| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. উপেক্খাসুত্তং
4. Upekkhāsuttaṃ
৩৩৫. সাৰত্থিনিদানং । অদ্দসা খো আযস্মা আনন্দো…পে॰… ‘‘ৰিপ্পসন্নানি খো তে, আৰুসো সারিপুত্ত, ইন্দ্রিযানি; পরিসুদ্ধো মুখৰণ্ণো পরিযোদাতো। কতমেনাযস্মা সারিপুত্তো অজ্জ ৰিহারেন ৰিহাসী’’তি?
335. Sāvatthinidānaṃ . Addasā kho āyasmā ānando…pe… ‘‘vippasannāni kho te, āvuso sāriputta, indriyāni; parisuddho mukhavaṇṇo pariyodāto. Katamenāyasmā sāriputto ajja vihārena vihāsī’’ti?
‘‘ইধাহং, আৰুসো, সুখস্স চ পহানা দুক্খস্স চ পহানা পুব্বেৰ সোমনস্সদোমনস্সানং অত্থঙ্গমা অদুক্খমসুখং উপেক্খাসতিপারিসুদ্ধিং চতুত্থং ঝানং উপসম্পজ্জ ৰিহরামি। তস্স ময্হং, আৰুসো, ন এৰং হোতি – ‘অহং চতুত্থং ঝানং সমাপজ্জামী’তি ৰা ‘অহং চতুত্থং ঝানং সমাপন্নো’তি ৰা ‘অহং চতুত্থা ঝানা ৰুট্ঠিতো’তি ৰা’’তি। ‘‘তথা হি পনাযস্মতো সারিপুত্তস্স দীঘরত্তং অহঙ্কারমমঙ্কারমানানুসযা সুসমূহতা। তস্মা আযস্মতো সারিপুত্তস্স ন এৰং হোতি – ‘অহং চতুত্থং ঝানং সমাপজ্জামী’তি ৰা ‘অহং চতুত্থং ঝানং সমাপন্নো’তি ৰা ‘অহং চতুত্থা ঝানা ৰুট্ঠিতো’তি ৰা’’তি। চতুত্থং।
‘‘Idhāhaṃ, āvuso, sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharāmi. Tassa mayhaṃ, āvuso, na evaṃ hoti – ‘ahaṃ catutthaṃ jhānaṃ samāpajjāmī’ti vā ‘ahaṃ catutthaṃ jhānaṃ samāpanno’ti vā ‘ahaṃ catutthā jhānā vuṭṭhito’ti vā’’ti. ‘‘Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa na evaṃ hoti – ‘ahaṃ catutthaṃ jhānaṃ samāpajjāmī’ti vā ‘ahaṃ catutthaṃ jhānaṃ samāpanno’ti vā ‘ahaṃ catutthā jhānā vuṭṭhito’ti vā’’ti. Catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-৯. ৰিৰেকজসুত্তাদিৰণ্ণনা • 1-9. Vivekajasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-৯. ৰিৰেকজসুত্তাদিৰণ্ণনা • 1-9. Vivekajasuttādivaṇṇanā
