| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੪. ਚਤੁਤ੍ਥવਗ੍ਗੋ
4. Catutthavaggo
(੩੭) ੫. ਉਪੇਕ੍ਖਾਸਮਨ੍ਨਾਗਤਕਥਾ
(37) 5. Upekkhāsamannāgatakathā
੩੯੭. ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ। ਅਰਹਾ ਛਹਿ ਫਸ੍ਸੇਹਿ, ਛਹਿ વੇਦਨਾਹਿ, ਛਹਿ ਸਞ੍ਞਾਹਿ…ਪੇ॰… ਛਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
397. Arahā chahi upekkhāhi samannāgatoti? Āmantā. Arahā chahi phassehi, chahi vedanāhi, chahi saññāhi…pe… chahi paññāhi samannāgatoti? Na hevaṃ vattabbe…pe….
ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ। ਅਰਹਾ ਚਕ੍ਖੁਨਾ ਰੂਪਂ ਪਸ੍ਸਨ੍ਤੋ ਸੋਤੇਨ ਸਦ੍ਦਂ ਸੁਣਾਤਿ, ਘਾਨੇਨ ਗਨ੍ਧਂ ਘਾਯਤਿ, ਜਿવ੍ਹਾਯ ਰਸਂ ਸਾਯਤਿ, ਕਾਯੇਨ ਫੋਟ੍ਠਬ੍ਬਂ ਫੁਸਤਿ, ਮਨਸਾ ਧਮ੍ਮਂ વਿਜਾਨਾਤਿ…ਪੇ॰… ਮਨਸਾ ਧਮ੍ਮਂ વਿਜਾਨਨ੍ਤੋ ਚਕ੍ਖੁਨਾ ਰੂਪਂ ਪਸ੍ਸਤਿ, ਸੋਤੇਨ ਸਦ੍ਦਂ ਸੁਣਾਤਿ, ਘਾਨੇਨ ਗਨ੍ਧਂ ਘਾਯਤਿ, ਜਿવ੍ਹਾਯ ਰਸਂ ਸਾਯਤਿ, ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahā chahi upekkhāhi samannāgatoti? Āmantā. Arahā cakkhunā rūpaṃ passanto sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusati, manasā dhammaṃ vijānāti…pe… manasā dhammaṃ vijānanto cakkhunā rūpaṃ passati, sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusatīti? Na hevaṃ vattabbe…pe….
ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ। ਸਤਤਂ ਸਮਿਤਂ ਅਬ੍ਬੋਕਿਣ੍ਣਂ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ ਸਮੋਹਿਤੋ 1, ਛ ਉਪੇਕ੍ਖਾਯੋ ਪਚ੍ਚੁਪਟ੍ਠਿਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Arahā chahi upekkhāhi samannāgatoti? Āmantā. Satataṃ samitaṃ abbokiṇṇaṃ chahi upekkhāhi samannāgato samohito 2, cha upekkhāyo paccupaṭṭhitāti? Na hevaṃ vattabbe…pe….
ਨ વਤ੍ਤਬ੍ਬਂ – ‘‘ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ। ਨਨੁ ਅਰਹਾ ਛਲ਼ਙ੍ਗੁਪੇਕ੍ਖੋਤਿ? ਆਮਨ੍ਤਾ। ਹਞ੍ਚਿ ਅਰਹਾ ਛਲ਼ਙ੍ਗੁਪੇਕ੍ਖੋ, ਤੇਨ વਤ ਰੇ વਤ੍ਤਬ੍ਬੇ – ‘‘ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ’’ਤਿ…ਪੇ॰…।
Na vattabbaṃ – ‘‘arahā chahi upekkhāhi samannāgato’’ti? Āmantā. Nanu arahā chaḷaṅgupekkhoti? Āmantā. Hañci arahā chaḷaṅgupekkho, tena vata re vattabbe – ‘‘arahā chahi upekkhāhi samannāgato’’ti…pe….
ਉਪੇਕ੍ਖਾਸਮਨ੍ਨਾਗਤਕਥਾ ਨਿਟ੍ਠਿਤਾ।
Upekkhāsamannāgatakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਉਪੇਕ੍ਖਾਸਮਨ੍ਨਾਗਤਕਥਾવਣ੍ਣਨਾ • 5. Upekkhāsamannāgatakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਉਪੇਕ੍ਖਾਸਮਨ੍ਨਾਗਤਕਥਾવਣ੍ਣਨਾ • 5. Upekkhāsamannāgatakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਉਪੇਕ੍ਖਾਸਮਨ੍ਨਾਗਤਕਥਾવਣ੍ਣਨਾ • 5. Upekkhāsamannāgatakathāvaṇṇanā
