| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៦. ឧបយវគ្គោ
6. Upayavaggo
១. ឧបយសុត្តវណ្ណនា
1. Upayasuttavaṇṇanā
៥៣. ឧបយវគ្គស្ស បឋមេ ឧបយោតិ តណ្ហាមានទិដ្ឋិវសេន បញ្ចក្ខន្ធេ ឧបគតោ។ វិញ្ញាណន្តិ កម្មវិញ្ញាណំ។ អាបជ្ជេយ្យាតិ កម្មំ ជវាបេត្វា បដិសន្ធិអាកឌ្ឍនសមត្ថតាយ វុទ្ធិអាទីនិ អាបជ្ជេយ្យ។ វិញ្ញាណុបយន្តិ បទស្ស អគ្គហណេ ការណំ វុត្តមេវ។ វោច្ឆិជ្ជតារម្មណន្តិ បដិសន្ធិអាកឌ្ឍនសមត្ថតាយ អភាវេន អារម្មណំ វោច្ឆិជ្ជតិ។ បតិដ្ឋា វិញ្ញាណស្សាតិ កម្មវិញ្ញាណស្ស បតិដ្ឋា ន ហោតិ។ តទប្បតិដ្ឋិតន្តិ តំ អប្បតិដ្ឋិតំ។ អនភិសង្ខច្ច វិមុត្តន្តិ បដិសន្ធិំ អនភិសង្ខរិត្វា វិមុត្តំ។ បឋមំ។
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. ឧបយសុត្តំ • 1. Upayasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. ឧបយសុត្តវណ្ណនា • 1. Upayasuttavaṇṇanā
