| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
உபோஸத²பே⁴தா³தி³கதா²வண்ணனா
Uposathabhedādikathāvaṇṇanā
149. அத⁴ம்மேன வக்³க³ந்தி எத்த² ஏகஸீமாய சதூஸு பி⁴க்கூ²ஸு விஜ்ஜமானேஸு பாதிமொக்கு²த்³தே³ஸோவ அனுஞ்ஞாதோ, தீஸு, த்³வீஸு ச பாரிஸுத்³தி⁴உபோஸதோ²வ. இத⁴ பன ததா² அகதத்தா ‘‘அத⁴ம்மேனா’’தி வுத்தங். யஸ்மா பன ச²ந்த³பாரிஸுத்³தி⁴ ஸங்கே⁴ ஏவ ஆக³ச்ச²தி, ந க³ணே, ந புக்³க³லே, தஸ்மா ‘‘வக்³க³’’ந்தி வுத்தந்தி.
149.Adhammena vagganti ettha ekasīmāya catūsu bhikkhūsu vijjamānesu pātimokkhuddesova anuññāto, tīsu, dvīsu ca pārisuddhiuposathova. Idha pana tathā akatattā ‘‘adhammenā’’ti vuttaṃ. Yasmā pana chandapārisuddhi saṅghe eva āgacchati, na gaṇe, na puggale, tasmā ‘‘vagga’’nti vuttanti.
ஸசே பன த்³வே ஸங்கா⁴ ஏகஸீமாய அஞ்ஞமஞ்ஞங் ச²ந்த³ங் ஆஹரித்வா ஏகஸ்மிங் க²ணே விஸுங் ஸங்க⁴கம்மங் கரொந்தி, எத்த² கத²ந்தி? கேசி பனேதங் வட்டதீதி வத³ந்தி, தங் ந க³ஹேதப்³ப³ங் வக்³க³கம்மத்தா . கம்மங் கரொந்தானஞ்ஹி ச²ந்த³பாரிஸுத்³தி⁴ அஞ்ஞத்த² ந க³ச்ச²தி ததா² வசனாபா⁴வா, விஸுங் விஸுங் கம்மகரணத்த²மேவ ஸீமாய அனுஞ்ஞாதத்தா சாதி க³ஹேதப்³ப³ங். விஹாரஸீமாயங் பன ஸங்கே⁴ விஜ்ஜமானேபி கேனசி பச்சயேன க²ந்த⁴ஸீமாயங் தீஸு, த்³வீஸு வா பாரிஸுத்³தி⁴உபோஸத²ங் கரொந்தேஸு கம்மங் த⁴ம்மேன ஸமக்³க³மேவ பி⁴ன்னஸீமட்ட²த்தாதி த³ட்ட²ப்³ப³ங்.
Sace pana dve saṅghā ekasīmāya aññamaññaṃ chandaṃ āharitvā ekasmiṃ khaṇe visuṃ saṅghakammaṃ karonti, ettha kathanti? Keci panetaṃ vaṭṭatīti vadanti, taṃ na gahetabbaṃ vaggakammattā . Kammaṃ karontānañhi chandapārisuddhi aññattha na gacchati tathā vacanābhāvā, visuṃ visuṃ kammakaraṇatthameva sīmāya anuññātattā cāti gahetabbaṃ. Vihārasīmāyaṃ pana saṅghe vijjamānepi kenaci paccayena khandhasīmāyaṃ tīsu, dvīsu vā pārisuddhiuposathaṃ karontesu kammaṃ dhammena samaggameva bhinnasīmaṭṭhattāti daṭṭhabbaṃ.
உபோஸத²பே⁴தா³தி³கதா²வண்ணனா நிட்டி²தா.
Uposathabhedādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 77. உபோஸத²பே⁴தா³தி³ • 77. Uposathabhedādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / உபோஸத²பே⁴தா³தி³கதா² • Uposathabhedādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபோஸத²பே⁴தா³தி³கதா²வண்ணனா • Uposathabhedādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / உபோஸத²பே⁴தா³தி³கதா²வண்ணனா • Uposathabhedādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 77. உபோஸத²பே⁴தா³தி³கதா² • 77. Uposathabhedādikathā
