| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៩. ឧបយន្តិសុត្តវណ្ណនា
9. Upayantisuttavaṇṇanā
៦៩. នវមេ ឧទកវឌ្ឍនសមយេតិ សព្ពទិវសេសុ មហាសមុទ្ទស្ស អន្តោ មហន្តចន្ទកន្តមណិបព្ពតានំ ជុណ្ហសម្ផស្សេន បហតត្តា ជលាភិសន្ទនវសេន ឧទកស្ស វឌ្ឍនសមយេ។ ឧបរិ គច្ឆន្តោតិ បកតិយា ឧទកស្ស តិដ្ឋដ្ឋានស្ស តតោ ឧបរិ គច្ឆន្តោតិ អត្ថោ។ ឧបរិ យាបេតីតិ ឧទកំ តត្ថ ឧបរូបរិ វឌ្ឍេតិ។ តថាភូតោ ច តំ ព្រូហេន្តោ បូរេន្តោតិ វុច្ចតីតិ អាហ ‘‘វឌ្ឍេតិ បូរេតីតិ អត្ថោ’’តិ។ យស្មា បច្ចយធម្មា អត្តនោ ផលសមវាយបច្ចយេ ហោន្តេ តស្ស ឧបរិ ឋិតោ វិយ ហោតិ តស្ស អត្តនោ វសេ វត្តាបនតោ, តស្មា វុត្តំ ‘‘អវិជ្ជា ឧបរិ គច្ឆន្តី’’តិ។ បច្ចយភាវេន ហិ សា តថា វុច្ចតិ។ តេនាហ ‘‘សង្ខារានំ បច្ចយោ ភវិតុំ សក្កុណន្តី’’តិ។ អបគច្ឆន្តោ យាយន្តោ។ តេនាហ ‘‘ឱសរន្តោ’’តិ, អវឌ្ឍន្តោ បរិហីយមានោតិ អត្ថោ។
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
ឧបយន្តិសុត្តវណ្ណនា និដ្ឋិតា។
Upayantisuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៩. ឧបយន្តិសុត្តំ • 9. Upayantisuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៩. ឧបយន្តិសុត្តវណ្ណនា • 9. Upayantisuttavaṇṇanā
