| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6. උපයවග්‌ගො
6. Upayavaggo
1. උපයසුත්‌තවණ්‌ණනා
1. Upayasuttavaṇṇanā
53. උපයවග්‌ගස්‌ස පඨමෙ උපයොති තණ්‌හාමානදිට්‌ඨිවසෙන පඤ්‌චක්‌ඛන්‌ධෙ උපගතො. විඤ්‌ඤාණන්‌ති කම්‌මවිඤ්‌ඤාණං. ආපජ්‌ජෙය්‍යාති කම්‌මං ජවාපෙත්‌වා පටිසන්‌ධිආකඩ්‌ඪනසමත්‌ථතාය වුද්‌ධිආදීනි ආපජ්‌ජෙය්‍ය. විඤ්‌ඤාණුපයන්‌ති පදස්‌ස අග්‌ගහණෙ කාරණං වුත්‌තමෙව. වොච්‌ඡිජ්‌ජතාරම්‌මණන්‌ති පටිසන්‌ධිආකඩ්‌ඪනසමත්‌ථතාය අභාවෙන ආරම්‌මණං වොච්‌ඡිජ්‌ජති. පතිට්‌ඨා විඤ්‌ඤාණස්‌සාති කම්‌මවිඤ්‌ඤාණස්‌ස පතිට්‌ඨා න හොති. තදප්‌පතිට්‌ඨිතන්‌ති තං අප්‌පතිට්‌ඨිතං. අනභිසඞ්‌ඛච්‌ච විමුත්‌තන්‌ති පටිසන්‌ධිං අනභිසඞ්‌ඛරිත්‌වා විමුත්‌තං. පඨමං.
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. උපයසුත්‌තං • 1. Upayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. උපයසුත්‌තවණ්‌ණනා • 1. Upayasuttavaṇṇanā
