| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. อุปยนฺติสุตฺตวณฺณนา
9. Upayantisuttavaṇṇanā
๖๙. นวเม อุทกวฑฺฒนสมเยติ สพฺพทิวเสสุ มหาสมุทฺทสฺส อโนฺต มหนฺตจนฺทกนฺตมณิปพฺพตานํ ชุณฺหสมฺผเสฺสน ปหตตฺตา ชลาภิสนฺทนวเสน อุทกสฺส วฑฺฒนสมเยฯ อุปริ คจฺฉโนฺตติ ปกติยา อุทกสฺส ติฎฺฐฎฺฐานสฺส ตโต อุปริ คจฺฉโนฺตติ อโตฺถฯ อุปริ ยาเปตีติ อุทกํ ตตฺถ อุปรูปริ วเฑฺฒติฯ ตถาภูโต จ ตํ พฺรูเหโนฺต ปูเรโนฺตติ วุจฺจตีติ อาห ‘‘วเฑฺฒติ ปูเรตีติ อโตฺถ’’ติฯ ยสฺมา ปจฺจยธมฺมา อตฺตโน ผลสมวายปจฺจเย โหเนฺต ตสฺส อุปริ ฐิโต วิย โหติ ตสฺส อตฺตโน วเส วตฺตาปนโต, ตสฺมา วุตฺตํ ‘‘อวิชฺชา อุปริ คจฺฉนฺตี’’ติฯ ปจฺจยภาเวน หิ สา ตถา วุจฺจติฯ เตนาห ‘‘สงฺขารานํ ปจฺจโย ภวิตุํ สกฺกุณนฺตี’’ติฯ อปคจฺฉโนฺต ยายโนฺตฯ เตนาห ‘‘โอสรโนฺต’’ติ, อวฑฺฒโนฺต ปริหียมาโนติ อโตฺถฯ
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
อุปยนฺติสุตฺตวณฺณนา นิฎฺฐิตาฯ
Upayantisuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. อุปยนฺติสุตฺตํ • 9. Upayantisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. อุปยนฺติสุตฺตวณฺณนา • 9. Upayantisuttavaṇṇanā
