| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๙. อุปยนฺติสุตฺตวณฺณนา
9. Upayantisuttavaṇṇanā
๖๙. นวเม อุปยโนฺตติ อุทกวฑฺฒนสมเย อุปริ คจฺฉโนฺตฯ มหานทิโยติ คงฺคายมุนาทิกา มหาสริตาโยฯ อุปยาเปตีติ อุปริ ยาเปติ, วเฑฺฒติ ปูเรตีติ อโตฺถฯ อวิชฺชา อุปยนฺตีติ อวิชฺชา อุปริ คจฺฉนฺตี สงฺขารานํ ปจฺจโย ภวิตุํ สกฺกุณนฺตีฯ สงฺขาเร อุปยาเปตีติ สงฺขาเร อุปริ ยาเปติ วเฑฺฒติฯ เอวํ สพฺพปเทสุ อโตฺถ เวทิตโพฺพฯ อปยโนฺตติ อปคจฺฉโนฺต โอสรโนฺตฯ อวิชฺชา อปยนฺตีติ อวิชฺชา อปคจฺฉมานา โอสรมานา อุปริ สงฺขารานํ ปจฺจโย ภวิตุํ น สกฺกุณนฺตีติ อโตฺถฯ สงฺขาเร อปยาเปตีติ สงฺขาเร อปคจฺฉาเปติฯ เอส นโย สพฺพปเทสุฯ นวมํฯ
69. Navame upayantoti udakavaḍḍhanasamaye upari gacchanto. Mahānadiyoti gaṅgāyamunādikā mahāsaritāyo. Upayāpetīti upari yāpeti, vaḍḍheti pūretīti attho. Avijjā upayantīti avijjā upari gacchantī saṅkhārānaṃ paccayo bhavituṃ sakkuṇantī. Saṅkhāre upayāpetīti saṅkhāre upari yāpeti vaḍḍheti. Evaṃ sabbapadesu attho veditabbo. Apayantoti apagacchanto osaranto. Avijjā apayantīti avijjā apagacchamānā osaramānā upari saṅkhārānaṃ paccayo bhavituṃ na sakkuṇantīti attho. Saṅkhāre apayāpetīti saṅkhāre apagacchāpeti. Esa nayo sabbapadesu. Navamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. อุปยนฺติสุตฺตํ • 9. Upayantisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๙. อุปยนฺติสุตฺตวณฺณนา • 9. Upayantisuttavaṇṇanā
