| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ဥပောသထဘေဒာဒိကထာ
Uposathabhedādikathā
၁၄၉. စာတုဒ္ဒသိကော စ ပန္နရသိကော စာတိ ဧတ္ထ စာတုဒ္ဒသိကသ္သ ပုဗ္ဗကိစ္စေ ‘‘အဇ္ဇုပောသထော စာတုဒ္ဒသော’’တိ ဝတ္တဗ္ဗံ။
149.Cātuddasiko ca pannarasiko cāti ettha cātuddasikassa pubbakicce ‘‘ajjuposatho cātuddaso’’ti vattabbaṃ.
အဓမ္မေန ဝဂ္ဂန္တိအာဒီသု သစေ ဧကသ္မိံ ဝိဟာရေ စတူသု ဘိက္ခူသု ဝသန္တေသု ဧကသ္သ ဆန္ဒပာရိသုဒ္ဓိံ အာဟရိတ္ဝာ တယော ပာရိသုဒ္ဓိဥပောသထံ ကရောန္တိ, တီသု ဝာ ဝသန္တေသု ဧကသ္သ ဆန္ဒပာရိသုဒ္ဓိံ အာဟရိတ္ဝာ ဒ္ဝေ ပာတိမောက္ခံ ဥဒ္ဒိသန္တိ, အဓမ္မေန ဝဂ္ဂံ ဥပောသထကမ္မံ ဟောတိ။ သစေ ပန စတ္တာရောပိ သန္နိပတိတ္ဝာ ပာရိသုဒ္ဓိဥပောသထံ ကရောန္တိ, တယော ဝာ ဒ္ဝေ ဝာ ပာတိမောက္ခံ ဥဒ္ဒိသန္တိ, အဓမ္မေန သမဂ္ဂံ နာမ ဟောတိ။ သစေ စတူသု ဇနေသု ဧကသ္သ ပာရိသုဒ္ဓိံ အာဟရိတ္ဝာ တယော ပာတိမောက္ခံ ဥဒ္ဒိသန္တိ, တီသု ဝာ ဇနေသု ဧကသ္သ ပာရိသုဒ္ဓိံ အာဟရိတ္ဝာ ဒ္ဝေ ပာရိသုဒ္ဓိဥပောသထံ ကရောန္တိ, ဓမ္မေန ဝဂ္ဂံ နာမ ဟောတိ။ သစေ ပန စတ္တာရော ဧကတ္ထ ဝသန္တာ သဗ္ဗေဝ သန္နိပတိတ္ဝာ ပာတိမောက္ခံ ဥဒ္ဒိသန္တိ, တယော ပာရိသုဒ္ဓိဥပောသထံ ကရောန္တိ, ဒ္ဝေ အညမညံ ပာရိသုဒ္ဓိဥပောသထံ ကရောန္တိ, ဓမ္မေန သမဂ္ဂံ နာမ ဟောတီတိ။
Adhammena vaggantiādīsu sace ekasmiṃ vihāre catūsu bhikkhūsu vasantesu ekassa chandapārisuddhiṃ āharitvā tayo pārisuddhiuposathaṃ karonti, tīsu vā vasantesu ekassa chandapārisuddhiṃ āharitvā dve pātimokkhaṃ uddisanti, adhammena vaggaṃ uposathakammaṃ hoti. Sace pana cattāropi sannipatitvā pārisuddhiuposathaṃ karonti, tayo vā dve vā pātimokkhaṃ uddisanti, adhammena samaggaṃ nāma hoti. Sace catūsu janesu ekassa pārisuddhiṃ āharitvā tayo pātimokkhaṃ uddisanti, tīsu vā janesu ekassa pārisuddhiṃ āharitvā dve pārisuddhiuposathaṃ karonti, dhammena vaggaṃ nāma hoti. Sace pana cattāro ekattha vasantā sabbeva sannipatitvā pātimokkhaṃ uddisanti, tayo pārisuddhiuposathaṃ karonti, dve aññamaññaṃ pārisuddhiuposathaṃ karonti, dhammena samaggaṃ nāma hotīti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၇၇. ဥပောသထဘေဒာဒိ • 77. Uposathabhedādi
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဥပောသထဘေဒာဒိကထာဝဏ္ဏနာ • Uposathabhedādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဥပောသထဘေဒာဒိကထာဝဏ္ဏနာ • Uposathabhedādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဥပောသထဘေဒာဒိကထာဝဏ္ဏနာ • Uposathabhedādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၇၇. ဥပောသထဘေဒာဒိကထာ • 77. Uposathabhedādikathā
