| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
උපොසථභෙදාදිකථා
Uposathabhedādikathā
149. චාතුද්‌දසිකො ච පන්‌නරසිකො චාති එත්‌ථ චාතුද්‌දසිකස්‌ස පුබ්‌බකිච්‌චෙ ‘‘අජ්‌ජුපොසථො චාතුද්‌දසො’’ති වත්‌තබ්‌බං.
149.Cātuddasiko ca pannarasiko cāti ettha cātuddasikassa pubbakicce ‘‘ajjuposatho cātuddaso’’ti vattabbaṃ.
අධම්‌මෙන වග්‌ගන්‌තිආදීසු සචෙ එකස්‌මිං විහාරෙ චතූසු භික්‌ඛූසු වසන්‌තෙසු එකස්‌ස ඡන්‌දපාරිසුද්‌ධිං ආහරිත්‌වා තයො පාරිසුද්‌ධිඋපොසථං කරොන්‌ති, තීසු වා වසන්‌තෙසු එකස්‌ස ඡන්‌දපාරිසුද්‌ධිං ආහරිත්‌වා ද්‌වෙ පාතිමොක්‌ඛං උද්‌දිසන්‌ති, අධම්‌මෙන වග්‌ගං උපොසථකම්‌මං හොති. සචෙ පන චත්‌තාරොපි සන්‌නිපතිත්‌වා පාරිසුද්‌ධිඋපොසථං කරොන්‌ති, තයො වා ද්‌වෙ වා පාතිමොක්‌ඛං උද්‌දිසන්‌ති, අධම්‌මෙන සමග්‌ගං නාම හොති. සචෙ චතූසු ජනෙසු එකස්‌ස පාරිසුද්‌ධිං ආහරිත්‌වා තයො පාතිමොක්‌ඛං උද්‌දිසන්‌ති, තීසු වා ජනෙසු එකස්‌ස පාරිසුද්‌ධිං ආහරිත්‌වා ද්‌වෙ පාරිසුද්‌ධිඋපොසථං කරොන්‌ති, ධම්‌මෙන වග්‌ගං නාම හොති. සචෙ පන චත්‌තාරො එකත්‌ථ වසන්‌තා සබ්‌බෙව සන්‌නිපතිත්‌වා පාතිමොක්‌ඛං උද්‌දිසන්‌ති, තයො පාරිසුද්‌ධිඋපොසථං කරොන්‌ති, ද්‌වෙ අඤ්‌ඤමඤ්‌ඤං පාරිසුද්‌ධිඋපොසථං කරොන්‌ති, ධම්‌මෙන සමග්‌ගං නාම හොතීති.
Adhammena vaggantiādīsu sace ekasmiṃ vihāre catūsu bhikkhūsu vasantesu ekassa chandapārisuddhiṃ āharitvā tayo pārisuddhiuposathaṃ karonti, tīsu vā vasantesu ekassa chandapārisuddhiṃ āharitvā dve pātimokkhaṃ uddisanti, adhammena vaggaṃ uposathakammaṃ hoti. Sace pana cattāropi sannipatitvā pārisuddhiuposathaṃ karonti, tayo vā dve vā pātimokkhaṃ uddisanti, adhammena samaggaṃ nāma hoti. Sace catūsu janesu ekassa pārisuddhiṃ āharitvā tayo pātimokkhaṃ uddisanti, tīsu vā janesu ekassa pārisuddhiṃ āharitvā dve pārisuddhiuposathaṃ karonti, dhammena vaggaṃ nāma hoti. Sace pana cattāro ekattha vasantā sabbeva sannipatitvā pātimokkhaṃ uddisanti, tayo pārisuddhiuposathaṃ karonti, dve aññamaññaṃ pārisuddhiuposathaṃ karonti, dhammena samaggaṃ nāma hotīti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 77. උපොසථභෙදාදි • 77. Uposathabhedādi
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / උපොසථභෙදාදිකථාවණ්‌ණනා • Uposathabhedādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / උපොසථභෙදාදිකථාවණ්‌ණනා • Uposathabhedādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / උපොසථභෙදාදිකථාවණ්‌ණනා • Uposathabhedādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 77. උපොසථභෙදාදිකථා • 77. Uposathabhedādikathā
