| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༧༧. ཨུཔོསཐབྷེདཱདི
77. Uposathabhedādi
༡༤༩. ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ ཨུཔོསཐཱ’’ཏི? བྷགཝཏོ ཨེཏམཏྠཾ ཨཱརོཙེསུཾ། དྭེམེ, བྷིཀྑཝེ, ཨུཔོསཐཱ – ཙཱཏུདྡསིཀོ ཙ པནྣརསིཀོ ཙ། ཨིམེ ཁོ, བྷིཀྑཝེ, དྭེ ཨུཔོསཐཱཏི།
149. Atha kho bhikkhūnaṃ etadahosi – ‘‘kati nu kho uposathā’’ti? Bhagavato etamatthaṃ ārocesuṃ. Dveme, bhikkhave, uposathā – cātuddasiko ca pannarasiko ca. Ime kho, bhikkhave, dve uposathāti.
ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ ཨུཔོསཐཀམྨཱནཱི’’ཏི? བྷགཝཏོ ཨེཏམཏྠཾ ཨཱརོཙེསུཾ། ཙཏྟཱརིམཱནི, བྷིཀྑཝེ, ཨུཔོསཐཀམྨཱནི – ཨདྷམྨེན ཝགྒཾ ཨུཔོསཐཀམྨཾ, ཨདྷམྨེན སམགྒཾ ཨུཔོསཐཀམྨཾ, དྷམྨེན ཝགྒཾ ཨུཔོསཐཀམྨཾ, དྷམྨེན སམགྒཾ ཨུཔོསཐཀམྨནྟི། ཏཏྲ, བྷིཀྑཝེ, ཡདིདཾ ཨདྷམྨེན ཝགྒཾ ཨུཔོསཐཀམྨཾ, ན, བྷིཀྑཝེ, ཨེཝརཱུཔཾ ཨུཔོསཐཀམྨཾ, ཀཱཏབྦཾ། ན ཙ མཡཱ ཨེཝརཱུཔཾ ཨུཔོསཐཀམྨཾ ཨནུཉྙཱཏཾ། ཏཏྲ, བྷིཀྑཝེ, ཡདིདཾ ཨདྷམྨེན སམགྒཾ ཨུཔོསཐཀམྨཾ, ན, བྷིཀྑཝེ, ཨེཝརཱུཔཾ ཨུཔོསཐཀམྨཾ ཀཱཏབྦཾ། ན ཙ མཡཱ ཨེཝརཱུཔཾ ཨུཔོསཐཀམྨཾ ཨནུཉྙཱཏཾ། ཏཏྲ, བྷིཀྑཝེ, ཡདིདཾ དྷམྨེན ཝགྒཾ ཨུཔོསཐཀམྨཾ, ན, བྷིཀྑཝེ, ཨེཝརཱུཔཾ ཨུཔོསཐཀམྨཾ ཀཱཏབྦཾ། ན ཙ མཡཱ ཨེཝརཱུཔཾ ཨུཔོསཐཀམྨཾ ཨནུཉྙཱཏཾ། ཏཏྲ, བྷིཀྑཝེ, ཡདིདཾ དྷམྨེན སམགྒཾ ཨུཔོསཐཀམྨཾ, ཨེཝརཱུཔཾ, བྷིཀྑཝེ, ཨུཔོསཐཀམྨཾ ཀཱཏབྦཾ, ཨེཝརཱུཔཉྩ མཡཱ ཨུཔོསཐཀམྨཾ ཨནུཉྙཱཏཾ། ཏསྨཱཏིཧ, བྷིཀྑཝེ, ཨེཝརཱུཔཾ ཨུཔོསཐཀམྨཾ ཀརིསྶཱམ ཡདིདཾ དྷམྨེན སམགྒནྟི – ཨེཝཉྷི ཝོ, བྷིཀྑཝེ, སིཀྑིཏབྦནྟི།
Atha kho bhikkhūnaṃ etadahosi – ‘‘kati nu kho uposathakammānī’’ti? Bhagavato etamatthaṃ ārocesuṃ. Cattārimāni, bhikkhave, uposathakammāni – adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti. Tatra, bhikkhave, yadidaṃ adhammena vaggaṃ uposathakammaṃ, na, bhikkhave, evarūpaṃ uposathakammaṃ, kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ adhammena samaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena vaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena samaggaṃ uposathakammaṃ, evarūpaṃ, bhikkhave, uposathakammaṃ kātabbaṃ, evarūpañca mayā uposathakammaṃ anuññātaṃ. Tasmātiha, bhikkhave, evarūpaṃ uposathakammaṃ karissāma yadidaṃ dhammena samagganti – evañhi vo, bhikkhave, sikkhitabbanti.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨུཔོསཐབྷེདཱདིཀཐཱ • Uposathabhedādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨུཔོསཐབྷེདཱདིཀཐཱཝཎྞནཱ • Uposathabhedādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨུཔོསཐབྷེདཱདིཀཐཱཝཎྞནཱ • Uposathabhedādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨུཔོསཐབྷེདཱདིཀཐཱཝཎྞནཱ • Uposathabhedādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༧༧. ཨུཔོསཐབྷེདཱདིཀཐཱ • 77. Uposathabhedādikathā
