| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
9. උපයන්‌තිසුත්‌තවණ්‌ණනා
9. Upayantisuttavaṇṇanā
69. නවමෙ උපයන්‌තොති උදකවඩ්‌ඪනසමයෙ උපරි ගච්‌ඡන්‌තො. මහානදියොති ගඞ්‌ගායමුනාදිකා මහාසරිතායො. උපයාපෙතීති උපරි යාපෙති, වඩ්‌ඪෙති පූරෙතීති අත්‌ථො. අවිජ්‌ජා උපයන්‌තීති අවිජ්‌ජා උපරි ගච්‌ඡන්‌තී සඞ්‌ඛාරානං පච්‌චයො භවිතුං සක්‌කුණන්‌තී. සඞ්‌ඛාරෙ උපයාපෙතීති සඞ්‌ඛාරෙ උපරි යාපෙති වඩ්‌ඪෙති. එවං සබ්‌බපදෙසු අත්‌ථො වෙදිතබ්‌බො. අපයන්‌තොති අපගච්‌ඡන්‌තො ඔසරන්‌තො. අවිජ්‌ජා අපයන්‌තීති අවිජ්‌ජා අපගච්‌ඡමානා ඔසරමානා උපරි සඞ්‌ඛාරානං පච්‌චයො භවිතුං න සක්‌කුණන්‌තීති අත්‌ථො. සඞ්‌ඛාරෙ අපයාපෙතීති සඞ්‌ඛාරෙ අපගච්‌ඡාපෙති. එස නයො සබ්‌බපදෙසු. නවමං.
69. Navame upayantoti udakavaḍḍhanasamaye upari gacchanto. Mahānadiyoti gaṅgāyamunādikā mahāsaritāyo. Upayāpetīti upari yāpeti, vaḍḍheti pūretīti attho. Avijjā upayantīti avijjā upari gacchantī saṅkhārānaṃ paccayo bhavituṃ sakkuṇantī. Saṅkhāre upayāpetīti saṅkhāre upari yāpeti vaḍḍheti. Evaṃ sabbapadesu attho veditabbo. Apayantoti apagacchanto osaranto. Avijjā apayantīti avijjā apagacchamānā osaramānā upari saṅkhārānaṃ paccayo bhavituṃ na sakkuṇantīti attho. Saṅkhāre apayāpetīti saṅkhāre apagacchāpeti. Esa nayo sabbapadesu. Navamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. උපයන්‌තිසුත්‌තං • 9. Upayantisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. උපයන්‌තිසුත්‌තවණ්‌ණනා • 9. Upayantisuttavaṇṇanā
