| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༩. ཨུཔཡནྟིསུཏྟཝཎྞནཱ
9. Upayantisuttavaṇṇanā
༦༩. ནཝམེ ཨུཔཡནྟོཏི ཨུདཀཝཌྜྷནསམཡེ ཨུཔརི གཙྪནྟོ། མཧཱནདིཡོཏི གངྒཱཡམུནཱདིཀཱ མཧཱསརིཏཱཡོ། ཨུཔཡཱཔེཏཱིཏི ཨུཔརི ཡཱཔེཏི, ཝཌྜྷེཏི པཱུརེཏཱིཏི ཨཏྠོ། ཨཝིཛྫཱ ཨུཔཡནྟཱིཏི ཨཝིཛྫཱ ཨུཔརི གཙྪནྟཱི སངྑཱརཱནཾ པཙྩཡོ བྷཝིཏུཾ སཀྐུཎནྟཱི། སངྑཱརེ ཨུཔཡཱཔེཏཱིཏི སངྑཱརེ ཨུཔརི ཡཱཔེཏི ཝཌྜྷེཏི། ཨེཝཾ སབྦཔདེསུ ཨཏྠོ ཝེདིཏབྦོ། ཨཔཡནྟོཏི ཨཔགཙྪནྟོ ཨོསརནྟོ། ཨཝིཛྫཱ ཨཔཡནྟཱིཏི ཨཝིཛྫཱ ཨཔགཙྪམཱནཱ ཨོསརམཱནཱ ཨུཔརི སངྑཱརཱནཾ པཙྩཡོ བྷཝིཏུཾ ན སཀྐུཎནྟཱིཏི ཨཏྠོ། སངྑཱརེ ཨཔཡཱཔེཏཱིཏི སངྑཱརེ ཨཔགཙྪཱཔེཏི། ཨེས ནཡོ སབྦཔདེསུ། ནཝམཾ།
69. Navame upayantoti udakavaḍḍhanasamaye upari gacchanto. Mahānadiyoti gaṅgāyamunādikā mahāsaritāyo. Upayāpetīti upari yāpeti, vaḍḍheti pūretīti attho. Avijjā upayantīti avijjā upari gacchantī saṅkhārānaṃ paccayo bhavituṃ sakkuṇantī. Saṅkhāre upayāpetīti saṅkhāre upari yāpeti vaḍḍheti. Evaṃ sabbapadesu attho veditabbo. Apayantoti apagacchanto osaranto. Avijjā apayantīti avijjā apagacchamānā osaramānā upari saṅkhārānaṃ paccayo bhavituṃ na sakkuṇantīti attho. Saṅkhāre apayāpetīti saṅkhāre apagacchāpeti. Esa nayo sabbapadesu. Navamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༩. ཨུཔཡནྟིསུཏྟཾ • 9. Upayantisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༩. ཨུཔཡནྟིསུཏྟཝཎྞནཱ • 9. Upayantisuttavaṇṇanā
