| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
77. убосат̇абхзд̣̇аад̣̇и
77. Uposathabhedādi
149. ат̇а ко бхигкуунам̣ зд̇ад̣̇ахоси – ‘‘гад̇и ну ко убосат̇аа’’д̇и? бхаг̇авад̇о зд̇амад̇т̇ам̣ аарожзсум̣. д̣̇взмз, бхигкавз, убосат̇аа – жаад̇уд̣̇д̣̇асиго жа баннарасиго жа. имз ко, бхигкавз, д̣̇вз убосат̇аад̇и.
149. Atha kho bhikkhūnaṃ etadahosi – ‘‘kati nu kho uposathā’’ti? Bhagavato etamatthaṃ ārocesuṃ. Dveme, bhikkhave, uposathā – cātuddasiko ca pannarasiko ca. Ime kho, bhikkhave, dve uposathāti.
ат̇а ко бхигкуунам̣ зд̇ад̣̇ахоси – ‘‘гад̇и ну ко убосат̇агаммааний’’д̇и? бхаг̇авад̇о зд̇амад̇т̇ам̣ аарожзсум̣. жад̇д̇ааримаани, бхигкавз, убосат̇агаммаани – ад̇хаммзна ваг̇г̇ам̣ убосат̇агаммам̣, ад̇хаммзна самаг̇г̇ам̣ убосат̇агаммам̣, д̇хаммзна ваг̇г̇ам̣ убосат̇агаммам̣, д̇хаммзна самаг̇г̇ам̣ убосат̇агамманд̇и. д̇ад̇ра, бхигкавз, яад̣̇ид̣̇ам̣ ад̇хаммзна ваг̇г̇ам̣ убосат̇агаммам̣, на, бхигкавз, зваруубам̣ убосат̇агаммам̣, гаад̇аб̣б̣ам̣. на жа маяаа зваруубам̣ убосат̇агаммам̣ анун̃н̃аад̇ам̣. д̇ад̇ра, бхигкавз, яад̣̇ид̣̇ам̣ ад̇хаммзна самаг̇г̇ам̣ убосат̇агаммам̣, на, бхигкавз, зваруубам̣ убосат̇агаммам̣ гаад̇аб̣б̣ам̣. на жа маяаа зваруубам̣ убосат̇агаммам̣ анун̃н̃аад̇ам̣. д̇ад̇ра, бхигкавз, яад̣̇ид̣̇ам̣ д̇хаммзна ваг̇г̇ам̣ убосат̇агаммам̣, на, бхигкавз, зваруубам̣ убосат̇агаммам̣ гаад̇аб̣б̣ам̣. на жа маяаа зваруубам̣ убосат̇агаммам̣ анун̃н̃аад̇ам̣. д̇ад̇ра, бхигкавз, яад̣̇ид̣̇ам̣ д̇хаммзна самаг̇г̇ам̣ убосат̇агаммам̣, зваруубам̣, бхигкавз, убосат̇агаммам̣ гаад̇аб̣б̣ам̣, зваруубан̃жа маяаа убосат̇агаммам̣ анун̃н̃аад̇ам̣. д̇асмаад̇иха, бхигкавз, зваруубам̣ убосат̇агаммам̣ гариссаама яад̣̇ид̣̇ам̣ д̇хаммзна самаг̇г̇анд̇и – зван̃хи во, бхигкавз, сигкид̇аб̣б̣анд̇и.
Atha kho bhikkhūnaṃ etadahosi – ‘‘kati nu kho uposathakammānī’’ti? Bhagavato etamatthaṃ ārocesuṃ. Cattārimāni, bhikkhave, uposathakammāni – adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti. Tatra, bhikkhave, yadidaṃ adhammena vaggaṃ uposathakammaṃ, na, bhikkhave, evarūpaṃ uposathakammaṃ, kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ adhammena samaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena vaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena samaggaṃ uposathakammaṃ, evarūpaṃ, bhikkhave, uposathakammaṃ kātabbaṃ, evarūpañca mayā uposathakammaṃ anuññātaṃ. Tasmātiha, bhikkhave, evarūpaṃ uposathakammaṃ karissāma yadidaṃ dhammena samagganti – evañhi vo, bhikkhave, sikkhitabbanti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убосат̇абхзд̣̇аад̣̇игат̇аа • Uposathabhedādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убосат̇абхзд̣̇аад̣̇игат̇ааван̣н̣анаа • Uposathabhedādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убосат̇абхзд̣̇аад̣̇игат̇ааван̣н̣анаа • Uposathabhedādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇абхзд̣̇аад̣̇игат̇ааван̣н̣анаа • Uposathabhedādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 77. убосат̇абхзд̣̇аад̣̇игат̇аа • 77. Uposathabhedādikathā
