| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
убосат̇абхзд̣̇аад̣̇игат̇ааван̣н̣анаа
Uposathabhedādikathāvaṇṇanā
149. ‘‘д̣̇взмз , бхигкавз, убосат̇аа’’д̇и д̇ад̣̇аа саамаг̇г̇ийубосат̇асса ананун̃н̃аад̇ад̇д̇аа вуд̇д̇ам̣. саамаг̇г̇ийубосат̇асса буб̣б̣агижжз ‘‘аж̇ж̇убосат̇о саамаг̇г̇ий’’д̇и вад̇д̇аб̣б̣ам̣, на жа гаммаваажааяа бхаг̇авад̇аа баяог̇о д̣̇ассид̇о, баал̣инаяад̇о адтагат̇аажариязхи уд̣̇д̣̇исид̇аб̣б̣аггамо д̣̇ассид̇о. д̇ат̇аа бан̃жаннам̣ баад̇имогкуд̣̇д̣̇зсаанам̣ уд̣̇д̣̇зсаггамо сид̣̇д̇ход̇и взд̣̇ид̇аб̣б̣ам̣. д̇аяо ваа д̣̇вз ваа баад̇имогкам̣ уд̣̇д̣̇исанд̇и, ад̇хаммзна самаг̇г̇ам̣ наама ход̇ийд̇и зд̇т̇а гаамам̣ сан̇гхасса саамаг̇г̇ий наама ход̇и ваг̇г̇агат̇ааяа яат̇аагаммам̣ саамаг̇г̇ийвавад̇т̇аанад̇о. д̇ат̇ааби ваг̇г̇абадибагкабхаавзна самаг̇г̇ам̣, самаг̇г̇абадибагкабхаавзна жа ваг̇г̇ам̣ наама гад̇ам̣. аавзн̣игад̇о ваа г̇ан̣агаммаад̣̇исамбхавад̇о, д̇асса жа самаг̇г̇аваг̇г̇абхаавасамбхавад̇о вуд̇д̇анд̇и взд̣̇ид̇аб̣б̣ам̣. д̇хаммзна ваг̇г̇анд̇и зд̇т̇а баарисуд̣̇д̇хигаран̣ам̣ д̇хаммигам̣, сан̇гхассзва чанд̣̇ааг̇аманам̣, на г̇ан̣ассаад̇и гад̇ваа ваг̇г̇ам̣ наама ход̇и. ‘‘згаваарам̣ гад̇ам̣ сугад̇ам̣, аабад̇д̇им̣ бана аабаж̇ж̇ад̇и, буна гаад̇ум̣ на лабханд̇ий’’д̇и вад̣̇анд̇и. ‘‘бан̃жасу згасса чанд̣̇ам̣ аахарид̇ваа жад̇уухи баад̇имогкам̣ уд̣̇д̣̇исид̇ум̣ ваддад̇ий’’д̇и вад̣̇анд̇и, д̇ам̣ яуд̇д̇ам̣, чанд̣̇ахаарагз бхигкуунам̣ санд̇игам̣ бад̇д̇з д̇зна сан̇гхо баход̇и, д̇асмаа чанд̣̇о сан̇гхаббад̇д̇о ход̇ийд̇и гад̇ваа вуд̇д̇ам̣.
149. ‘‘Dveme , bhikkhave, uposathā’’ti tadā sāmaggīuposathassa ananuññātattā vuttaṃ. Sāmaggīuposathassa pubbakicce ‘‘ajjuposatho sāmaggī’’ti vattabbaṃ, na ca kammavācāya bhagavatā payogo dassito, pāḷinayato aṭṭhakathācariyehi uddisitabbakkamo dassito. Tathā pañcannaṃ pātimokkhuddesānaṃ uddesakkamo siddhoti veditabbaṃ. Tayo vā dve vā pātimokkhaṃ uddisanti, adhammena samaggaṃ nāma hotīti ettha kāmaṃ saṅghassa sāmaggī nāma hoti vaggakathāya yathākammaṃ sāmaggīvavatthānato. Tathāpi vaggapaṭipakkhabhāvena samaggaṃ, samaggapaṭipakkhabhāvena ca vaggaṃ nāma kataṃ. Āveṇikato vā gaṇakammādisambhavato, tassa ca samaggavaggabhāvasambhavato vuttanti veditabbaṃ. Dhammena vagganti ettha pārisuddhikaraṇaṃ dhammikaṃ, saṅghasseva chandāgamanaṃ, na gaṇassāti katvā vaggaṃ nāma hoti. ‘‘Ekavāraṃ kataṃ sukataṃ, āpattiṃ pana āpajjati, puna kātuṃ na labhantī’’ti vadanti. ‘‘Pañcasu ekassa chandaṃ āharitvā catūhi pātimokkhaṃ uddisituṃ vaṭṭatī’’ti vadanti, taṃ yuttaṃ, chandahārake bhikkhūnaṃ santikaṃ patte tena saṅgho pahoti, tasmā chando saṅghappatto hotīti katvā vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 77. убосат̇абхзд̣̇аад̣̇и • 77. Uposathabhedādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убосат̇абхзд̣̇аад̣̇игат̇аа • Uposathabhedādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убосат̇абхзд̣̇аад̣̇игат̇ааван̣н̣анаа • Uposathabhedādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убосат̇абхзд̣̇аад̣̇игат̇ааван̣н̣анаа • Uposathabhedādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 77. убосат̇абхзд̣̇аад̣̇игат̇аа • 77. Uposathabhedādikathā
