇ад̣̇аа;
‘‘Yakkhā tattha samāgantvā, ekato mantayuṃ tadā;
мануссаа д̣̇званааг̇аа жа, г̇арул̣аа жа гумбхан̣д̣агаа.
Manussā devanāgā ca, garuḷā ca kumbhaṇḍakā.
‘‘бажжзгам̣ б̣уд̣̇д̇хасздтасса, агам̣су т̇уубамуд̇д̇амам̣;
‘‘Paccekaṃ buddhaseṭṭhassa, akaṃsu thūpamuttamaṃ;
маа но бамад̇д̇аа ассумха, аббамад̇д̇аа сад̣̇звагаа.
Mā no pamattā assumha, appamattā sadevakā.
‘‘маяамби т̇уубам̣ гассаама, логанаат̇асса д̇аад̣̇ино;
‘‘Mayampi thūpaṃ kassāma, lokanāthassa tādino;
палигаа чаад̣̇аяиссаама, ааяад̇ам̣ б̣уд̣̇д̇хажзд̇ияам̣.
Phalikā chādayissāma, āyataṃ buddhacetiyaṃ.
‘‘яож̇анам̣ д̇зби вад̣дхзсум̣, ааяад̇ам̣ б̣уд̣̇д̇хажзд̇ияам̣;
‘‘Yojanaṃ tepi vaḍḍhesuṃ, āyataṃ buddhacetiyaṃ;
чаяож̇анигамуб̣б̣зд̇хо, т̇уубо обхаасад̇з д̇ад̣̇аа.
Chayojanikamubbedho, thūpo obhāsate tadā.
‘‘г̇анд̇хаб̣б̣аа жа самааг̇анд̇ваа, згад̇о манд̇аяум̣ д̇ад̣̇аа;
‘‘Gandhabbā ca samāgantvā, ekato mantayuṃ tadā;
мануж̇аа д̣̇звад̇аа нааг̇аа, гумбхан̣д̣аа г̇арул̣аа д̇ат̇аа.
Manujā devatā nāgā, kumbhaṇḍā garuḷā tathā.
‘‘саб̣б̣з агам̣су б̣уд̣̇д̇хат̇уубам̣, маяамзд̇т̇а агаарагаа;
‘‘Sabbe akaṃsu buddhathūpaṃ, mayamettha akārakā;
маяамби т̇уубам̣ гассаама, логанаат̇асса д̇аад̣̇ино.
Mayampi thūpaṃ kassāma, lokanāthassa tādino.
‘‘взд̣̇ияо сад̇д̇а гад̇ваана, д̇хаж̇ам̣ чад̇д̇ам̣ агам̣су д̇з;
‘‘Vediyo satta katvāna, dhajaṃ chattaṃ akaṃsu te;
саб̣б̣асон̣н̣амаяам̣ т̇уубам̣, г̇анд̇хаб̣б̣аа гаараяум̣ д̇ад̣̇аа.
Sabbasoṇṇamayaṃ thūpaṃ, gandhabbā kārayuṃ tadā.
‘‘сад̇д̇аяож̇анамуб̣б̣зд̇хо, т̇уубо обхаасад̇з д̇ад̣̇аа;
‘‘Sattayojanamubbedho, thūpo obhāsate tadā;
рад̇д̇инд̣̇иваа на н̃ааяанд̇и, аалого ход̇и саб̣б̣ад̣̇аа.
Rattindivā na ñāyanti, āloko hoti sabbadā.
‘‘абхибхонд̇и на д̇ассаабхаа, жанд̣̇асуураа сад̇аарагаа;
‘‘Abhibhonti na tassābhā, candasūrā satārakā;
саманд̇аа яож̇анасад̇з, бад̣̇ийбоби на баж̇ж̇али.
Samantā yojanasate, padīpopi na pajjali.
‘‘д̇зна гаалзна яз гзжи, т̇уубам̣ бууж̇знд̇и маанусаа;
‘‘Tena kālena ye keci, thūpaṃ pūjenti mānusā;
на д̇з т̇уубам̣ ааруханд̇и, амб̣арз угкибанд̇и д̇з.
Na te thūpaṃ āruhanti, ambare ukkhipanti te.
‘‘д̣̇звзхи табид̇о яагко, абхисаммад̇анаамаго;
‘‘Devehi ṭhapito yakkho, abhisammatanāmako;
д̇хаж̇ам̣ ваа бубпад̣̇аамам̣ ваа, абхиробзд̇и уд̇д̇арим̣.
Dhajaṃ vā pupphadāmaṃ vā, abhiropeti uttariṃ.
‘‘на д̇з бассанд̇и д̇ам̣ яагкам̣, д̣̇аамам̣ бассанд̇и г̇ажчад̇о;
‘‘Na te passanti taṃ yakkhaṃ, dāmaṃ passanti gacchato;
звам̣ бассид̇ваа г̇ажчанд̇аа, саб̣б̣з г̇ажчанд̇и суг̇г̇ад̇им̣.
Evaṃ passitvā gacchantā, sabbe gacchanti suggatiṃ.
‘‘вируд̣̇д̇хаа яз бааважанз, басаннаа яз жа саасанз;
‘‘Viruddhā ye pāvacane, pasannā ye ca sāsane;
баадихийрам̣ д̣̇адтугаамаа, т̇уубам̣ бууж̇знд̇и маанусаа.
Pāṭihīraṃ daṭṭhukāmā, thūpaṃ pūjenti mānusā.
‘‘наг̇арз хам̣савад̇ияаа, ахосим̣ бхад̇аго д̇ад̣̇аа;
‘‘Nagare haṃsavatiyā, ahosiṃ bhatako tadā;
аамод̣̇ид̇ам̣ ж̇анам̣ д̣̇исваа, звам̣ жинд̇зсахам̣ д̇ад̣̇аа.
Āmoditaṃ janaṃ disvā, evaṃ cintesahaṃ tadā.
‘‘ул̣ааро бхаг̇аваа нзсо, яасса д̇хаад̇угхарз д̣̇исам̣;
‘‘Uḷāro bhagavā neso, yassa dhātughare disaṃ;
имаа жа ж̇анад̇аа д̇удтаа, гаарам̣ губ̣б̣ам̣ на д̇аббарз.
Imā ca janatā tuṭṭhā, kāraṃ kubbaṃ na tappare.
‘‘ахамби гаарам̣ гассаами, логанаат̇асса д̇аад̣̇ино;
‘‘Ahampi kāraṃ kassāmi, lokanāthassa tādino;
д̇асса д̇хаммзсу д̣̇ааяаад̣̇о, бхависсаами анааг̇ад̇з.
Tassa dhammesu dāyādo, bhavissāmi anāgate.
‘‘суд̇ход̇ам̣ раж̇агзнаахам̣, уд̇д̇арзяяам̣ бадам̣ мама;
‘‘Sudhotaṃ rajakenāhaṃ, uttareyyaṃ paṭaṃ mama;
взл̣аг̇г̇з аалаг̇г̇зд̇ваана, д̇хаж̇ам̣ угкибимамб̣арз.
Veḷagge ālaggetvāna, dhajaṃ ukkhipimambare.
‘‘абхисаммад̇аго г̇аяха, амб̣арз хааси мз д̇хаж̇ам̣;
‘‘Abhisammatako gayha, ambare hāsi me dhajaṃ;
ваад̇зрид̇ам̣ д̇хаж̇ам̣ д̣̇исваа, бхияяо хаасам̣ ж̇анзсахам̣.
Vāteritaṃ dhajaṃ disvā, bhiyyo hāsaṃ janesahaṃ.
‘‘д̇ад̇т̇а жид̇д̇ам̣ басаад̣̇зд̇ваа, саман̣ам̣ убасан̇гамим̣;
‘‘Tattha cittaṃ pasādetvā, samaṇaṃ upasaṅkamiṃ;
д̇ам̣ бхигкум̣ абхиваад̣̇зд̇ваа, вибаагам̣ бужчахам̣ д̇хаж̇з.
Taṃ bhikkhuṃ abhivādetvā, vipākaṃ pucchahaṃ dhaje.
‘‘со мз гат̇зси аананд̣̇ий, бийд̇исан̃ж̇ананам̣ мама;
‘‘So me kathesi ānandī, pītisañjananaṃ mama;
д̇асса д̇хаж̇асса вибаагам̣, анубхоссаси саб̣б̣ад̣̇аа.
Tassa dhajassa vipākaṃ, anubhossasi sabbadā.
‘‘хад̇т̇иассарат̇аабад̇д̇ий, сзнаа жа жад̇уран̇г̇иний;
‘‘Hatthiassarathāpattī, senā ca caturaṅginī;
бариваарзссанд̇и д̇ам̣ нижжам̣, д̇хаж̇ад̣̇аанассид̣̇ам̣ палам̣.
Parivāressanti taṃ niccaṃ, dhajadānassidaṃ phalaṃ.
‘‘садтид̇уурияасахассаани, бхзрияо самалан̇гад̇аа;
‘‘Saṭṭhitūriyasahassāni, bheriyo samalaṅkatā;
бариваарзссанд̇и д̇ам̣ нижжам̣, д̇хаж̇ад̣̇аанассид̣̇ам̣ палам̣.
Parivāressanti taṃ niccaṃ, dhajadānassidaṃ phalaṃ.
‘‘чал̣асийд̇и сахассаани, наарияо самалан̇гад̇аа;
‘‘Chaḷasīti sahassāni, nāriyo samalaṅkatā;
вижид̇д̇авад̇т̇аабхаран̣аа, аамуггаман̣игун̣д̣алаа.
Vicittavatthābharaṇā, āmukkamaṇikuṇḍalā.
‘‘ал̣аарабамхаа хасулаа, сусан̃н̃аа д̇анумаж̇жхимаа;
‘‘Aḷārapamhā hasulā, susaññā tanumajjhimā;
бариваарзссанд̇и д̇ам̣ нижжам̣, д̇хаж̇ад̣̇аанассид̣̇ам̣ палам̣.
Parivāressanti taṃ niccaṃ, dhajadānassidaṃ phalaṃ.
‘‘д̇им̣сагаббасахассаани, д̣̇звалогз рамиссаси;
‘‘Tiṃsakappasahassāni, devaloke ramissasi;
асийд̇игкад̇д̇ум̣ д̣̇звинд̣̇о, д̣̇звараж̇ж̇ам̣ гариссаси.
Asītikkhattuṃ devindo, devarajjaṃ karissasi.
‘‘сахассагкад̇д̇ум̣ рааж̇аа жа, жаггавад̇д̇ий бхависсад̇и;
‘‘Sahassakkhattuṃ rājā ca, cakkavattī bhavissati;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̣̇звалогаа жавид̇ваана, суггамуулзна жод̣̇ид̇о;
‘‘Devalokā cavitvāna, sukkamūlena codito;
бун̃н̃агаммзна сан̃н̃уд̇д̇о, б̣рахмаб̣анд̇ху бхависсаси.
Puññakammena saññutto, brahmabandhu bhavissasi.
‘‘асийд̇игодим̣ чад̣д̣зд̇ваа, д̣̇аасз гаммагарз б̣ахуу;
‘‘Asītikoṭiṃ chaḍḍetvā, dāse kammakare bahū;
г̇од̇амасса бхаг̇авад̇о, саасанз баб̣б̣аж̇иссаси.
Gotamassa bhagavato, sāsane pabbajissasi.
‘‘аараад̇хаяид̇ваа самб̣уд̣̇д̇хам̣, г̇од̇амам̣ сагяабун̇г̇авам̣;
‘‘Ārādhayitvā sambuddhaṃ, gotamaṃ sakyapuṅgavaṃ;
убаваан̣од̇и наамзна, хзссаси сад̇т̇у сааваго.
Upavāṇoti nāmena, hessasi satthu sāvako.
‘‘сад̇асахассз гад̇ам̣ гаммам̣, палам̣ д̣̇ассзси мз ид̇ха;
‘‘Satasahasse kataṃ kammaṃ, phalaṃ dassesi me idha;
сумуд̇д̇о саравзг̇ова, гилзсз жхаабаяим̣ мама.
Sumutto saravegova, kilese jhāpayiṃ mama.
‘‘жаггавад̇д̇исса санд̇асса, жаад̇уд̣̇д̣̇ийбиссарасса мз;
‘‘Cakkavattissa santassa, cātuddīpissarassa me;
д̇ийн̣и яож̇анаани сааманд̇аа, уссийяанд̇и д̇хаж̇аа сад̣̇аа.
Tīṇi yojanāni sāmantā, ussīyanti dhajā sadā.
‘‘сад̇асахассид̇о габбз, яам̣ гаммамагарим̣ д̇ад̣̇аа;
‘‘Satasahassito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, д̇хаж̇ад̣̇аанассид̣̇ам̣ палам̣.
Duggatiṃ nābhijānāmi, dhajadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇ааяасмаа убаваан̣о бхаг̇авад̇о убадтааго ахоси. д̇зна жа самаязна бхаг̇авад̇о ваад̇ааб̣аад̇хо уббаж̇ж̇и. т̇зрасса жа г̇ихисахааяо д̣̇звахид̇о наама б̣раахман̣о саавад̇т̇ияам̣ бадивасад̇и. со т̇зрам̣ жад̇уухи бажжаязхи бавзд̣̇зси. ат̇ааяасмаа убаваан̣о ниваасзд̇ваа бад̇д̇ажийварамаад̣̇ааяа д̇асса б̣раахман̣асса нивзсанам̣ убаг̇ажчи. б̣раахман̣о ‘‘гзнажи ан̃н̃зна баяож̇анзна т̇зро ааг̇ад̇о’’д̇и н̃ад̇ваа, ‘‘вад̣̇зяяаат̇а, бханд̇з, гзнад̇т̇о’’д̇и ааха. т̇зро д̇асса б̣раахман̣асса баяож̇анам̣ аажигканд̇о –
Athāyasmā upavāṇo bhagavato upaṭṭhāko ahosi. Tena ca samayena bhagavato vātābādho uppajji. Therassa ca gihisahāyo devahito nāma brāhmaṇo sāvatthiyaṃ paṭivasati. So theraṃ catūhi paccayehi pavedesi. Athāyasmā upavāṇo nivāsetvā pattacīvaramādāya tassa brāhmaṇassa nivesanaṃ upagacchi. Brāhmaṇo ‘‘kenaci aññena payojanena thero āgato’’ti ñatvā, ‘‘vadeyyātha, bhante, kenattho’’ti āha. Thero tassa brāhmaṇassa payojanaṃ ācikkhanto –
185.
185.
‘‘арахам̣ суг̇ад̇о логз, ваад̇зхааб̣аад̇хиго муни;
‘‘Arahaṃ sugato loke, vātehābādhiko muni;
сажз ун̣ход̣̇агам̣ ад̇т̇и, мунино д̣̇зхи б̣раахман̣а.
Sace uṇhodakaṃ atthi, munino dehi brāhmaṇa.
186.
186.
‘‘бууж̇ид̇о бууж̇анзяяаанам̣, саггарзяяаана саггад̇о;
‘‘Pūjito pūjaneyyānaṃ, sakkareyyāna sakkato;
абажид̇обажзяяаанам̣, д̇асса ижчаами хаад̇авз’’д̇и. – г̇аат̇аад̣̇ваяам̣ абхааси;
Apacitopaceyyānaṃ, tassa icchāmi hātave’’ti. – gāthādvayaṃ abhāsi;
д̇ассад̇т̇о – яо имасмим̣ логз бууж̇анзяяаанам̣ бууж̇зд̇аб̣б̣зхи саггаад̣̇ийхи д̣̇звзхи махааб̣рахмаад̣̇ийхи жа б̣рахмзхи бууж̇ид̇о, саггарзяяаанам̣ саггаад̇аб̣б̣зхи б̣имб̣исаарагосаларааж̇аад̣̇ийхи саггад̇о, абажзяяаанам̣ абажааяид̇аб̣б̣зхи махзсийхи кийн̣аасавзхи абажид̇о, гилзсзхи аарагад̇д̇аад̣̇инаа арахам̣, собханаг̇аманаад̣̇инаа суг̇ад̇о саб̣б̣ан̃н̃уу муни маяхам̣ сад̇т̇аа д̣̇звад̣̇зво саггаанам̣ ад̇исагго б̣рахмаанам̣ ад̇иб̣рахмаа, со д̣̇аани ваад̇зхи ваад̇ахзд̇у ваад̇агкобханимид̇д̇ам̣ ааб̣аад̇хиго ж̇аад̇о. сажз, б̣раахман̣а, ун̣ход̣̇агам̣ ад̇т̇и, д̇асса ваад̇ааб̣аад̇хавуубасаманад̇т̇ам̣ д̇ам̣ хаад̇авз убанзд̇ум̣ ижчаамийд̇и. д̇ам̣ суд̇ваа б̣раахман̣о ун̣ход̣̇агам̣ д̇ад̣̇ануруубам̣ ваад̇аарахан̃жа бхзсаж̇ж̇ам̣ бхаг̇авад̇о убанаамзси. д̇зна жа сад̇т̇у рог̇о вуубасами. д̇асса бхаг̇аваа анумод̣̇анам̣ агаасийд̇и.
Tassattho – yo imasmiṃ loke pūjaneyyānaṃ pūjetabbehi sakkādīhi devehi mahābrahmādīhi ca brahmehi pūjito, sakkareyyānaṃ sakkātabbehi bimbisārakosalarājādīhi sakkato, apaceyyānaṃ apacāyitabbehi mahesīhi khīṇāsavehi apacito, kilesehi ārakattādinā arahaṃ, sobhanagamanādinā sugato sabbaññū muni mayhaṃ satthā devadevo sakkānaṃ atisakko brahmānaṃ atibrahmā, so dāni vātehi vātahetu vātakkhobhanimittaṃ ābādhiko jāto. Sace, brāhmaṇa, uṇhodakaṃ atthi, tassa vātābādhavūpasamanatthaṃ taṃ hātave upanetuṃ icchāmīti. Taṃ sutvā brāhmaṇo uṇhodakaṃ tadanurūpaṃ vātārahañca bhesajjaṃ bhagavato upanāmesi. Tena ca satthu rogo vūpasami. Tassa bhagavā anumodanaṃ akāsīti.
убаваан̣ад̇т̇зраг̇аат̇ааван̣н̣анаа нидтид̇аа.
Upavāṇattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. убаваан̣ад̇т̇зраг̇аат̇аа • 3. Upavāṇattheragāthā
