| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਉਪਯવਗ੍ਗੋ
6. Upayavaggo
੧. ਉਪਯਸੁਤ੍ਤવਣ੍ਣਨਾ
1. Upayasuttavaṇṇanā
੫੩. ਉਪੇਤੀਤਿ ਉਪਯੋ। ਕਥਮੁਪੇਤਿ? ਤਣ੍ਹਾਮਾਨਾਦਿવਸੇਨਾਤਿ ਆਹ ‘‘ਤਣ੍ਹਾਮਾਨਦਿਟ੍ਠਿવਸੇਨਾ’’ਤਿ। ਕਥਮਿਦਂ ਲਬ੍ਭਤੀਤਿ? ‘‘ਅવਿਮੁਤ੍ਤੋ’’ਤਿ વਚਨਤੋ। ਤਣ੍ਹਾਦਿਟ੍ਠਿવਸੇਨ ਹਿ ਬਦ੍ਧੋ, ਕਿਂ ਉਪੇਤੀਤਿ ਆਹ ‘‘ਪਞ੍ਚਕ੍ਖਨ੍ਧੇ’’ਤਿ ਤਬ੍ਬਿਨਿਮੁਤ੍ਤਸ੍ਸ ਤਥਾ ਉਪੇਤਸ੍ਸ ਅਭਾવਤੋ। ਕੋ ਪਨੁਪੇਤੀਤਿ? ਤਂਸਮਙ੍ਗੀਪੁਗ੍ਗਲੋ। ਤਣ੍ਹਾਦਿਟ੍ਠਿવਸੇਨ ਉਪਗਮਸ੍ਸ વੁਤ੍ਤਤ੍ਤਾ વਿਞ੍ਞਾਣਨ੍ਤਿ ਅਕੁਸਲਕਮ੍ਮવਿਞ੍ਞਾਣਮੇવਾਤਿ વਦਨ੍ਤਿ। ਜવਾਪੇਤ੍વਾਤਿ ਗਹਿਤਜવਂ ਕਤ੍વਾ। ਯਥਾ ਪਟਿਸਨ੍ਧਿਂ ਆਕਡ੍ਢਿਤੁਂ ਸਮਤ੍ਥਂ, ਏવਂ ਕਤ੍વਾ। ਤੇਨਾਹ ‘‘ਪਟਿਸਨ੍ਧੀ’’ਤਿਆਦਿ। ਅਗ੍ਗਹਣੇ ਕਾਰਣਂ વੁਤ੍ਤਮੇવ ‘‘ਓਕਂ ਪਹਾਯ ਅਨਿਕੇਤਸਾਰੀ’’ਤਿ ਗਾਥਾਯ વਿਸ੍ਸਜ੍ਜਨੇ। ਕਮ੍ਮਨਿਮਿਤ੍ਤਾਦਿવਸੇਨ ਪਟਿਸਨ੍ਧਿਯਾ ਪਚ੍ਚਯਭੂਤਂ ਆਰਮ੍ਮਣਂ ਪਟਿਸਨ੍ਧਿਜਨਕਸ੍ਸ ਕਮ੍ਮਸ੍ਸ વਸੇਨ વੋਚ੍ਛਿਜ੍ਜਤਿ। ਪਤਿਟ੍ਠਾ ਨ ਹੋਤਿ ਸਰਾਗਕਾਲੇ વਿਯ ਅਨੁਪਟ੍ਠਾਨਤੋ । ਅਪ੍ਪਤਿਟ੍ਠਿਤਂ વਿਞ੍ਞਾਣਂ વੁਤ੍ਤਪ੍ਪਕਾਰੇਨ। ਅਨਭਿਸਙ੍ਖਰਿਤ੍વਾਤਿ ਅਨੁਪ੍ਪਾਦੇਤ੍વਾ ਪਚ੍ਚਯਘਾਤੇਨ।
53. Upetīti upayo. Kathamupeti? Taṇhāmānādivasenāti āha ‘‘taṇhāmānadiṭṭhivasenā’’ti. Kathamidaṃ labbhatīti? ‘‘Avimutto’’ti vacanato. Taṇhādiṭṭhivasena hi baddho, kiṃ upetīti āha ‘‘pañcakkhandhe’’ti tabbinimuttassa tathā upetassa abhāvato. Ko panupetīti? Taṃsamaṅgīpuggalo. Taṇhādiṭṭhivasena upagamassa vuttattā viññāṇanti akusalakammaviññāṇamevāti vadanti. Javāpetvāti gahitajavaṃ katvā. Yathā paṭisandhiṃ ākaḍḍhituṃ samatthaṃ, evaṃ katvā. Tenāha ‘‘paṭisandhī’’tiādi. Aggahaṇe kāraṇaṃ vuttameva ‘‘okaṃ pahāya aniketasārī’’ti gāthāya vissajjane. Kammanimittādivasena paṭisandhiyā paccayabhūtaṃ ārammaṇaṃ paṭisandhijanakassa kammassa vasena vocchijjati. Patiṭṭhā na hoti sarāgakāle viya anupaṭṭhānato . Appatiṭṭhitaṃ viññāṇaṃ vuttappakārena. Anabhisaṅkharitvāti anuppādetvā paccayaghātena.
ਉਪਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਉਪਯਸੁਤ੍ਤਂ • 1. Upayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਉਪਯਸੁਤ੍ਤવਣ੍ਣਨਾ • 1. Upayasuttavaṇṇanā
