| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
៤. ចតុត្ថវគ្គោ
4. Catutthavaggo
(៣៧) ៥. ឧបេក្ខាសមន្នាគតកថា
(37) 5. Upekkhāsamannāgatakathā
៣៩៧. អរហា ឆហិ ឧបេក្ខាហិ សមន្នាគតោតិ? អាមន្តា។ អរហា ឆហិ ផស្សេហិ, ឆហិ វេទនាហិ, ឆហិ សញ្ញាហិ…បេ.… ឆហិ បញ្ញាហិ សមន្នាគតោតិ? ន ហេវំ វត្តព្ពេ…បេ.…។
397. Arahā chahi upekkhāhi samannāgatoti? Āmantā. Arahā chahi phassehi, chahi vedanāhi, chahi saññāhi…pe… chahi paññāhi samannāgatoti? Na hevaṃ vattabbe…pe….
អរហា ឆហិ ឧបេក្ខាហិ សមន្នាគតោតិ? អាមន្តា។ អរហា ចក្ខុនា រូបំ បស្សន្តោ សោតេន សទ្ទំ សុណាតិ, ឃានេន គន្ធំ ឃាយតិ, ជិវ្ហាយ រសំ សាយតិ, កាយេន ផោដ្ឋព្ពំ ផុសតិ, មនសា ធម្មំ វិជានាតិ…បេ.… មនសា ធម្មំ វិជានន្តោ ចក្ខុនា រូបំ បស្សតិ, សោតេន សទ្ទំ សុណាតិ, ឃានេន គន្ធំ ឃាយតិ, ជិវ្ហាយ រសំ សាយតិ, កាយេន ផោដ្ឋព្ពំ ផុសតីតិ? ន ហេវំ វត្តព្ពេ…បេ.…។
Arahā chahi upekkhāhi samannāgatoti? Āmantā. Arahā cakkhunā rūpaṃ passanto sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusati, manasā dhammaṃ vijānāti…pe… manasā dhammaṃ vijānanto cakkhunā rūpaṃ passati, sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusatīti? Na hevaṃ vattabbe…pe….
អរហា ឆហិ ឧបេក្ខាហិ សមន្នាគតោតិ? អាមន្តា។ សតតំ សមិតំ អព្ពោកិណ្ណំ ឆហិ ឧបេក្ខាហិ សមន្នាគតោ សមោហិតោ 1, ឆ ឧបេក្ខាយោ បច្ចុបដ្ឋិតាតិ? ន ហេវំ វត្តព្ពេ…បេ.…។
Arahā chahi upekkhāhi samannāgatoti? Āmantā. Satataṃ samitaṃ abbokiṇṇaṃ chahi upekkhāhi samannāgato samohito 2, cha upekkhāyo paccupaṭṭhitāti? Na hevaṃ vattabbe…pe….
ន វត្តព្ពំ – ‘‘អរហា ឆហិ ឧបេក្ខាហិ សមន្នាគតោ’’តិ? អាមន្តា។ ននុ អរហា ឆឡង្គុបេក្ខោតិ? អាមន្តា។ ហញ្ចិ អរហា ឆឡង្គុបេក្ខោ, តេន វត រេ វត្តព្ពេ – ‘‘អរហា ឆហិ ឧបេក្ខាហិ សមន្នាគតោ’’តិ…បេ.…។
Na vattabbaṃ – ‘‘arahā chahi upekkhāhi samannāgato’’ti? Āmantā. Nanu arahā chaḷaṅgupekkhoti? Āmantā. Hañci arahā chaḷaṅgupekkho, tena vata re vattabbe – ‘‘arahā chahi upekkhāhi samannāgato’’ti…pe….
ឧបេក្ខាសមន្នាគតកថា និដ្ឋិតា។
Upekkhāsamannāgatakathā niṭṭhitā.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥. ឧបេក្ខាសមន្នាគតកថាវណ្ណនា • 5. Upekkhāsamannāgatakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៥. ឧបេក្ខាសមន្នាគតកថាវណ្ណនា • 5. Upekkhāsamannāgatakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៥. ឧបេក្ខាសមន្នាគតកថាវណ្ណនា • 5. Upekkhāsamannāgatakathāvaṇṇanā
