| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൬. ഉപയവഗ്ഗോ
6. Upayavaggo
൧. ഉപയസുത്തവണ്ണനാ
1. Upayasuttavaṇṇanā
൫൩. ഉപേതീതി ഉപയോ. കഥമുപേതി? തണ്ഹാമാനാദിവസേനാതി ആഹ ‘‘തണ്ഹാമാനദിട്ഠിവസേനാ’’തി. കഥമിദം ലബ്ഭതീതി? ‘‘അവിമുത്തോ’’തി വചനതോ. തണ്ഹാദിട്ഠിവസേന ഹി ബദ്ധോ, കിം ഉപേതീതി ആഹ ‘‘പഞ്ചക്ഖന്ധേ’’തി തബ്ബിനിമുത്തസ്സ തഥാ ഉപേതസ്സ അഭാവതോ. കോ പനുപേതീതി? തംസമങ്ഗീപുഗ്ഗലോ. തണ്ഹാദിട്ഠിവസേന ഉപഗമസ്സ വുത്തത്താ വിഞ്ഞാണന്തി അകുസലകമ്മവിഞ്ഞാണമേവാതി വദന്തി. ജവാപേത്വാതി ഗഹിതജവം കത്വാ. യഥാ പടിസന്ധിം ആകഡ്ഢിതും സമത്ഥം, ഏവം കത്വാ. തേനാഹ ‘‘പടിസന്ധീ’’തിആദി. അഗ്ഗഹണേ കാരണം വുത്തമേവ ‘‘ഓകം പഹായ അനികേതസാരീ’’തി ഗാഥായ വിസ്സജ്ജനേ. കമ്മനിമിത്താദിവസേന പടിസന്ധിയാ പച്ചയഭൂതം ആരമ്മണം പടിസന്ധിജനകസ്സ കമ്മസ്സ വസേന വോച്ഛിജ്ജതി. പതിട്ഠാ ന ഹോതി സരാഗകാലേ വിയ അനുപട്ഠാനതോ . അപ്പതിട്ഠിതം വിഞ്ഞാണം വുത്തപ്പകാരേന. അനഭിസങ്ഖരിത്വാതി അനുപ്പാദേത്വാ പച്ചയഘാതേന.
53. Upetīti upayo. Kathamupeti? Taṇhāmānādivasenāti āha ‘‘taṇhāmānadiṭṭhivasenā’’ti. Kathamidaṃ labbhatīti? ‘‘Avimutto’’ti vacanato. Taṇhādiṭṭhivasena hi baddho, kiṃ upetīti āha ‘‘pañcakkhandhe’’ti tabbinimuttassa tathā upetassa abhāvato. Ko panupetīti? Taṃsamaṅgīpuggalo. Taṇhādiṭṭhivasena upagamassa vuttattā viññāṇanti akusalakammaviññāṇamevāti vadanti. Javāpetvāti gahitajavaṃ katvā. Yathā paṭisandhiṃ ākaḍḍhituṃ samatthaṃ, evaṃ katvā. Tenāha ‘‘paṭisandhī’’tiādi. Aggahaṇe kāraṇaṃ vuttameva ‘‘okaṃ pahāya aniketasārī’’ti gāthāya vissajjane. Kammanimittādivasena paṭisandhiyā paccayabhūtaṃ ārammaṇaṃ paṭisandhijanakassa kammassa vasena vocchijjati. Patiṭṭhā na hoti sarāgakāle viya anupaṭṭhānato . Appatiṭṭhitaṃ viññāṇaṃ vuttappakārena. Anabhisaṅkharitvāti anuppādetvā paccayaghātena.
ഉപയസുത്തവണ്ണനാ നിട്ഠിതാ.
Upayasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. ഉപയസുത്തം • 1. Upayasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧. ഉപയസുത്തവണ്ണനാ • 1. Upayasuttavaṇṇanā
