| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. উপযন্তিসুত্তৰণ্ণনা
9. Upayantisuttavaṇṇanā
৬৯. নৰমে উদকৰড্ঢনসমযেতি সব্বদিৰসেসু মহাসমুদ্দস্স অন্তো মহন্তচন্দকন্তমণিপব্বতানং জুণ্হসম্ফস্সেন পহতত্তা জলাভিসন্দনৰসেন উদকস্স ৰড্ঢনসমযে। উপরি গচ্ছন্তোতি পকতিযা উদকস্স তিট্ঠট্ঠানস্স ততো উপরি গচ্ছন্তোতি অত্থো। উপরি যাপেতীতি উদকং তত্থ উপরূপরি ৰড্ঢেতি। তথাভূতো চ তং ব্রূহেন্তো পূরেন্তোতি ৰুচ্চতীতি আহ ‘‘ৰড্ঢেতি পূরেতীতি অত্থো’’তি। যস্মা পচ্চযধম্মা অত্তনো ফলসমৰাযপচ্চযে হোন্তে তস্স উপরি ঠিতো ৰিয হোতি তস্স অত্তনো ৰসে ৰত্তাপনতো, তস্মা ৰুত্তং ‘‘অৰিজ্জা উপরি গচ্ছন্তী’’তি। পচ্চযভাৰেন হি সা তথা ৰুচ্চতি। তেনাহ ‘‘সঙ্খারানং পচ্চযো ভৰিতুং সক্কুণন্তী’’তি। অপগচ্ছন্তো যাযন্তো। তেনাহ ‘‘ওসরন্তো’’তি, অৰড্ঢন্তো পরিহীযমানোতি অত্থো।
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
উপযন্তিসুত্তৰণ্ণনা নিট্ঠিতা।
Upayantisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. উপযন্তিসুত্তং • 9. Upayantisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. উপযন্তিসুত্তৰণ্ণনা • 9. Upayantisuttavaṇṇanā
