| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. убзгкаасуд̇д̇ам̣
4. Upekkhāsuttaṃ
335. саавад̇т̇инид̣̇аанам̣ . ад̣̇д̣̇асаа ко ааяасмаа аананд̣̇о…бз… ‘‘виббасаннаани ко д̇з, аавусо саарибуд̇д̇а, инд̣̇рияаани; барисуд̣̇д̇хо мукаван̣н̣о барияод̣̇аад̇о. гад̇амзнааяасмаа саарибуд̇д̇о аж̇ж̇а вихаарзна вихаасий’’д̇и?
335. Sāvatthinidānaṃ . Addasā kho āyasmā ānando…pe… ‘‘vippasannāni kho te, āvuso sāriputta, indriyāni; parisuddho mukhavaṇṇo pariyodāto. Katamenāyasmā sāriputto ajja vihārena vihāsī’’ti?
‘‘ид̇хаахам̣, аавусо, сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихараами. д̇асса маяхам̣, аавусо, на звам̣ ход̇и – ‘ахам̣ жад̇уд̇т̇ам̣ жхаанам̣ самаабаж̇ж̇аамий’д̇и ваа ‘ахам̣ жад̇уд̇т̇ам̣ жхаанам̣ самаабанно’д̇и ваа ‘ахам̣ жад̇уд̇т̇аа жхаанаа вудтид̇о’д̇и ваа’’д̇и. ‘‘д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса на звам̣ ход̇и – ‘ахам̣ жад̇уд̇т̇ам̣ жхаанам̣ самаабаж̇ж̇аамий’д̇и ваа ‘ахам̣ жад̇уд̇т̇ам̣ жхаанам̣ самаабанно’д̇и ваа ‘ахам̣ жад̇уд̇т̇аа жхаанаа вудтид̇о’д̇и ваа’’д̇и. жад̇уд̇т̇ам̣.
‘‘Idhāhaṃ, āvuso, sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharāmi. Tassa mayhaṃ, āvuso, na evaṃ hoti – ‘ahaṃ catutthaṃ jhānaṃ samāpajjāmī’ti vā ‘ahaṃ catutthaṃ jhānaṃ samāpanno’ti vā ‘ahaṃ catutthā jhānā vuṭṭhito’ti vā’’ti. ‘‘Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa na evaṃ hoti – ‘ahaṃ catutthaṃ jhānaṃ samāpajjāmī’ti vā ‘ahaṃ catutthaṃ jhānaṃ samāpanno’ti vā ‘ahaṃ catutthā jhānā vuṭṭhito’ti vā’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-9. вивзгаж̇асуд̇д̇аад̣̇иван̣н̣анаа • 1-9. Vivekajasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-9. вивзгаж̇асуд̇д̇аад̣̇иван̣н̣анаа • 1-9. Vivekajasuttādivaṇṇanā
