| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
६. उपयवग्गो
6. Upayavaggo
१. उपयसुत्तवण्णना
1. Upayasuttavaṇṇanā
५३. उपेतीति उपयो। कथमुपेति? तण्हामानादिवसेनाति आह ‘‘तण्हामानदिट्ठिवसेना’’ति। कथमिदं लब्भतीति? ‘‘अविमुत्तो’’ति वचनतो। तण्हादिट्ठिवसेन हि बद्धो, किं उपेतीति आह ‘‘पञ्चक्खन्धे’’ति तब्बिनिमुत्तस्स तथा उपेतस्स अभावतो। को पनुपेतीति? तंसमङ्गीपुग्गलो। तण्हादिट्ठिवसेन उपगमस्स वुत्तत्ता विञ्ञाणन्ति अकुसलकम्मविञ्ञाणमेवाति वदन्ति। जवापेत्वाति गहितजवं कत्वा। यथा पटिसन्धिं आकड्ढितुं समत्थं, एवं कत्वा। तेनाह ‘‘पटिसन्धी’’तिआदि। अग्गहणे कारणं वुत्तमेव ‘‘ओकं पहाय अनिकेतसारी’’ति गाथाय विस्सज्जने। कम्मनिमित्तादिवसेन पटिसन्धिया पच्चयभूतं आरम्मणं पटिसन्धिजनकस्स कम्मस्स वसेन वोच्छिज्जति। पतिट्ठा न होति सरागकाले विय अनुपट्ठानतो । अप्पतिट्ठितं विञ्ञाणं वुत्तप्पकारेन। अनभिसङ्खरित्वाति अनुप्पादेत्वा पच्चयघातेन।
53. Upetīti upayo. Kathamupeti? Taṇhāmānādivasenāti āha ‘‘taṇhāmānadiṭṭhivasenā’’ti. Kathamidaṃ labbhatīti? ‘‘Avimutto’’ti vacanato. Taṇhādiṭṭhivasena hi baddho, kiṃ upetīti āha ‘‘pañcakkhandhe’’ti tabbinimuttassa tathā upetassa abhāvato. Ko panupetīti? Taṃsamaṅgīpuggalo. Taṇhādiṭṭhivasena upagamassa vuttattā viññāṇanti akusalakammaviññāṇamevāti vadanti. Javāpetvāti gahitajavaṃ katvā. Yathā paṭisandhiṃ ākaḍḍhituṃ samatthaṃ, evaṃ katvā. Tenāha ‘‘paṭisandhī’’tiādi. Aggahaṇe kāraṇaṃ vuttameva ‘‘okaṃ pahāya aniketasārī’’ti gāthāya vissajjane. Kammanimittādivasena paṭisandhiyā paccayabhūtaṃ ārammaṇaṃ paṭisandhijanakassa kammassa vasena vocchijjati. Patiṭṭhā na hoti sarāgakāle viya anupaṭṭhānato . Appatiṭṭhitaṃ viññāṇaṃ vuttappakārena. Anabhisaṅkharitvāti anuppādetvā paccayaghātena.
उपयसुत्तवण्णना निट्ठिता।
Upayasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. उपयसुत्तं • 1. Upayasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. उपयसुत्तवण्णना • 1. Upayasuttavaṇṇanā
