| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
77. உபோஸத²பே⁴தா³தி³
77. Uposathabhedādi
149. அத² கோ² பி⁴க்கூ²னங் ஏதத³ஹோஸி – ‘‘கதி நு கோ² உபோஸதா²’’தி? ப⁴க³வதோ ஏதமத்த²ங் ஆரோசேஸுங். த்³வேமே, பி⁴க்க²வே, உபோஸதா² – சாதுத்³த³ஸிகோ ச பன்னரஸிகோ ச. இமே கோ², பி⁴க்க²வே, த்³வே உபோஸதா²தி.
149. Atha kho bhikkhūnaṃ etadahosi – ‘‘kati nu kho uposathā’’ti? Bhagavato etamatthaṃ ārocesuṃ. Dveme, bhikkhave, uposathā – cātuddasiko ca pannarasiko ca. Ime kho, bhikkhave, dve uposathāti.
அத² கோ² பி⁴க்கூ²னங் ஏதத³ஹோஸி – ‘‘கதி நு கோ² உபோஸத²கம்மானீ’’தி? ப⁴க³வதோ ஏதமத்த²ங் ஆரோசேஸுங். சத்தாரிமானி, பி⁴க்க²வே, உபோஸத²கம்மானி – அத⁴ம்மேன வக்³க³ங் உபோஸத²கம்மங், அத⁴ம்மேன ஸமக்³க³ங் உபோஸத²கம்மங், த⁴ம்மேன வக்³க³ங் உபோஸத²கம்மங், த⁴ம்மேன ஸமக்³க³ங் உபோஸத²கம்மந்தி. தத்ர, பி⁴க்க²வே, யதி³த³ங் அத⁴ம்மேன வக்³க³ங் உபோஸத²கம்மங், ந, பி⁴க்க²வே, ஏவரூபங் உபோஸத²கம்மங், காதப்³ப³ங். ந ச மயா ஏவரூபங் உபோஸத²கம்மங் அனுஞ்ஞாதங். தத்ர, பி⁴க்க²வே, யதி³த³ங் அத⁴ம்மேன ஸமக்³க³ங் உபோஸத²கம்மங், ந, பி⁴க்க²வே, ஏவரூபங் உபோஸத²கம்மங் காதப்³ப³ங். ந ச மயா ஏவரூபங் உபோஸத²கம்மங் அனுஞ்ஞாதங். தத்ர, பி⁴க்க²வே, யதி³த³ங் த⁴ம்மேன வக்³க³ங் உபோஸத²கம்மங், ந, பி⁴க்க²வே, ஏவரூபங் உபோஸத²கம்மங் காதப்³ப³ங். ந ச மயா ஏவரூபங் உபோஸத²கம்மங் அனுஞ்ஞாதங். தத்ர, பி⁴க்க²வே, யதி³த³ங் த⁴ம்மேன ஸமக்³க³ங் உபோஸத²கம்மங், ஏவரூபங், பி⁴க்க²வே, உபோஸத²கம்மங் காதப்³ப³ங், ஏவரூபஞ்ச மயா உபோஸத²கம்மங் அனுஞ்ஞாதங். தஸ்மாதிஹ, பி⁴க்க²வே, ஏவரூபங் உபோஸத²கம்மங் கரிஸ்ஸாம யதி³த³ங் த⁴ம்மேன ஸமக்³க³ந்தி – ஏவஞ்ஹி வோ, பி⁴க்க²வே, ஸிக்கி²தப்³ப³ந்தி.
Atha kho bhikkhūnaṃ etadahosi – ‘‘kati nu kho uposathakammānī’’ti? Bhagavato etamatthaṃ ārocesuṃ. Cattārimāni, bhikkhave, uposathakammāni – adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti. Tatra, bhikkhave, yadidaṃ adhammena vaggaṃ uposathakammaṃ, na, bhikkhave, evarūpaṃ uposathakammaṃ, kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ adhammena samaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena vaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena samaggaṃ uposathakammaṃ, evarūpaṃ, bhikkhave, uposathakammaṃ kātabbaṃ, evarūpañca mayā uposathakammaṃ anuññātaṃ. Tasmātiha, bhikkhave, evarūpaṃ uposathakammaṃ karissāma yadidaṃ dhammena samagganti – evañhi vo, bhikkhave, sikkhitabbanti.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபோஸத²பே⁴தா³தி³கதா² • Uposathabhedādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபோஸத²பே⁴தா³தி³கதா²வண்ணனா • Uposathabhedādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபோஸத²பே⁴தா³தி³கதா²வண்ணனா • Uposathabhedādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / உபோஸத²பே⁴தா³தி³கதா²வண்ணனா • Uposathabhedādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 77. உபோஸத²பே⁴தா³தி³கதா² • 77. Uposathabhedādikathā
