| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๔. จตุตฺถวโคฺค
4. Catutthavaggo
(๓๗) ๕. อุเปกฺขาสมนฺนาคตกถา
(37) 5. Upekkhāsamannāgatakathā
๓๙๗. อรหา ฉหิ อุเปกฺขาหิ สมนฺนาคโตติ? อามนฺตาฯ อรหา ฉหิ ผเสฺสหิ, ฉหิ เวทนาหิ, ฉหิ สญฺญาหิ…เป.… ฉหิ ปญฺญาหิ สมนฺนาคโตติ? น เหวํ วตฺตเพฺพ…เป.…ฯ
397. Arahā chahi upekkhāhi samannāgatoti? Āmantā. Arahā chahi phassehi, chahi vedanāhi, chahi saññāhi…pe… chahi paññāhi samannāgatoti? Na hevaṃ vattabbe…pe….
อรหา ฉหิ อุเปกฺขาหิ สมนฺนาคโตติ? อามนฺตาฯ อรหา จกฺขุนา รูปํ ปสฺสโนฺต โสเตน สทฺทํ สุณาติ, ฆาเนน คนฺธํ ฆายติ, ชิวฺหาย รสํ สายติ, กาเยน โผฎฺฐพฺพํ ผุสติ, มนสา ธมฺมํ วิชานาติ…เป.… มนสา ธมฺมํ วิชานโนฺต จกฺขุนา รูปํ ปสฺสติ, โสเตน สทฺทํ สุณาติ, ฆาเนน คนฺธํ ฆายติ, ชิวฺหาย รสํ สายติ, กาเยน โผฎฺฐพฺพํ ผุสตีติ? น เหวํ วตฺตเพฺพ…เป.…ฯ
Arahā chahi upekkhāhi samannāgatoti? Āmantā. Arahā cakkhunā rūpaṃ passanto sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusati, manasā dhammaṃ vijānāti…pe… manasā dhammaṃ vijānanto cakkhunā rūpaṃ passati, sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusatīti? Na hevaṃ vattabbe…pe….
อรหา ฉหิ อุเปกฺขาหิ สมนฺนาคโตติ? อามนฺตาฯ สตตํ สมิตํ อโพฺพกิณฺณํ ฉหิ อุเปกฺขาหิ สมนฺนาคโต สโมหิโต 1, ฉ อุเปกฺขาโย ปจฺจุปฎฺฐิตาติ? น เหวํ วตฺตเพฺพ…เป.…ฯ
Arahā chahi upekkhāhi samannāgatoti? Āmantā. Satataṃ samitaṃ abbokiṇṇaṃ chahi upekkhāhi samannāgato samohito 2, cha upekkhāyo paccupaṭṭhitāti? Na hevaṃ vattabbe…pe….
น วตฺตพฺพํ – ‘‘อรหา ฉหิ อุเปกฺขาหิ สมนฺนาคโต’’ติ? อามนฺตาฯ นนุ อรหา ฉฬงฺคุเปโกฺขติ? อามนฺตาฯ หญฺจิ อรหา ฉฬงฺคุเปโกฺข, เตน วต เร วตฺตเพฺพ – ‘‘อรหา ฉหิ อุเปกฺขาหิ สมนฺนาคโต’’ติ…เป.…ฯ
Na vattabbaṃ – ‘‘arahā chahi upekkhāhi samannāgato’’ti? Āmantā. Nanu arahā chaḷaṅgupekkhoti? Āmantā. Hañci arahā chaḷaṅgupekkho, tena vata re vattabbe – ‘‘arahā chahi upekkhāhi samannāgato’’ti…pe….
อุเปกฺขาสมนฺนาคตกถา นิฎฺฐิตาฯ
Upekkhāsamannāgatakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. อุเปกฺขาสมนฺนาคตกถาวณฺณนา • 5. Upekkhāsamannāgatakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๕. อุเปกฺขาสมนฺนาคตกถาวณฺณนา • 5. Upekkhāsamannāgatakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๕. อุเปกฺขาสมนฺนาคตกถาวณฺณนา • 5. Upekkhāsamannāgatakathāvaṇṇanā
