| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൯. ഉപയന്തിസുത്തവണ്ണനാ
9. Upayantisuttavaṇṇanā
൬൯. നവമേ ഉപയന്തോതി ഉദകവഡ്ഢനസമയേ ഉപരി ഗച്ഛന്തോ. മഹാനദിയോതി ഗങ്ഗായമുനാദികാ മഹാസരിതായോ. ഉപയാപേതീതി ഉപരി യാപേതി, വഡ്ഢേതി പൂരേതീതി അത്ഥോ. അവിജ്ജാ ഉപയന്തീതി അവിജ്ജാ ഉപരി ഗച്ഛന്തീ സങ്ഖാരാനം പച്ചയോ ഭവിതും സക്കുണന്തീ. സങ്ഖാരേ ഉപയാപേതീതി സങ്ഖാരേ ഉപരി യാപേതി വഡ്ഢേതി. ഏവം സബ്ബപദേസു അത്ഥോ വേദിതബ്ബോ. അപയന്തോതി അപഗച്ഛന്തോ ഓസരന്തോ. അവിജ്ജാ അപയന്തീതി അവിജ്ജാ അപഗച്ഛമാനാ ഓസരമാനാ ഉപരി സങ്ഖാരാനം പച്ചയോ ഭവിതും ന സക്കുണന്തീതി അത്ഥോ. സങ്ഖാരേ അപയാപേതീതി സങ്ഖാരേ അപഗച്ഛാപേതി. ഏസ നയോ സബ്ബപദേസു. നവമം.
69. Navame upayantoti udakavaḍḍhanasamaye upari gacchanto. Mahānadiyoti gaṅgāyamunādikā mahāsaritāyo. Upayāpetīti upari yāpeti, vaḍḍheti pūretīti attho. Avijjā upayantīti avijjā upari gacchantī saṅkhārānaṃ paccayo bhavituṃ sakkuṇantī. Saṅkhāre upayāpetīti saṅkhāre upari yāpeti vaḍḍheti. Evaṃ sabbapadesu attho veditabbo. Apayantoti apagacchanto osaranto. Avijjā apayantīti avijjā apagacchamānā osaramānā upari saṅkhārānaṃ paccayo bhavituṃ na sakkuṇantīti attho. Saṅkhāre apayāpetīti saṅkhāre apagacchāpeti. Esa nayo sabbapadesu. Navamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. ഉപയന്തിസുത്തം • 9. Upayantisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൯. ഉപയന്തിസുത്തവണ്ണനാ • 9. Upayantisuttavaṇṇanā
