| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. உபயவக்³கோ³
6. Upayavaggo
1. உபயஸுத்தவண்ணனா
1. Upayasuttavaṇṇanā
53. உபயவக்³க³ஸ்ஸ பட²மே உபயோதி தண்ஹாமானதி³ட்டி²வஸேன பஞ்சக்க²ந்தே⁴ உபக³தோ. விஞ்ஞாணந்தி கம்மவிஞ்ஞாணங். ஆபஜ்ஜெய்யாதி கம்மங் ஜவாபெத்வா படிஸந்தி⁴ஆகட்³ட⁴னஸமத்த²தாய வுத்³தி⁴ஆதீ³னி ஆபஜ்ஜெய்ய. விஞ்ஞாணுபயந்தி பத³ஸ்ஸ அக்³க³ஹணே காரணங் வுத்தமேவ. வொச்சி²ஜ்ஜதாரம்மணந்தி படிஸந்தி⁴ஆகட்³ட⁴னஸமத்த²தாய அபா⁴வேன ஆரம்மணங் வொச்சி²ஜ்ஜதி. பதிட்டா² விஞ்ஞாணஸ்ஸாதி கம்மவிஞ்ஞாணஸ்ஸ பதிட்டா² ந ஹோதி. தத³ப்பதிட்டி²தந்தி தங் அப்பதிட்டி²தங். அனபி⁴ஸங்க²ச்ச விமுத்தந்தி படிஸந்தி⁴ங் அனபி⁴ஸங்க²ரித்வா விமுத்தங். பட²மங்.
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. உபயஸுத்தங் • 1. Upayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. உபயஸுத்தவண்ணனா • 1. Upayasuttavaṇṇanā
