| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੭੭. ਉਪੋਸਥਭੇਦਾਦਿ
77. Uposathabhedādi
੧੪੯. ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਤਿ ਨੁ ਖੋ ਉਪੋਸਥਾ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਦ੍વੇਮੇ, ਭਿਕ੍ਖવੇ, ਉਪੋਸਥਾ – ਚਾਤੁਦ੍ਦਸਿਕੋ ਚ ਪਨ੍ਨਰਸਿਕੋ ਚ। ਇਮੇ ਖੋ, ਭਿਕ੍ਖવੇ, ਦ੍વੇ ਉਪੋਸਥਾਤਿ।
149. Atha kho bhikkhūnaṃ etadahosi – ‘‘kati nu kho uposathā’’ti? Bhagavato etamatthaṃ ārocesuṃ. Dveme, bhikkhave, uposathā – cātuddasiko ca pannarasiko ca. Ime kho, bhikkhave, dve uposathāti.
ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਤਿ ਨੁ ਖੋ ਉਪੋਸਥਕਮ੍ਮਾਨੀ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਚਤ੍ਤਾਰਿਮਾਨਿ, ਭਿਕ੍ਖવੇ, ਉਪੋਸਥਕਮ੍ਮਾਨਿ – ਅਧਮ੍ਮੇਨ વਗ੍ਗਂ ਉਪੋਸਥਕਮ੍ਮਂ, ਅਧਮ੍ਮੇਨ ਸਮਗ੍ਗਂ ਉਪੋਸਥਕਮ੍ਮਂ, ਧਮ੍ਮੇਨ વਗ੍ਗਂ ਉਪੋਸਥਕਮ੍ਮਂ, ਧਮ੍ਮੇਨ ਸਮਗ੍ਗਂ ਉਪੋਸਥਕਮ੍ਮਨ੍ਤਿ। ਤਤ੍ਰ, ਭਿਕ੍ਖવੇ, ਯਦਿਦਂ ਅਧਮ੍ਮੇਨ વਗ੍ਗਂ ਉਪੋਸਥਕਮ੍ਮਂ, ਨ, ਭਿਕ੍ਖવੇ, ਏવਰੂਪਂ ਉਪੋਸਥਕਮ੍ਮਂ, ਕਾਤਬ੍ਬਂ। ਨ ਚ ਮਯਾ ਏવਰੂਪਂ ਉਪੋਸਥਕਮ੍ਮਂ ਅਨੁਞ੍ਞਾਤਂ। ਤਤ੍ਰ, ਭਿਕ੍ਖવੇ, ਯਦਿਦਂ ਅਧਮ੍ਮੇਨ ਸਮਗ੍ਗਂ ਉਪੋਸਥਕਮ੍ਮਂ, ਨ, ਭਿਕ੍ਖવੇ, ਏવਰੂਪਂ ਉਪੋਸਥਕਮ੍ਮਂ ਕਾਤਬ੍ਬਂ। ਨ ਚ ਮਯਾ ਏવਰੂਪਂ ਉਪੋਸਥਕਮ੍ਮਂ ਅਨੁਞ੍ਞਾਤਂ। ਤਤ੍ਰ, ਭਿਕ੍ਖવੇ, ਯਦਿਦਂ ਧਮ੍ਮੇਨ વਗ੍ਗਂ ਉਪੋਸਥਕਮ੍ਮਂ, ਨ, ਭਿਕ੍ਖવੇ, ਏવਰੂਪਂ ਉਪੋਸਥਕਮ੍ਮਂ ਕਾਤਬ੍ਬਂ। ਨ ਚ ਮਯਾ ਏવਰੂਪਂ ਉਪੋਸਥਕਮ੍ਮਂ ਅਨੁਞ੍ਞਾਤਂ। ਤਤ੍ਰ, ਭਿਕ੍ਖવੇ, ਯਦਿਦਂ ਧਮ੍ਮੇਨ ਸਮਗ੍ਗਂ ਉਪੋਸਥਕਮ੍ਮਂ, ਏવਰੂਪਂ, ਭਿਕ੍ਖવੇ, ਉਪੋਸਥਕਮ੍ਮਂ ਕਾਤਬ੍ਬਂ, ਏવਰੂਪਞ੍ਚ ਮਯਾ ਉਪੋਸਥਕਮ੍ਮਂ ਅਨੁਞ੍ਞਾਤਂ। ਤਸ੍ਮਾਤਿਹ, ਭਿਕ੍ਖવੇ, ਏવਰੂਪਂ ਉਪੋਸਥਕਮ੍ਮਂ ਕਰਿਸ੍ਸਾਮ ਯਦਿਦਂ ਧਮ੍ਮੇਨ ਸਮਗ੍ਗਨ੍ਤਿ – ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬਨ੍ਤਿ।
Atha kho bhikkhūnaṃ etadahosi – ‘‘kati nu kho uposathakammānī’’ti? Bhagavato etamatthaṃ ārocesuṃ. Cattārimāni, bhikkhave, uposathakammāni – adhammena vaggaṃ uposathakammaṃ, adhammena samaggaṃ uposathakammaṃ, dhammena vaggaṃ uposathakammaṃ, dhammena samaggaṃ uposathakammanti. Tatra, bhikkhave, yadidaṃ adhammena vaggaṃ uposathakammaṃ, na, bhikkhave, evarūpaṃ uposathakammaṃ, kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ adhammena samaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena vaggaṃ uposathakammaṃ, na, bhikkhave, evarūpaṃ uposathakammaṃ kātabbaṃ. Na ca mayā evarūpaṃ uposathakammaṃ anuññātaṃ. Tatra, bhikkhave, yadidaṃ dhammena samaggaṃ uposathakammaṃ, evarūpaṃ, bhikkhave, uposathakammaṃ kātabbaṃ, evarūpañca mayā uposathakammaṃ anuññātaṃ. Tasmātiha, bhikkhave, evarūpaṃ uposathakammaṃ karissāma yadidaṃ dhammena samagganti – evañhi vo, bhikkhave, sikkhitabbanti.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਉਪੋਸਥਭੇਦਾਦਿਕਥਾ • Uposathabhedādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪੋਸਥਭੇਦਾਦਿਕਥਾવਣ੍ਣਨਾ • Uposathabhedādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਪੋਸਥਭੇਦਾਦਿਕਥਾવਣ੍ਣਨਾ • Uposathabhedādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਪੋਸਥਭੇਦਾਦਿਕਥਾવਣ੍ਣਨਾ • Uposathabhedādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭੭. ਉਪੋਸਥਭੇਦਾਦਿਕਥਾ • 77. Uposathabhedādikathā
